注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

的确好玩---------2007年ACURA TL 3.2 VTEC  

2014-12-09 23:27:34|  分类: 试车日记 |  标签: |举报 |字号 订阅

  下载LOFTER 我的照片书  |
相当敏捷---------2007年阿库拉 TL - Ryan  - 粤车无数
本田技研系1986年创立ACURA,初期只系供应美加同墨西哥,当时系sell本田嘅口碑同跑车化驾驶感觉,宜家嘅ACURA已经系北美卖得最劲嘅牌子之一,除左保持翻本田嘅稳定,仲加入左好多独创嘅新技术。阿库拉系ACURA嘅音译,而系香港距系叫做“极品”嘅,以前系香港你想买ACURA嘅车,一般都只能够系沙田或者铜锣湾嘅本田汽车陈列室里面见到,但系都系得一两部。虽然宜家系佛山地区比如高明、九江、西樵时不时都会见到有90年代尾嘅阿库拉旧款车,不过果D都吴系正式入口嘅,因为呢个牌子系系2006年9月份先正式入黎中国,入黎之后叫做“讴歌”。
相当敏捷---------2007年阿库拉 TL - Ryan  - 粤车无数
 今次介绍呢架TL 3.2系阿库拉嘅中型豪华房车,2007年10月份落地。TL其实几大部嘅,但系唔算太过水肿,距用左好多直线线条令到部车修身D。睇得出设计师系想尽量整到距唔似一部本田车,首先自从2000年打后本田好少会用咁窄嘅车头灯,头泵把两边入风口系加大嘅,虽然无装雾灯,但系头灯里面都有射灯。侧镜有转弯灯,合金铃就同2002年嘅本田时韵果套差吴多,不过距呢套大D。
相当敏捷---------2007年阿库拉 TL - Ryan  - 粤车无数
 侧面最醒目就系车门拉手有一条凹槽,由前门一路拉到去车尾,第八代本田雅阁都系咁样设计。呢部车嘅侧裙都好特别嘅,因为距系断开嘅,好少车系咁设计。另外,车尾灯同排气喉嘴都系用左不规则四边形设计。
的确好玩---------2007年ACURA TL 3.2 VTEC - Ryan  - 粤车无数
 一提起ACURA,好难唔啉起本田,就算几暗示距系另外一个牌子,只要一坐入去部车里面,D本田feel又翻晒黎。首先系果阵味,然之后你再望下个中控台同太盘,仲有支手刹,真系同雅阁好似。距个太盘系四幅式设计,虽然偏大,不过几好揸手,三点位可以较音响大细声同收音机选台,九点位可以较定速,仪表板系三个圈,左边系转速同档位显示,中间系时速,右边系油表、水温表同里程显示。中控台上高有个电子时钟,中间分开两个液晶MON,细呢个系冷气模式显示,大呢个系音响信息显示,两边系冷气控制。音响机头系六碟CD,可以播DVD,因为呢部车当年有只版本系有导航屏幕嘅,所以如果升级直接换屏幕就得喇,音响机头可以唔换。除左CD同DVD,距仲可以播录音带,左边扭制系开关同大细声,右边仲特别有个扭制调教音响音质,两个扭制都整到好有质感。
相当敏捷---------2007年阿库拉 TL - Ryan  - 粤车无数
 两张前座似跑车凳,吴算好厚,但系真系几好坐,坐落够晒贴身,又有加热功能,粒制就装系波棍座后面。呢部车嘅储物空间都几多嘅,首先系门板下面有凹槽,不过就比较窄,中控台下面有两个储物盒,个盖整到好似碳纤咁,波棍座后面都有储物格,而且有趟帘,扶手箱里面系双层储物盒。
相当敏捷---------2007年阿库拉 TL - Ryan  - 粤车无数
 呢部车嘅后排算系几阔落,因为张沙发缩到好后,两边都有包围垫,而且后排呢张凳有好明显分区,中间凸起好高,而且得两个头枕,成张沙发嘅坐垫好厚,中间手枕反落黎系两个伸缩杯架,后排有冷气出风口,下面又有一个柜桶仔。
的确好玩---------2007年ACURA TL 3.2 VTEC - Ryan  - 粤车无数
 呢部车用左一副打横摆嘅V6自然吸气引擎,编号系J32A3,排气量3210cc,最大马力有270匹,最大扭力有32公斤米。咁呢个引擎系咩来头呢?呢个V6机系行单CAM配气模式,属于单凸轮轴嘅高转机器,距吴系行i-VTEC,而系行VTEC,所以唔似宜家嘅新款本田机器咁有好顺滑嘅高低转数切换,距系偏高转出力,低转靠大排气量搭救。呢部车用紧一个五前速自动波,有加减波功能,呢个自动波波箱非常之醒目,识得学习驾驶习惯,而且引擎出力同波箱嘅齿轮比搭配都非常之顺。呢个波箱系无指明S档嘅,距可以系D档拍去左边变成加减控制,又或者你可以系D档踩深油,距其实系知道你想点嘅,所以亦都唔需要特别设立一个S档出黎,因为S档系你只脚度。呢个引擎系岩岩着车果阵其实唔算好静,引擎声有小小散,有D乱,但系转数一升高,D声反而越来越厚实,直到过左4000转左右,又变翻偏高音。我唔知道“讴歌”呢个名系唔系真系根据呢种特有嘅“honda sound”定出黎,但系呢个引擎嘅声线真系几吸引。
相当敏捷---------2007年阿库拉 TL - Ryan  - 粤车无数
 除左靓声之外,距嘅底盘功夫都做得好足。首先呢部车系头辘带动,一般咁大扭力嘅头辘车都会有好严重嘅推头倾向,呢部车都有,不过只要稍微收油或者系你踩尽油嘅时候左脚掂下刹车,车头就可以即刻修正,距反应系好快嘅,只要你唔好比距吓亲。另外,呢部车个太真系好准,就算行烂路都唔会打手,不过呢部车行直线果阵,我发觉距个太盘有小小偏左,好多旧车都有太盘角度唔正嘅问题,可以纠正翻。避震嘅setting唔算软,但系又唔会觉得距只头辘好跳,因为有D中大型房车为左过弯嘅时候无咁侧,好多时会较硬避震或者装粗虾须,等部车过弯可以企D,但系过弯比油嘅时候部车会震,尤其系车头,所以如果避震set得太硬兼遇岩路面铺得唔靓,反而会令到车辘唔够咬地。呢部TL用左本田以前最耍家嘅头双摇臂配尾多连杆悬挂,最大感觉系头辘相当贴地,车尾好肯走,可以减少中低速过弯嘅推头问题,而且刹车力度都好平均,急刹又唔会chok太,信心其实几高。
  评论这张
 
阅读(270)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017