注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

自由自在---------2003年7月PRADO VX  

2014-11-19 00:45:21|  分类: 试车日记 |  标签: |举报 |字号 订阅

  下载LOFTER 我的照片书  |
自由人---------2003年7月霸道VX - Ryan  - 粤车无数
 好多人都有一个探险嘅梦想,不过要实现梦想就一定要准备好,如果唔系探险就会变成冒险。讲到探险嘅装备,其中一样就系四驱车喇。讲到可以用黎探险嘅四驱车,好多人第一反应就系口碑最强劲嘅丰田巡洋舰LC系列,不过巡洋舰其实系偏大部嘅,而且同吉普牧马人、切诺基相比距又比较笨重D、所以后来丰田就系巡洋舰里面再分一个系列出黎,距就系PRADO。PRADO一样有纯种越野车嘅阵式车架,不过距就更加注重乘坐感受,所以距系一部偏休闲嘅四驱车。今次就介绍一部丰田旧款PRADO,好多中意游山玩水嘅人都会买呢款车,甚至企事业单位都好中意买黎用嘅。
自由人---------2003年7月霸道VX - Ryan  - 粤车无数
 呢一部系2003年7月份落地嘅丰田PRADO 4000 VX版,仲要系非常之少见嘅深蓝色。呢一代PRADO系咁多代里面最斯文嘅,之前嘅款式全部都系四四方方,呢一代就圆D。距除左头泵把之外,仲另外加左个防撞栏,两边侧镜系电镀嘅,原厂已经有防紫外线嘅玻璃。纯种越野车一般都会用六粒螺丝嘅合金铃,PRADO都有。
自由人---------2003年7月霸道VX - Ryan  - 粤车无数
 呢部车其实几高身嘅,原装已经有脚踏,上落车方便D,拉花都系原装嘅,上一代PRADO都有,但系款式有D唔同。作为纯种越野车,咩住个后备车辘的确系会型仔D,但系倒车嘅时候就麻烦D,事关呢部车系无倒车雷达嘅,所以每次倒车都要预多D位。
自由人---------2003年7月霸道VX - Ryan  - 粤车无数
 PRADO嘅车门唔算好重,拉开车门,左脚踩住踏板,拉住A住上面嘅拉手就可以上车,不过我见好多都系撑住门边嘅手枕上车,咁其实对个门铰系唔好嘅。PRADO嘅侧镜都几大只嘅,而且镜片系弯嘅,睇到嘅位置都几全面,坐姿其实几正常,好似坐系一部升高左嘅家庭房车里面咁。
自由人---------2003年7月霸道VX - Ryan  - 粤车无数
 VX属于呢个系列嘅豪华版,不过其实距内笼设计都唔系好豪,最多只能够话距装备齐全。首先太盘系好幼身,算系轻手,上面无快捷键嘅。仪表板都系好丰田嘅款式,最左边系油表,跟住系时速表,跟住系档位显示,档位显示下面系四驱模式显示,跟住系转速表,最右边系水温。全车一共六个气囊,其中有两个系气帘黎嘅,丰田嘅设计一向都好大众化咯,就算系呢D睇起身咁大部嘅车,坐落都好似中型房车咁,我啉你如果有三四年驾驶经验都应该可以好快上手。
自由人---------2003年7月霸道VX - Ryan  - 粤车无数
 呢部车平时系五座位设计,但其实后面仲吊住两张凳嘅,所以距系一部七座位四驱车,但系由于后面两张凳都好大张嘅,所以距可以坐八个人。所有凳都系软淋淋嘅,连门边嘅手枕位都系,地台中间唔算突起太高,仲有呢部车都几光猛嘅,前后左右都睇得好通透,再加埋前中后三排都有冷气出风口,前排两张凳中间储物格里面仲有个冰箱仔。
自由人---------2003年7月霸道VX - Ryan  - 粤车无数
呢部PRADO用左一副编号1GR-FE嘅V6引擎,排气量系3956cc,最大马力240匹,最大扭力37公斤米。PRADO虽然系一部中大型嘅四驱车,斋车接近两吨,但系呢部车行起身都几好力,同埋距其实都几静嘅,距用左一个五前速嘅自动波,波箱反应就慢左D,不过呢D车系咁都好正常,尤其系越野路段,引擎出力顺D的确系会易控制,因为PRADO初初设计出黎嘅时候已经唔系主打驾驶感,而系稳阵同实用,最出名就系襟玩,仲有一样野要提一提,就系呢部车系可以食92油嘅,所以就算去到D无靓油加嘅地区都唔怕。
探险精神---------2003年7月PRADO VX - Ryan  - 粤车无数
呢部车系可以升降车身同埋调教避震软硬嘅,首先试下车身调到最高,避震调到最软,求其一脚油加速部车会鄂下颚下咁,部车转弯都几摇晃下,坐得耐可能会晕,可能开慢D会好D。然后再试下将避震设定为sport,车身仲系最高设定,部车已经无之前咁摇晃,好好多喇,开快D都唔觉得惊。最后试下最硬避震设定同最低车身,呢个又比之前嘅设定好好多,行高速都可以试下呢个,因为就算系咁,避震都唔算太硬,而且真系有信心好多,部车都明显听话D,无之前咁摇晃。呢一代PRADO后来都有国产版本,不过就缩减左D装备,比如相里面呢个DAC落斜坡辅助、车身稳定系统呢D。其实外国嘅车黎中国生产之后都好兴减配置,原因亦都有好多种,但系我觉得减配置要视乎乜嘢车型。比如PRADO,其实距可以无桃木饰件,可以无恒温冷气改为普通冷气,可以无电视睇甚至无电动凳都得,但系对于越野车来讲,攀爬能力系好重要嘅,所以同行走能力有关嘅配置真系唔应该减。

  评论这张
 
阅读(192)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017