注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

原生态---------2010年富士翼豹STI  

2014-06-21 10:03:03|  分类: 试车日记 |  标签: |举报 |字号 订阅

  下载LOFTER 我的照片书  |
原生态---------2010年富士翼豹STI - Ryan  - 粤车无数
 系四驱turbo房车世界,不嬲都系斗到难分难解,尤其系由Rally打到落街嘅露笋同翼豹。如果以车论车,尤其系以前嘅Rally比赛,三菱Evolution的确高班过扫把佬STI,但系呢D已经系之前嘅事。早几年两家嘅头马都出到第十代,可惜行货EVO得SST双离合器波箱,加上部车又重,完全无晒旧款嘅爆炸力,反而扫把佬出第十代翼豹就有新意D,一来出揭背版行欧洲化hot hatch路线,二来用左新设计车架,车门通通有框。虽然初头比资深扫把迷踩到接近地底泥,但系如果睇番近几年Rally,短尾甚至揭背型号的确可以系急弯追翻吴少时间,而且新款翼豹嘅底盘扎实过之前好多,仲有一个非常之鬼鼠嘅六前速手波波箱,所以近几年我都好推荐朋友买距,唔一定要新车,二手一样好砌。
原生态---------2010年富士翼豹STI - Ryan  - 粤车无数
 自从同丰田佬合作之后,扫把佬嘅新车外形已经吴可以用靓同丑去形容,新一代车迷可能觉得无乜野,但系如果你系一个由GC8开始一路追到第九代嘅扫把迷,一见到第十代分分钟爆粗,因为距已经唔似翼豹。距个壳唯一传承上一代嘅零件,可能就系得翻盏头灯,虽然有开窿头冚,但系入风口斯文左好多,虽然继续有抛沙板,但系呢D咁温柔嘅线条,会令人觉得距系一只猫而唔系一只豹。
原生态---------2010年富士翼豹STI - Ryan  - 粤车无数
 短尾系翼豹变身嘅重点,以前见惯嘅餐台尾翼无左,变左一只屋仔尾翼,以前摆得落拳头嘅尾喉都无左,变左四出排气。呢只STI原先系有一套五爪合金铃拣嘅,靓过宜家呢套古铜色合金铃。
原生态---------2010年富士翼豹STI - Ryan  - 粤车无数
 入到内笼,第一反应就系入左去一部森林人,只不过矮D姐。门板、抽手、中控台、冷气出风口基本一样,因为森林人都系用翼豹嘅底盘设计,所以用埋翼豹内笼好正常,除此之外就大分别喇。首先系热血指数爆灯嘅仪表板,着车扫一圈自检都系小儿科,三个圈都有粉红色先靓,而且大大个转速表系中间。太盘大细岩岩好,三九点都有D快捷键,波棍座前面有大大个STI章,六前速波棍有小小向后斜,如果想入倒档,要用手渣实波棍头,再用食指同中指拉起下面个扣,咁先可以入到。波棍后面有个扭制,用来拣驾驶模式,一共有I,S,S+三个模式,I虽然翻译系智能,但其实系一个悭油模式,S就跑味重D,S+就丧D。扭制后面仲有几粒制,用来设定差速器,可以改变前后扭力分布。
原生态---------2010年富士翼豹STI - Ryan  - 粤车无数
 其实高性能车内笼真系唔使太花巧,设备一多,部车又要卖得贵D,而且对性能又未必有帮助,因为始终系小众车,价钱一贵又吓走D客,所以简简单单都系一件好事。第十代STI嘅空间感系甘多代里面最好,唔觉顶头亦都吴觉顶脚,就系一个自自然然嘅坐姿。凳系半皮凳,主要都系防跣,坐落无乜特别,但系部车一快,你就知道距几有用。
原生态---------2010年富士翼豹STI - Ryan  - 粤车无数
 后排空间无问题,因为后面如果坐三个人,中间果个会极度危险,而且亦都无可能坐得舒服。后排同前排一样用半皮凳,不过设计就好似D微型车嘅凳,波浪形咁,应该都系想偷位。
原生态---------2010年富士翼豹STI - Ryan  - 粤车无数
 日本土著版系用两公升TURBO引擎,而出口版就用2.5升TURBO偈,虽然排气量大左,但系马力反而细D。如果系第一次玩STI,就要比多D时间适应下离合器同波棍,因为距同一般棍波车唔同,熟悉左之后就可以放胆踩。呢部车有300匹,而扭力有40.8公斤米,起围一样够晒爽快,不过行过D拦路就觉得太盘有D抢,另外,呢副2.5升引擎过左6000转无耐就去到红区,而只涡轮机似乎要等到3000转打后先黎料,即系话副引擎谷一阵就要即刻升档。呢部车底盘功力系几深,车架亦都好强,以前嘅翼豹开起身硬系觉得有D散,呢部唔会,就算快D入弯距都好定,至于驾驶模式,拣自动都无问题,因为始终系四驱车,点都好难靠呢个电子差速做到纯前驱或者纯后驱,如果你觉得自己手车够辣,你可以分多D扭力去后边,不过呢D短尾四驱车,如果车尾太过鬼鼠,你救车就好紧张,四只辘都有力,唔系单纯收油救车咁简单,有时反而系要继续督油,再配合扭太,咁先可以成功救到,呢样同尾驱踩轻油门救车好唔同。
原生态---------2010年富士翼豹STI - Ryan  - 粤车无数
宜家手波跑车或者手波跑房车已经买少见少,可能因为周围成日塞车同埋一车多人用嘅原因,越来越少人买手波,所以车厂都局住唔再出呢D原生态辣车。呢部十代都系,虽然系内地依然买到棍波版,但其实距系香港都有出一只叫做A-line嘅自动波版本,原理就好似Evolution七代果部GT-A咁,专门攻D中意距地又唔中意舞棍嘅客。呢几日去睇车,等试车期间会听到好多稀奇古怪嘅问题,比如早几日有个想买328i嘅人,全程系度讲自己几中意渣快车几中意玩甩尾,但系又不断问部车有无防滑,咁仲唔系鬼拍后尾枕?又比如前两日我去佛山车城睇部BRZ,听到有人不断话部车用自动波点点点好法,完全唔知BRZ系为左棍仔党而出。唔同性格嘅车自然有唔同客路,中意STI嘅人未必会接受比如GOLF R呢D电脑车,大家都系快车,但系就唔系部部车都够“人性化”,有D车开起身摆明同打机无分别仲用一大堆电子设备氹到你舒舒服服,而有D车就成日泼你冷水仲时不时寸下你,系要癫到你服为止,STI就系属于呢种。
 
  评论这张
 
阅读(443)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017