注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 
 
 

神奇战车------2010年C63 AMG  

2014-02-26 13:14:52|  分类: 试车日记 |  标签: |举报 |字号 订阅

  下载LOFTER 我的照片书  |
神奇战车------2010年C63 AMG - Ryan  - 粤车无数
 好多车厂都话自己嘅细排量TURBO偈点劲点劲,不过来来去去都系讲紧直喷科技、低耗油量同埋输出数值接近大排量NA引擎,再高级小小嘅就会尽力减低TURBO LAG,加入START/STOP,所以宜家你会见到一D好大部嘅车,引擎居然用1.5T、1.6T,明明引擎舱好阔落,但系因为引擎太细粒,硬系觉得周围少左D零件。环保系大趋势,不过唔一定要用TURBO引擎,用大排量NA引擎都可以做得到,讲紧就系呢部2010年落地嘅旧款C63 AMG,如果话你听部车好悭油系假嘅,不过对于距嘅实力来讲,距嘅油耗就唔算太夸张,有时人嘅观念转变真系好难,比如同我一齐去试车嘅老友都话,咁大副引擎,烧油一定好似倒水咁啦,但系试完之后,距都话不可思议。
神奇战车------2010年C63 AMG - Ryan  - 粤车无数
 C仔唔算大部,宜家大部分嘅家庭房车都系咁嘅尺寸,望落同一部有尾嘅别克英朗差唔多大。呢部AMG版头冚上面有两条骨位,呢个设计系第一代SLK上面都可以见到。本身呢部车系尖嘴嘅,连装车牌果个托架都系弯嘅,所以个车牌都要跟住屈。呢一代C仔代号系W204,宜家距嘅小改款都仲卖紧,成部车比人感觉唔算太霸道,甚至有小小斯文,不过18寸胎铃、激凸沙板同沙板后面嘅V8章就暗示左距唔系一部普通C仔。
神奇战车------2010年C63 AMG - Ryan  - 粤车无数
 同前面嘅抛沙板相比,后面嘅抛沙板就无咁夸,好多渣普通C仔嘅都会照住C63嘅外形来改,不过好多都抄漏一两样。原装C 63系用五爪18寸胎铃,不过订车果阵可以加钱要19寸密爪款式。原装C63都系用四出喉嘴设计,仲有尾泵把嘅下扰流,尾箱盖仲有一只好薄嘅尾翼仔。
神奇战车------2010年C63 AMG - Ryan  - 粤车无数
 C63用左平底太盘,有赛车味而且上落车都会方便D。视野就唔系特别矮,同CLK一样,视线有小小向下斜。距张桶凳就真系好包身,D皮又靓,最紧要系无左以前BENZ皮嘅曱甴味。仪表板几靓,望落有少少偏紫色,左边圆圈主要显示剩余油量、水温同警示灯,中间就系时速表,时速表里面系一个液晶,显示保养资料、档位、温度同其他,好详细,最右边就系转速表,7000转过小小就系红区。BENZ厂一直用紧嘅座椅控制都系将按键都整到好似一张凳咁,好直观,仲有就系上落窗,按键装系门板前面,好就手,中控台就普通D,上面果个盖里面唔系储物格,而系一个液晶屏幕,不过呢部车系无导航嘅,手枕前面系多媒体控制,造型同宝马早期i-DRIVE果个类似,手枕隔离系储物格。
神奇战车------2010年C63 AMG - Ryan  - 粤车无数
 同两张型到爆嘅桶凳相比,后排就稍微正常D,不过前面两张凳太巨型喇,压缩左后面嘅空间,再加上系全黑内笼,邋遢左会好明显。虽然可以坐三个人,不过就会好迫,而且中间行传动轴,凸起一大旧,所以坐两个人就岩喇。呢部车用左harman/Kardon音响,初头听紧收音机,后来电台播歌,听落好似有少少脆。
神奇战车------2010年C63 AMG - Ryan  - 粤车无数
 虽然AMG贴左个6.3嘅章,但其实距系一副6.2升V8引擎,呢副引擎无最潮嘅缸内直喷,亦都无最悭嘅停车熄火功能,纯粹由AMG嘅师傅人手装嵌,上面仲有一个师傅签名章,一条友就负责一副引擎。睇相睇唔出,其实呢副引擎真系好大份,而且孖吸入风好有气势,加埋周边零件基本上已经塞爆引擎舱。一着车距就自己呼一声,然之后先系突突突突。。。。。。。。好似有D野撞个地下咁,过左大概10秒8秒,部车就稍为静翻少少,不过依然系突突突突。。。。。。。呢部车用左一副七前速自动波,有模拟手波功能,而且距嘅齿轮比应该几密,配合呢副V8引擎无论起围同翻脚油都好顺,隔音就唔系几好,好清楚听到引擎做紧野,排气声又大,再加埋周围D气氛,个人好易兴奋。呢副引擎好肯冲高转,波箱转波都好快,上车之前睇过距D胎,D花纹磨得唔系好平均,行起身虽然唔会走太,但系就觉得部车跳下跳下,车尾的确好肯走,就算行紧3档,一笃落去一抽太,车尾就自己搬出黎,可能条胎唔够阔,胎气又打得多左小小,不过咁嘅尾驱车真系几好玩,如果自制力好,距算系几易控制,但系如果成日大脚起油,距就唔系下下都向前冲,比如行紧烂路,或者行过D路面接驳位同埋D花坛掉头位,距真系话跣就跣,完全唔使通知你一声。
神奇战车------2010年C63 AMG - Ryan  - 粤车无数
 汽车业界有一个关于二氧化碳排放量嘅测试,呢副6.2升V8引擎行一公里大概排放280克二氧化碳,而宝马上一代M3上面嘅4升V8引擎行一公里大概排放293克二氧化碳,所以唔系大排量就唔够环保,另外,呢部车行100公里大概烧14升油,呢个油耗如果出现系一部家庭房车上面,唔系话距坏左就系话距大咬,但系对于一部超过450匹,斋车已经1吨7嘅车来讲,应该算系一个奇迹。
  评论这张
 
阅读(397)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017