注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

小飞象------2010年无限FX35  

2014-05-17 23:51:30|  分类: 试车日记 |  标签: |举报 |字号 订阅

  下载LOFTER 我的照片书  |
小飞象------2010年无限FX35 - Ryan  - 粤车无数
SUV大致上可以分为两种,一种接近越野车,虽然无用大梁车架但系都一样可以爬山捞泥,只不过行烂路嘅极限唔够正宗越野车犀利,而另一种就接近休闲车,外形一样系高头大马但系就注重公路表现。公路型SUV由宝马X5带起,不过其他车厂都好快跟住出,比如已经欧洲化嘅无限车厂,亦即系国内音译嘅英菲尼迪。无限车厂系2003年推出第一代FX,而今次为大家介绍嘅FX35属于第二代。同第一代一样,FX坚持将跑车同SUV嘅设计撞埋一齐。无限车厂除左出新车之外,连车名都重新编排,房车、跑房车同房跑车用Q字头,而SUV就用QX字头,由2014年开始,FX改名叫做QX70。
小飞象------2010年无限FX35 - Ryan  - 粤车无数
 FX35嘅外形设计有D怪,主要系因为车头比例改左,而且将概念车嘅外形还原,所以会觉得仲妖过D韩国车。大型中网系近几年新车嘅潮流,不过呢部车嘅车头灯就稍为鬼鼠左D,明明盏灯整到好大,但系因为中网实在太大件,而且中网又几乎垂直,所以一样觉得距朦猪眼,再加埋头泵把又无端端突起一旧野,点睇都好似怪怪地。呢部车嘅沙版有开窿,一来可以带走引擎舱嘅热气,二来因为呢部车好食风,如果无呢个导流设计,部车行高速嘅时候车头会鄂起。呢部车侧面好明显分上下两个部分,上面就似一部跑车,而下面就似SUV,最顶瘾系距用左21寸胎铃,即时将车身比例拉匀,唔理部车生得有几怪,胎铃够大就可以加分。
小飞象------2010年无限FX35 - Ryan  - 粤车无数
 同车头相比,FX35嘅车尾就正常D,尾灯同头灯设计差唔多,尾玻璃弧度好大,坐系车里面望后面视野会好D,尾门有特别突起,原理就同定风翼差唔多,车尾都系好垂直,望落会厚重D,再加上双出尾喉,成部车都几有跑车格。
小飞象------2010年无限FX35 - Ryan  - 粤车无数
 FX35嘅车门都几重,而且呢一代同上一代相比,内笼设计嘅进步亦都好大,主要系用料同装嵌方面加多几钱肉紧。最直接就系太盘嘅手感,呢个太盘唔算好大,D皮几痴手,角度亦都系电动调教。皮凳好大张,而且有D菱形花纹,防跣一般,侧面都系要靠腰垫防滑,不过无论皮凳定中控台,甚至周围嘅塑胶件,件件都大大件,而且好厚实,望落有D似美国式大车格局,但系只系望落似,因为呢部车嘅空间唔大。
小飞象------2010年无限FX35 - Ryan  - 粤车无数
 无论点样调张凳,坐姿来讲呢部车都系偏高,所以就算有全黑内笼,战斗格都好弱。作为日籍豪华车,配置一般都会好堆砌。今代换左一个新设计嘅仪表板,着车会有D蓝光,然之后会自检一下,转速同时速指针都会扫到尽再还原,跑车味就无乜,科技感就几强。车辆信息同仪表板光暗控制就走左去仪表板嘅遮光板上面,好鬼死90年代。太盘上面都有快捷键,大致上都系音量、电话免提、行车电脑同定速功能,D制都整得几精致。最欣赏系太盘后边大大件嘅转波拨片,用左凉浸浸嘅铝片去整,仲用D类似真皮嘅野包边。中控台就真系好似一个控制台,D制唔系面向你而系向上,停车操作会好D。我发觉日产真系好中意摆个钟落D车度,以前嘅蓝鸟有,依家嘅无限一样有。另外,呢部车一着车就已经好大声,听落好似好大力。
小飞象------2010年无限FX35 - Ryan  - 粤车无数
 头先讲过呢部车前排空间唔算特别大,后排就更加细,除左阔D之外,头顶位同脚位都好少,呢D设计依家好多车都用紧,明明车壳好大份,但系入到去就觉得局促,最核突就系后排嘅冷气出风口,好似系D旧款五十铃货车果度拆落来装上去咁。呢部车都无特别偷位比乘客,车门厚实,内饰厚实,座垫厚实,连天花板都好似好厚实,呢样厚果样厚,加埋加埋就会压缩空间,虽然无得系里面行行企企,但系就几有安全感。
小飞象------2010年无限FX35 - Ryan  - 粤车无数
 咁大部车,虽然乘客空间唔大,但系都比翻个大尾箱比你。后排例牌可以分开拍低,不过并唔系全平地台,而且两个后辘轮拱同避震系统占左好大地方,尾箱左右都有旧野突起。
小飞象------2010年无限FX35 - Ryan  - 粤车无数
 拉起件挡板,会见到尾箱底有个后备车胎,但系同其他四只脚唔同,掂地嘅车胎系21寸,而呢个后备车胎系18寸,所以只能够临时用,后备车胎里面呢件系低音炮,而外围就系维修工具。
小飞象------2010年无限FX35 - Ryan  - 粤车无数
 一讲到日产嘅V6引擎,好自然会啉起VQ系列,第一代FX35系用VQ35DE,而呢一代就用左VQ35HR,HR意思即系着重高转速同高速反应。原先呢副引擎系装系改款之后嘅淑女跑车350Z上面,为左低重心,连顶部都削到好扁,所以用系呢部FX35上面,会觉得副引擎凹左落去。呢副V6机器都几劲,明明部车咁重,加速力都好实净,无论系红绿灯起步定系高速再加速都好有实力,就算用左21寸胎铃都唔会觉得系负累。第一代FX35系用五前速自动波,呢一代就用左七前速,对加速好有贡献,如果用手波模式退档,仲会听到好明显Fah......Fah.....补油声。呢部车中低速嘅时候其实都系行两驱,所以开起身同全时四驱嘅车好唔同,甚至有D似尾驱,但系如果跣胎,前后辘嘅力都好平均,唔觉会抢太,又唔会觉得部车会特别典,不过因为坐得高,过弯嘅离心力都仲系好大。
小飞象------2010年无限FX35 - Ryan  - 粤车无数
汽车嘅外形设计经过百几年发展已经去到出神入化嘅地步,今时今日你见到嘅街车,甚至比以前嘅概念车更加科幻。以前无限嘅车同日产嘅车好似样,所以就算有心同凌志、阿库拉竞争都好似争紧D牙力,但系之后就唔同晒喇,你依家见到嘅无限,系日本牌子里面算系数一数二抢眼。外形出位固之然吸引多D买家,但系好多人买部车翻来,用左一段时间会发现部车睇位好难,尤其系前凸后凸、但系驾驶室凹左入去果D,又或者系部车大大架但系玻璃细细件果D,平时好天都仲容易睇D,遇岩横风横雨就会好伤神。要解决视野问题有好多办法,例如好似呢部FX35咁,前后左右都装左镜头,再加埋车身几个距离感应器,一入倒挡就会系液晶屏幕显示到部车大致嘅方位,停车就好似打机咁。
  评论这张
 
阅读(297)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017