注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

古灵精怪-----2011年4月先进C4 1.6T  

2014-11-24 20:19:21|  分类: 试车日记 |  标签: |举报 |字号 订阅

  下载LOFTER 我的照片书  |
古灵精怪-----2011年4月先进C4 - Ryan  - 粤车无数
 唔同嘅人买车,考虑嘅野自然都唔同。我见过好多人买车都系因为所谓嘅“实用”而买左四门车、五门车,但系买翻来先发觉绝大部分时间都系自己一个人叹,而且吴系门多就代表实用,你睇下高尔夫甚至ATS个后排,所以如果90%嘅时间都系自己用车,点解唔买两只门或者三只门嘅房跑车?房跑车,即系有房车性格嘅跑车,同一个车系如果少左两只侧门,车架会坚硬D,杂音又少D,外型又靓D,车身短会敏捷D,甚至车身可能会轻D所以悭油D。今次介绍一架法国进口房跑车C4,由CITROEN制造CITROEN系法文,所以“E”上面要加翻两点。CITROEN系呢边叫“雪铁龙”,而系香港距叫做“先进”,呢个系CITROEN嘅音译,因为之前嘅代理商叫做雪朗汽车有限公司,所以都有香港人叫呢个牌子做“雪朗”,但系我都系觉得“先进”好听D。
古灵精怪-----2011年4月先进C4 - Ryan  - 粤车无数
 呢一部系2011年4月份落地嘅C4,呢个车头同后来国产嘅世嘉系差吴多,但系你要留意翻,距已经改左款,头泵把变左大口仔,而且原装头灯已经有透镜,而且呢盏头灯识得跟住你打太转弯,呢部车仲有灯罩清洗喷嘴,平时系收埋嘅。
古灵精怪-----2011年4月先进C4 - Ryan  - 粤车无数
 虽然系房跑车,不过呢部C4都仲属于两厢设计,车顶系一幅过玻璃天幕,所以吴可以打开。尾翼系原装嘅,但系因为同车身唔同色,所以望落似后期加装。尾门非常之古怪,因为尾玻璃系同地下垂直嘅,但系由于尾门下半部分同尾泵把突出,所以视觉上尾玻璃好似凹入去咁。
古灵精怪-----2011年4月先进C4 - Ryan  - 粤车无数
 C4嘅车门好大只,而且门板设计都系好奇怪,有好多折角,如果同中控台拼埋一齐就好有包围感。C4嘅内笼除左睇落怪之外,用落都好新奇。首先系两边冷气出风口,基本上系三角型设计,上面有一段系用黎做侧窗除雾,不过效果一般,出风口下面有柜桶仔,但系里面非常又窄又浅,只能够放抽锁匙。再讲下呢个太盘,距系两幅式设计,太环偏大,扭太嘅时候静系太环识转,中间个气囊位系吴郁嘅,而且呢个太盘有好多制,左上角系定速,左下角系电话,右上角系音响大细声兼转电台频道,右下角系行车电脑设定,最怪系喇叭位,噤落去吴系下下有声,而且个位置极之刁钻,转弯好难噤喇叭。中控台上面有个黑白屏,时速用左大大个跳字式设计,但系转速居然模拟翻圆圈显示,极之难睇,水温又蒙查查,油表都系。中控台冷气出风口右手边有一个暗格,拉出来系一支浓缩嘅香水,导航地图用Garmin嘅2014夏季版,反应都几快,但系屏幕偏蓝色,都几反光,屏幕左边系中控锁,右边系危险灯制。原先呢部车系无导航嘅,车主改装左原车导航屏幕,但系就无改顶级版嘅CD机,成个CD机系突出黎嘅,下面系双区恒温冷气,再下面系一个有盖嘅储物格。副驾驶位左脚边有一个扣,去买外卖可以挂系度,咁就吴怕整泻。
古灵精怪-----2011年4月先进C4 - Ryan  - 粤车无数
 其实睇外形你已经觉得距同一般嘅中小型两厢车差吴多,所以要入后排其实都吴算艰难,只要将前排推前,噤低椅背,就可以好容易捐入后排。后排嘅坐姿其实几正常,起码吴洗屈脚,三个位都有独立头枕,系张凳薄左D,因为有个大天幕,就算坐后排都觉得好开扬。后排左右两边都整左手枕,中间吴坐人又可以反落黎枕手,前排座椅之间有12伏电可以用。
古灵精怪-----2011年4月先进C4 - Ryan  - 粤车无数
 呢部车用左一副1.6升直列四气缸TURBO引擎,有直喷,系法国距系155匹,而黎到中国就得翻140匹,最大扭力系24公斤米。呢个引擎系标致、先进同宝马厂一齐搞嘅,多数用系头辘带动嘅车上面,比如308、C4同MINI。虽然系一齐研究,但系我发现呢几间厂嘅1.6T引擎系吴同嘅,标致同先进会似D,因为始终系PSA集团嘅车,而MINI就吴同,调教都好大出入。讲翻呢部C4,如果你要买呢部车,要留意几样野,首先你上车揽安全带果下会辛苦D,因为部车嘅车门长,B柱位整到好后,成日向后拗会劳损,我之前见过有人装左个扣系前排嘅头枕隔离,可以将安全带箍住,或者你又可以上网稳下。除左安全带嘅问题,距坐姿都吴同一般车,一来偏高,二来两边侧镜装得比较低,仲有A柱位都几阻碍视线嘅,习惯左就无问题。呢副引擎大概1500左右开始黎料,不过大概4000左右就回塘,呢D就系我地经常讲嘅“有头威无尾阵”,好明显系行街设定,而且引擎声又比较粗鞋,听觉上吴系几吸引。波箱系四档自动波,以往先进、标致嘅四档波箱,如果要比分真系吴知点比,话距反应慢距又吴算好慢,不过距就好中意自己乱咁跳档打乱节奏,比如你要踩深油超车,波箱退一档,其实已经够力向前冲架喇,但系行行下距自己又再降一档,感觉上非常之吴爽。呢部车就无呢个问题,跳档都几顺畅,应该系搞过软件,而且我见距行100公里时速都系2500转多D,四档波箱系咁上下啦。
古灵精怪-----2011年4月先进C4 - Ryan  - 粤车无数
 引擎虽然吴系好高分,波箱又麻麻地,但系呢部车嘅底盘反应就好有惊喜。我发觉先进嘅车,行平路系无乜特别嘅,因为距都好稳定,似欧宝嘅车,但系一行D稍微烂小小嘅路,就觉得呢部车嘅避震设定几好,虽然系头麦花臣尾一字担设计,但系吴算太跳,过弯又吴会好侧,而且先进嘅车,车尾一向都好肯走,所以就算系宜家嘅原厂设定,我觉得距已经好过好多用多连杆嘅车。车胎就窄左D,距系205/50 R17,阔多一个码会好D,因为原装胎好易叫,仲要系头辘带动,所以吴多吴少都会影响车头嘅指向,再加上呢部车嘅车架算系几坚硬,所以D作用力会卸比悬挂同车胎,所以更加应该用抓地力好D嘅车胎。
  评论这张
 
阅读(188)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017