注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

绝代街飞---------2005年富士力狮2.0R  

2014-03-17 23:10:47|  分类: 试车日记 |  标签: |举报 |字号 订阅

  下载LOFTER 我的照片书  |
绝代街飞---------2005年富士力狮2.0R - Ryan  - 粤车无数
 富士嘅车以前系好有个性嘅,“扫把佬”、扁挞挞外形、煲水排气声、水平对向引擎同坚四驱就唔讲喇,最多人知就系距部部车只只侧门都系无窗框,不过呢D都系以前嘅事,宜家嘅新款已经变成一部丰田外形嘅斯文车,唔理出于安全设计又好悭油设计又好,宜家嘅富士已经改款改到认唔到。2000年打后,无窗框嘅平价跑房车越出越少,虽然宜家德国车厂又出翻呢类型嘅车,比如宝马3系GT、5系GT,奥迪A5揭背、A7揭背,BENZ厂嘅CLA、CLS等等,仲有大众CC,但系都系偏豪华,而且又贵,所以如果手头紧又想试下乜嘢叫做四门跑房车,旧款力狮真系好值得试。
绝代街飞---------2005年富士力狮2.0R - Ryan  - 粤车无数
 呢一代力狮属于第四代,最初系2003年5月份出现,成个生产周期系由2003年一路出到2009年,呢代大过上一代,但系反而轻左将近100公斤。力狮由呢一代开始用左泪眼头灯设计,中网虽然唔明显,不过呢个六边形设计系宜家嘅富士XV上面都会见到,反而系新款力狮上面就唔见左。
绝代街飞---------2005年富士力狮2.0R - Ryan  - 粤车无数
 作为一部跑房车,力狮原装已经有套好明显嘅包围,裙脚稍微突出,尾翼都系原装跟车就有,另外,力狮基本上部部都系用粗喉嘴设计,所以好多人觉得距系一部改装车,其实距原装已经系咁,最低调反而系距套胎铃,七爪设计有小小似D本田合金铃,车胎几薄,再加埋原装好似Low低左离地距,更加似改装车。
绝代街飞---------2005年富士力狮2.0R - Ryan  - 粤车无数
 力狮由第一代出到第四代都系用无窗框车门,呢代系最后一代,所以重新搞过部车嘅隔音,尽量系静音方面贴近有窗框嘅车,不过由于呢部二手车已经有D年纪,行起身都系有D风声传入黎,除左唔够静,呢种车门确实系几型。以前我都有试过呢一代力狮,音响就麻麻地,呢部车个车主自己去改左喇叭,但系听落同原装分别唔大。
绝代街飞---------2005年富士力狮2.0R - Ryan  - 粤车无数
 旧款力狮嘅太盘手感几好,太环嘅直径岩岩好唔会太大,甚至觉得D皮有小小痴手,太盘造型有小小似MOMO嘅出品,三九点嘅手指位都好贴,好岩东方人嘅手势。中控台系打斜嘅,好多用来比司机自己叹嘅车都中意咁样整,冷气出风口中间有几只表,其实都系改音响嘅时候装落去嘅,而唔系显示引擎嘅状态。呢部车最奇怪就系音响控制同冷气控制,功能齐但系就无乜跑车味道,再加埋两边有D胶唔似胶、木唔似木嘅装饰,好明显系想部车豪华D、有科技感D,可惜同个内笼极之唔衬。同呢部车唔衬嘅仲有呢个四前速自动波,虽然有模拟手波功能,但系每一档都好长气。
绝代街飞---------2005年富士力狮2.0R - Ryan  - 粤车无数
 只要系烧油先识得行嘅车,我觉得水温表、转速表、时速表同油表系一定要有嘅,就算唔系圆形表都一定要有实时嘅显示,可惜宜家新出嘅车反而唔系部部有,有D无水温表,净系着车果下自检有个符号,检完就连符号都无埋,有D就无转速表,如果系手波嘅,无转速表就真系纯粹听声换挡,以前学车嘅时候教练话睇时速换挡,其实系错嘅,尤其系手波车,换挡时机系要睇转速表。
绝代街飞---------2005年富士力狮2.0R - Ryan  - 粤车无数
 除左前门,后门都系无窗框嘅,系度提一提想买呢款车嘅朋友,所有呢种车门嘅车,车窗都会自己升或者降,比如你要系车里面开门出来,一拉果个拉手,只窗系会跌小小,因为要避开窗边嘅胶条,所以唔系坏,然之后你系车外面关门,一关实距件玻璃又会升翻小小,因为已经就位,玻璃升小小就已经可以贴住D胶条。呢一代力狮嘅后排唔算好阔落,不过坐姿就好矮,四门跑房车,除左司机坐得矮,乘客都要陪距坐得矮,咁先可以成车人贴地飞。
绝代街飞---------2005年富士力狮2.0R - Ryan  - 粤车无数
 呢部车嘅引擎用左自然吸气四汽缸设计,排气量两公升,大概160匹左右, 距个风盒位整得几好,尽量避开引擎最热嘅位置,系中网直接索风,经过风隔之后无几远就扯入引擎。 我系2009年嘅时候试过一部第九代翼豹2.0R,引擎应该同呢副系一样嘅,波箱都应该系一样。呢部车着车嘅时候系几静嘅,而且都唔震,空挡踩油嘅时候转速上得好顺,D声都几好听,虽然表底7000转已经系红区,其实系可以踩过呢个数嘅,呢部车起步唔快,一味顺,用D档开同一部普通家庭车无分别,而且呢部车相当之好睇位,底盘设定接近翼豹,过弯都唔会好侧,如果换条靓D嘅车胎,呢部车极限会好高,而且感觉好稳阵,太感都好实净。呢个四档波箱有模拟手波功能,如果拍落1档,距真系会好迟先升档,1档绝对可以踩到7000转,而且D声好高频,斋听真系好刺激,可惜升上2档会跌好多转,然后又要等转速升上来,D力先会比到你,始终系四档波箱,档位间隔太大。总体来讲呢部车都系玩底盘多过玩引擎,力水唔算猛,反而系底盘扎实,感觉就算用再劲D嘅引擎都无问题。
绝代街飞---------2005年富士力狮2.0R - Ryan  - 粤车无数
 呢部车系2005年10月份制造,不过就系2006年1月份落地。BL5唔系车名,而系一个代号,用来表示一间车厂系一个时期里面出嘅车款。头文字D你睇过啦,原理就好似丰田AE86代表1983年出嘅尾驱揭背花冠、万事得FD3S代表1991年出嘅转子跑车RX-7、本田EG6代表1991年出嘅辣版揭背思域,所以如果你想知道一部车系唔系新款,呢个牌仔可以透露好多讯息。比如车辆识别代号,呢堆字母数字就可以睇得出距系系边个国家制造、车辆特征、检验位、年份、边间分厂制造同埋呢部车系果一批里面嘅第几部车。至于总质量,就系成部车Full Loading嘅重量,简单D来讲,如果呢部车连人连货一齐称,超过1930公斤就系超重。
  评论这张
 
阅读(383)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017