注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

斯文怪类------------2004年1月奥迪A4 1.8T multitronic  

2014-11-11 19:07:52|  分类: 试车日记 |  标签: |举报 |字号 订阅

  下载LOFTER 我的照片书  |
斯文怪类------------2004年1月奥迪A4 1.8TCVT - Ryan  - 粤车无数
 如果讲到最早入黎中国正式发售嘅德国车,奥迪绝对有份,亦都因为咁,以前见到嘅德国豪华车大部分都系挂住呢个“四环”LOGO,尤其系私企、国企甚至机关,奥迪嘅车曝光率系好高嘅,所以奥迪一路以来带比人嘅感觉都系稳阵同埋成熟,甚至同政府有关,除左A4。因为系德国呢,A4系要来追宝马3系嘅,所以绝对吴系豪华车咁简单,反而系一部偏高性能嘅跑房车,只不过入到中国之后,好多都系1.8T,所以感觉上系弱鸡D。今次介绍一部进口嘅A4 1.8T,虽然离新世代嘅跑房车有段距离,但其实距身上有好多野都值得其他车厂参考嘅。
斯文怪类------------2004年1月奥迪A4 1.8TCVT - Ryan  - 粤车无数
 呢一部A4系2004年1月份落地,虽然距离宜家已经超过十年,但系距都仲算几襟睇。呢部车系最后一代用细中网嘅款式,QUATTRO牌仔系自己另外贴嘅,宜家嘅新款已经全部改为大口仔。部车原装系黑色,但系个车主就去喷左变色龙,呢只油漆几贵嘅,最特别就在于可以系吴同嘅光线角度都有吴同嘅颜色。部车原装已经有黑底嘅大灯,连氙气白光头灯都系原装嘅,灯罩都无发黄,反而雾灯就已经好蒙。
斯文怪类------------2004年1月奥迪A4 1.8TCVT - Ryan  - 粤车无数
 呢部原版A4其实吴算好大部,但系车身比例就几好,几修身,因为旧款嘅奥迪车头车尾都好长,侧面睇似船多过似车,呢部车就无呢个问题。呢部车系分上下两种颜色嘅,车身系变色龙喷漆,而头唇、侧裙同尾唇都系黑色嘅防刮胶。距个车主帮距换左一套奥迪原厂嘅大胎铃,后期仲痴左一只尾翼仔,尾喉改为双边单出设计,排气声偏沉实。
斯文怪类------------2004年1月奥迪A4 1.8TCVT - Ryan  - 粤车无数
 一打开只车门,就会闻到一阵味,呢阵味系同期嘅宝来同高尔夫上面都会有。两张前座都系电动调教,偏软熟,不过D皮料就保养得几好,无乜明显折痕同爆线。我吴系几中意距内笼D桃木装饰,因为当年系可以拣哑银色铝片。中控台好多制,主要系控制恒温冷气同音响,隔离有个支架,原装跟车系有一个有线电话嘅,可以挂系度。呢部车用左一个无级变速波箱,可以模拟手波档位,太盘亦都有加减控制,不过个太环芒左一层假皮,虽然环身会粗D,但系手感反而吴及原装,同埋会比较跣。
斯文怪类------------2004年1月奥迪A4 1.8TCVT - Ryan  - 粤车无数
 A4嘅后排唔算好阔落,沙发偏大张,凳背好企,而且小腿承托位置仲专登加长,可惜脚位太细,而且后排系无冷气出风口。不过呢部车就有侧窗窗帘,尾玻璃仲有电动窗帘,而且呢部车本身已经有隔热玻璃,所以都无去痴玻璃纸。全车一共十个气囊,而且音响都几靓声。
斯文怪类------------2004年1月奥迪A4 1.8TCVT - Ryan  - 粤车无数
 呢部车用左一副1.8升涡轮增压引擎,最大马力系163匹,最大扭力大约22公斤米,头辘带动。一般我地见惯嘅头辘车引擎都系打横摆嘅,咁点解A4要打竖摆呢?首先引擎打竖摆,波箱就会装得比较后,咁样对部车嘅前后配重系好有帮助嘅,而且引擎打竖摆,引擎左右两边就可以多D空间,前悬挂可以整得更加复杂,甚至加装TURBO或者其他辅助零件,甚至对散热都好有帮助。另外仲有一个好重要嘅原因就quattro四驱,因为奥迪最出名都系距D四驱车,而奥迪嘅四驱车系有中央差速器嘅,主要系分配前后动力,之前嘅差速器只能够搭配打竖摆嘅引擎。仲有,唔单止A4,奥迪连A6,A8都有前辘驱动嘅版本,豪华车系好少用前驱设计嘅,但系奥迪咁坚持玩前驱,就一定要啉办法掩盖前驱嘅缺点。讲翻呢部前驱嘅A4,因为波箱系打竖嘅,所以要用斜牙齿轮连接传动轴比前辘,不过多一个传动零件,就会多一次减低输出效率嘅机会,所以呢部车嘅传动效率唔系好高。头先都讲过,A4系属于偏运动嘅房车,既然系引擎舱里面可以成功偷位,咁就可以连车头都用多连杆嘅悬挂设计,多连杆如果调校得好,系可以限制车辘嘅活动几何范围,可以令前辘好贴地,而事实上呢部车都系好似吸系个地咁,非常之定,甚至比起同期标榜“贴地飞行”嘅绅宝9-3更加定,一来距胎铃都系升级左,二来呢部车真系有D闷,但系比人感觉系好稳阵,隔音亦都无得弹,行过D小小暗坡嘅路面,距都唔会觉得浮,避震嘅反应都系好快,好硬净。
斯文怪类------------2004年1月奥迪A4 1.8TCVT - Ryan  - 粤车无数
另外仲要特别提一提呢个波箱,呢部车系用一个叫做“multitronic”嘅无级波箱,系由LUK公司造嘅。提起无级波箱,好多人会即时反应系CVT,同期嘅无级波箱其实都分两种嘅,一种系行带,咁你知如果行带,行得多就会松,一松D动力就会流失,而A4呢个multitronic呢,系行链嘅,所以就无呢个问题。呢个multitronic系好轻嘅,反应都几快,唯一唔好就系距只能够承受大约30公斤米嘅扭力,而且同手波相比,距又比较易坏,大概行六万公里左右就要换油保养,呢个一定要记得。

  评论这张
 
阅读(166)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017