注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 
 
 

轻盈雪茄--------2006年积架XJ6L  

2014-12-27 02:27:29|  分类: 试车日记 |  标签: |举报 |字号 订阅

  下载LOFTER 我的照片书  |
扁平雪茄猫--------2006年积架XJ6L - Ryan  - 粤车无数
 得闲去易手车市场行下,你就会见到好多唔同门派嘅验车技术,比如好多人仲有用手敲沙板敲车门嘅习惯,甚至有D会用力链个头冚同车顶,或者超大力关车门。可能距地觉得部车嘅沙板厚实D、关门声沉实D会安全D,但其实咁唔代表部车系安全。点解呢?因为如果车壳硬到好似石头咁,万一撞车其实最食力反而系里面嘅司机同乘客,所以宜家新款汽车嘅设计已经改为乘员舱要做到绝对硬净,吸能区尽可能变形吸能,咁先可以减低人承受嘅能量。宜家兴环保,科技又进步,所以新款车已经唔兴做得太重,甚至越做越轻。车做得轻有好多好处,最直接就系加速同刹车会好D,部车开起身够敏捷,可以好轻松避开障碍物,而且慢速行驶又会悭油D。今次介绍一架同级最轻嘅豪华房车,积架XJ6L。
扁平雪茄猫--------2006年积架XJ6L - Ryan  - 粤车无数
 呢一代XJ属于车系嘅第三代,由2003年出到2009年,亦都系最后一代用雪茄型车身设计嘅积架,因为2010年出现嘅第四代XJ已经变左番枧。呢部XJ6L系2006年4月份落地,仲系属于前期版,所以无2007年中期改款果只咁跑车化,保留翻D大型古典房车味道。呢部车系倔头嘅,头冚中间有只吉祥物栋起左,而两边都有D好似扇贝咁嘅折痕。四盏车头灯几乎垂直,原装已经有氙气灯,而且四盏灯都有独立嘅清洗喷嘴。
扁平雪茄猫--------2006年积架XJ6L - Ryan  - 粤车无数
 所谓雪茄型车身,就系话呢部车车头车尾都刻意座低,车门谷起,车身侧面有条骨位由前沙板一路经过车门拉手伸到车尾,一路一路收窄系尾灯之前就唔见左,而且呢部系黑色车,所以一眼望落去唔系好觉油箱盖系度。呢部车头尾泵把都有泊车感应器,四只角都有反光电镀包边,尾箱好长但系好扁,2000年打后已经好少车系咁设计。呢部车长度超过5米2,而且差唔多有成1米9阔,所以就算装左18寸胎铃都觉得好似细左D。
轻盈雪茄--------2006年积架XJ6L - Ryan  - 粤车无数
 同一般豪华房车唔同,距前排张凳系座到好低嘅,调较角度都好多,不过呢张凳有D硬,而且会闻到几重家私味,应该系D皮料散发出黎。太盘角度都系电动调较嘅,可以较到好垂直,左手边冷气出风口下面有一堆制,主要系开关油箱盖同尾箱盖,仲有雾灯开关、仪表板光暗调较、里程设置。
扁平雪茄猫--------2006年积架XJ6L - Ryan  - 粤车无数
 仪表板系黑底白字款式,不过着车之后背光系绿色,左手边系转速表,中间系时速表,右边系油表同水温表。太盘系四幅式,上下两截系桃木,两边系真皮,偏大而且太环偏幼,左边系免提电话控制同大细声,右边系定速设置。中控台系一幅过桃木饰件,冷气出风口中间有个钟仔,下面有一排制,除左有座椅加热同中控锁之外,仲有粒叫做“VALET”,噤左呢粒制,尾箱同副驾驶位前面呢个储物盒都会锁住,咁就可以比其他唔熟悉呢部车嘅人去泊车。呢部车系有导航嘅,屏幕有少少偏蓝色,触摸反应一般。
扁平雪茄猫--------2006年积架XJ6L - Ryan  - 粤车无数
