注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

四门快马------2004年宝马530i  

2014-04-02 01:19:56|  分类: 试车日记 |  标签: |举报 |字号 订阅

  下载LOFTER 我的照片书  |
超级房车------2004年宝马530i - Ryan  - 粤车无数
 宝马系一间好特别嘅车厂,用数字代表车嘅系列,1,3,5,7代表房车,2,4,6,8代表双门车,除左数字,仲有字母,比如Z系列双门跑车,M系列厂改辣车,GT系列四不像,X系列四驱车,为左对抗CLS同A7,仲稳6系变一部Gran Coupe出黎。虽然车型好多,但系你会发觉,距地嘅内笼绝大部分都系刚刚好够用,除左7系呢D例牌豪华车之外,其它宝马仔似乎唔系好追求空间,当然啦,除左Li版。如果话宝马3系系为左后生仔女而设计,咁大一个码嘅5系就应该系为之前用紧3系,后来成家立室或者其他原因要换大车嘅人而设计。市面上有好多车,基本上你睇一个人渣咩车就大致估到距系一个咩人,如果你要买大车,又中意飞车,咁就要留意下呢一代5系。
超级房车------2004年宝马530i - Ryan  - 粤车无数
 今次为大家介绍嘅系2004年10月份落地嘅旧款5系,编号系E60,宜家新款5系已经转用F字头。唔知你觉唔觉得,近几年宝马嘅外形设计有D回塘,尤其系新款5系,除左车尾型仔D之外,车头真系唔知似乜,M5都仲好D,因为有套恶辣包围,如果系普通版,真系唔够旧款呢一代襟睇。宜家好多新款车都将转弯灯装系侧镜壳,不过如果讲到外形归一同低风阻,始终系无好过有。
超级房车------2004年宝马530i - Ryan  - 粤车无数
 呢一代5系嘅车身非常之复杂,因为原厂设计已经好似撞凹左咁,不过事实已经证明左呢个系大趋势,宜家市面上99%嘅新车都系咁样凹来凹去,不过呢部车靓就靓在无乜银色嘅反光条,基本就得窗框有,所以比人感觉好干净。呢款5系属于中大型房车,宜家呢类型车已经好少用单边单尾灯设计,而呢部5系嘅尾灯就好似一对翼,所以车尾感觉上好似好轻,尾泵把下面原装已经有一条尾唇,款式已经好接近改装件,而单边双出喉嘴设计就比较斯文。
超级房车------2004年宝马530i - Ryan  - 粤车无数
 同外形一样咁简单嘅仲有内笼,侧镜角度、侧窗升降都装系门板拉手嘅上面,好处系开车嘅时候容易望,而且当你手渣住太盘嘅时候,可以好快就控制得到,因为距离好近。仪表板基本上得两个圆圈,其他提示都用英文同符号,中控台有一条好长嘅木纹饰板,上面集成左显示屏,主要显示i-Drive,下面系冷气控制。不过由于已经系2004年嘅版本,所以呢个i-Drive无乜快捷键,屏幕又细又唔系触摸屏,而且界面都好复杂,基本上只能够用波棍后面嘅旋钮控制,i-Drive嘅设置超多,中意学习高科技嘅人会好肯比时间去玩,不过听车主讲,好多渣呢一代5系嘅人,设置过一次之后就基本上无乜点研究距。太盘都系好经典嘅宝马三幅式,两边都有快捷键。可能你会觉得奇怪,点解咁贵一部车,刹车同油门踏板唔系铝合金,如果你系一个中意激烈驾驶嘅人,就会知道大件胶其实最防滑。
超级房车------2004年宝马530i - Ryan  - 粤车无数
 呢一代嘅5系前排空间之所以阔落,首先系因为坐得好矮,坐得矮自然头顶空间就大,而且内笼都算几阔,所以你坐稳之后无论望出面定系望隔离都会觉得好开扬,仲有就系玻璃嘅设计,呢部车嘅挡风玻璃唔算特别斜,但系弧度就好大,包括宜家新出嘅F字头5系都有呢个设计,所以最直观嘅感受就系你知道自己渣紧5系,但系同渣部3系差唔多,唔觉得部车特别大,另外,因为中控台设计好简单,所以更加觉得空间见洗。
超级房车------2004年宝马530i - Ryan  - 粤车无数
 同前排相比,因为唔系Li加长版,所以标准轴距嘅短阵5系后排都系仅仅够用,门板设计同前排差唔多,门窗控制都系放系最就手嘅位置,手枕位稍微矮左D,椅背好厚实,侧面有件大垫,可以打侧坐,呢个后排嘅坐垫好长,所以望落好似压缩左放脚嘅空间,但系对大比位嘅承托力就真系一流,对坐长途车好有帮助。
超级房车------2004年宝马530i - Ryan  - 粤车无数
 编号E60嘅宝马5系分前期同后期两个版本,以530i为例,都系用一副直六自然吸气引擎,但系两个时期嘅引擎有分别,比如呢部前期版,有231匹,哇佬冚BMW字样同加机油果个口唔系同一直线,如果系后期版,就有258匹,BMW字样变成BMW厂徽,而且同加机油果个口同一直线。呢部车嘅引擎声同排气声都好好听,引擎嘅反应算几快,D力好似集中系中段,虽然车身重,但系唔会觉得唔够力,听觉上会觉得呢部车好狂野。呢部车真系好肯冲,虽然系旧款嘅六前速自动波,但系呢副引擎都好配合,起步唔算快,就算踩尽油起步果下都唔算快,但系只要部车开始郁,行前几米之后就系另外一个世界。呢部车经过凹凸路面都仲好定,车厢里面会有小小震,不过好轻微,可以好放心踩快D,一路督住油督到尽都唔怕,而且排气声好大。呢部车高速无问题,转弯就更加觉得呢部车系好有诚意,证明车厂当年无hea做,首先距唔会好侧,就算打死太督油距都唔会好侧,车尾识得走,车头都几肯入弯,车架好硬,所以四条避震都局住要交足功课,之前有人话呢代5系避震机兴漏油,可能都系因为咁,避震机行程下下去到尽,自然就会比较短命。另外要提一提就系呢部车嘅底盘,呢部车就算慢慢开,沟通感都几好,打太变线或者经过D沙井盖会觉得部车真系好扎实,行紧乜嘢路,颜到D乜嘢距都会话你知,呢部车绝对唔系D乜嘢舒服车,反而系行车表现行先,再比多小小空间比你作为补偿,所以同级嘅尾驱大车来讲,呢部真系无乜对手。
超级房车------2004年宝马530i - Ryan  - 粤车无数
宝马嘅广告有意无意都话自己嘅车系终极驾驶机器,但系都要睇下系乜嘢型号。除左短阵嘅5系,我都有试过F字头嘅长阵版535Li,如果单单讲引擎功力,新款嘅TURBO机器的确够丧,不过可惜系一部加长版,无论设计点样迁就,大部左就系大部左,电子化左就系电子化左,呢D野通通都会系试得出,而且亦都唔难试得出,除左行车表现,仲有就系TURBO机器嘅质素,宝马整引擎好有自己嘅模式,不过出来嘅效果似乎唔系好对得住观众,比如之前试过嘅长阵版,落车之后会有一阵烧焦味,而且之前宝马TURBO机器嘅高压油泵罢工事件,更加觉得宝马TURBO机器有D野未整好,始终一部成功嘅车除左识行识走之外,最紧要都系听话易养。
 
  评论这张
 
阅读(403)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017