注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

四驱家庭电器----------2009年扫把佬森林人2.5 TURBO  

2014-02-16 15:45:09|  分类: 试车日记 |  标签: |举报 |字号 订阅

  下载LOFTER 我的照片书  |
2014年02月13日 - Ryan  - 粤车无数
 之所以有四驱车,系因为想应付唔同路面情况,而且两个辘用唔晒嘅力,用四个辘一齐行就可以用得晒。最早期嘅四驱车一般都会认为系正统硬派越野车,阵式车架,全时四驱,甚至拆走车壳得翻底盘都可以行,只不过行高速嘅时候辛苦D。正统越野车虽然爬得,不过并唔系个个都系越野玩家,大部分人买四驱车无非都系觉得距有型有款又贪距多功能,所以好多车厂都研制出越野城市两用四驱车,一样系全时四驱,本身有越野功力又可以车住一大班人飞下高速。随住环境变差,钱又唔见洗,但系又想玩下四驱车,所以又出现左一种城市四驱车,呢种车唔一定要阵式车架,甚至连底盘都可以借用同厂嘅用中小型房车,未必要全时四驱,可以系分时四驱,主要都系为左悭油同实用,就好似今次为大家介绍嘅森林人咁。
2014年02月13日 - Ryan  - 粤车无数
 森林人嘅历史唔算好长,第一代系系1997年出现,2001年收档,第二代就系2002年出现,一路出到2007年,呢两代森林人都系用无窗框车门设计,而且系用翼豹底盘,当时嘅森林人其实系一部crossover车。今次介绍嘅森林人属于第三代,由呢一代开始距唔行crossover路线,反而似翻一部越野车,距用翻有窗框车门设计,车身明显发福,离地距高过旧款少少,车头已经无左之前两代嘅凸嘴设计,望落好似丰田车,如果唔系头冚开窿,呢个外形真系极度斯文。
2014年02月13日 - Ryan  - 粤车无数
 车尾就继续扮越野车,尾门几乎垂直,车身侧面有抛沙板,尾泵把下面有黑色嘅防刮胶,唯一唔似越野车就系两盏尾灯,因为类似嘅设计可以系一般房车上面见到,而且今代森林人都依然系用翼豹底盘。虽然森林人已经唔似以前咁不羁,但系新设计嘅车身就对碰撞安全好有贡献,因为距系日本2009年嘅碰撞测试入面罗左六粒星。
2014年02月13日 - Ryan  - 粤车无数
 高身嘅车自然会有好高嘅视野,再加上距件挡风玻璃好企,所以会觉得好开扬,太盘有好多快捷键,后面两支拨杆就集成左好多种灯光同雨刮嘅设定。仪表板大致分三个圆圈,左手边系转速表,中间最大果个系时速表,时速表下面个单色液晶屏幕主要显示公里数,比如部车总共行左几多公里,一程车行左几多公里同埋距离下次保养仲有几多公里,右手边系油表,呢部车系无水温表睇嘅,着车之后都系得个温度计符号,不过呢个车主几有心思,知道自己开紧部TURBO车, 所以就加左个TURBO TIMER,可以设定掹走车匙之后几时熄车。因为涡轮机转嘅时候会好热,想散热就要靠机油带走热量,而熄车之后机油就唔会流动,所以延迟熄车可以帮助涡轮机散热除左TURBO TIMER之外,距仲装左一排Defi表仔,从左到右系涡轮压力、机油压力、水温同机油温度,成程车见D指针跳来跳去,几有战斗格。
2014年02月13日 - Ryan  - 粤车无数
 今代森林人仲有一个几奇怪嘅设计,就系将冷气出风口放系音响机头下面,估计系为左将屏幕升上来,唔使你低头去睇,感觉上会安全D,呢个导航应该唔系原装,蒙查查之余倒车果阵辅助线唔识郁,所以我都系睇镜倒车。屏幕上面仲有一个好扁嘅细MON,用来显示车外温度、油耗同时间,上面显示行100公里要烧11升97号汽油。
2014年02月13日 - Ryan  - 粤车无数
 如果部车嘅外形照足越野车来抄,正常来讲内笼应该都唔细,但系呢部车坐落又唔系特别阔落,再加上周围都系塑胶同绒布,就算系黑色内笼都总系觉得几温馨,呢样又似翻一部日本城市四驱车。以前铃木开蓬维他奶同旧款丰田RAV4都有类似嘅内笼气氛,无论系坐姿定系周围摸到嘅用料都系差唔多,视野都好接近,再加上门的装系拉手上面,而且用翻蛇仔档,呢D都系好日式嘅设计。
2014年02月13日 - Ryan  - 粤车无数
 同前排比,后排就松动D,坐落都算几舒服,如果坐两个人,中间位可以反出来变成两个杯架,后排可以拍低系呢类车嘅标准功能,另外要赞一赞距个大天窗,因为对于城市四驱车来讲天窗真系好紧要,而森林人嘅天窗够晒大,就算唔开窗,斋拉开果件帘,后排都会觉得好光,系一个好成功嘅设计。
2014年02月13日 - Ryan  - 粤车无数
 扫把佬车厂一路都有出水平对向引擎,不过呢副并唔系最新嘅型号,如果按照森林人唔同国家嘅版本来睇,呢副应该就系美版嘅引擎,编号系EJ255,排气量2.5升,单TURBO,不过就用左一副四档自动波,虽然可以模拟手波,但系就无左扫把佬以前果种硬颈嘅感觉。最出奇系呢部车嘅避震,唔知点解会咁软,逢系过减速坡同烂路,距都摇来摇去,求其掂下刹车都中下中下,之前我都有试过2.5自然吸气版本嘅森林人,好似仲硬过呢部。上手车主装左个Pivot嘅电子油门加速器,我上车之前距已经调到去SP7,但系踩落都好似唔系好劲,引擎把声就够晒大,部车就硬系有D野勒住勒住。转去手动加减,距每次转波都好似比左下空油,呼一声先跟住转,虽然谷到上四五千系有小小刺激,但系一阵又跌翻,呢个四档波箱真系唔应该用系呢部TURBO车上面。
2014年02月13日 - Ryan  - 粤车无数
扫把佬其实都几惨,不过呢D都系技术型车厂嘅普遍遭遇,最初比美国通用汽车买落两成股份,曾经同绅宝合作出过一只混种车9-2X,后尾通用汽车唔掂,又卖翻D股份出黎,富士重工自己买翻11%,而丰田就买左大概8.7%,所以严格来讲丰田无控制扫把佬,最多都系参股,丰田厂识得用水平对向引擎整自己嘅复古跑车,但系如果我遮住森林人个厂徽,你又会唔会即刻认得出距系一部扫把佬?无左以往嘅恶辣外形,又无左扫把佬嘅搏击实力,本来一部轻型城市四驱车有TURBO有全时四驱属于高科技产品,不过就因为某D短板变成一个易上手但系无乜惊喜嘅家庭电器。
 
  评论这张
 
阅读(355)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017