 副驾驶位空间够,视野都好开扬,不过因为坐得矮,要屈脚。储物盒左手边有一粒好精致嘅制,大概一个一蚊银仔咁大,一噤就可以打开呢个储物盒,呢个设计系宜家新款XJ上面都有,不过就缩到好似粒电子咁细。积架嘅车,好多人知道距有一个“J”字形嘅波棍座,其实呢个设计最初都系系XJ系列出现,呢个系六前速嘅自动波,点解波棍座要搞成咁呢?其实呢个系一个好安全嘅设计,将右边嘅PRND同左边嘅2345分开,其实就已经表示唔同嘅用法,比如行紧D档,宜家部车行紧第六档,你想减档超车,一拍去左边已经拖低一档变成第五档,如果仲嫌吴够力就一路推前减档减到你认为够力为止,波棍座前面仲有S模式同防滑系统开关,后面系电子手刹。
轻盈大猫--------2006年积架XJ6L - Ryan  - 粤车无数
 其实呢个价位嘅豪华房车,前排头枕液晶MON、椅背嘅折台、侧窗同尾玻璃嘅窗帘、双区冷气、12伏电、加长嘅脚位呢D,个个都有。如果讲气氛,同级豪华房车部部都严肃过呢部XJ,尤其系视野同沙发嘅感觉,呢部车个后排实在太似家私,就算坐垫系向后斜,都唔会觉得条腰屈住,因为椅背都系偏斜后排中间如果唔坐人,就可以将一截椅背反落黎,里面除左系杯架同储物格之外,仲有一个控制台,可以打电话、听歌、播碟,又有耳机插口。呢部车用左阿尔派嘅音响,一共有9只喇叭,所以坐呢部车唔一定下下都倾生意嘅,斋听歌或者斋训觉都OK。
扁平雪茄猫--------2006年积架XJ6L - Ryan  - 粤车无数
 好多大型豪华房车嘅引擎都好注重低转扭力,不过呢部XJ6L就调转黎,距装左一副偏高转速调较嘅引擎。呢副3.0升V6引擎最大马力系240匹,最大扭力系30公斤米。虽然数字上麻麻地,但系由于呢部车系用左铝合金车架,成部车居然得吨半多D,同级嘅对手一般都系吨八甚至超过两顿。呢副引擎大致上都要过三四千转先黎料,起步唔算好快,但系觉得部车系轻,引擎唔觉得辛苦,而且呢个六速波箱升档都几快,每一下升档都唔觉得D力会跌好多,应该有特别调教过。呢部车睇位要特别留意,因为车尾系收窄左嘅,而且个倒车雷达又唔系好准,一时叫一时唔叫。过弯都无乜大问题,知系知道部车几阔,但系渣落吴觉,路感仲好过当年岩岩改款嘅730Li。避震系空气避震,由电脑自己调节软硬,唔会觉得部车浮,距够晒定而且无乜好笨嘅感觉,引擎声又极之好听,对于一部咁大嘅车黎讲有咁嘅表现真系好难得。
扁平雪茄猫--------2006年积架XJ6L - Ryan  - 粤车无数
好多好好开嘅豪华车都有一个特点,就系多野坏。积架系世界级整车王,无论你买新款定系买连零件都稳唔到嘅旧款,保证你整到high high地。不过我知道好多人都中意挑战高难度,所以我简单讲下呢一代XJ有D乜嘢要整或者乜嘢要特别留意。首先系铝合金车架同车身零件,如果撞左好难整,一般都要一幅过咁换。跟住到引擎,你睇距D线路同管路设计就知道唔会好长命,主要系因为散热同喉管材料唔襟用,会有甩喉管嘅风险,如果你生活嘅地方成日都重度污染,仲要多D检查空气流量计。跟住就到内笼,呢一代XJ最出名就系坏电凳同冷气,仲有我头先介绍过嘅“VALET”模式,即系你锁左尾箱同储物盒之后,居然连你自己都打唔开。最后就系空气避震,大家都知道呢样系高科技贵价损耗件,不过就唔知道具体有几贵,我可以话你知,贵过晒BENZ果D。我好似不停咁讲紧距嘅缺点,咁系因为养呢D车真系有咁嘅潜在危机,但系距证明左一样野,顶级享受系用顶级价钱换翻黎嘅。


  评论这张
 
阅读(167)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017