注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

隐形快车---------------2005年1月富豪S40 T5  

2014-11-13 01:31:56|  分类: 试车日记 |  标签: |举报 |字号 订阅

  下载LOFTER 我的照片书  |
隐形快车---------------2005年1月富豪S40 T5 - Ryan  - 粤车无数
 富豪系瑞典最大嘅工业集团,亦都系北欧最大嘅车厂。富豪汽车最出名系安全,因为距真系用左好多钱同心机去研究,再加上富豪汽车嘅外形都系比较笨钝D嘅,所以以前买呢D车嘅一般都系医生、律师、会计师呢类人马,唔会好追求款式,但系就要求部车够稳阵够硬净。咁富豪一般系出D咩车呢?距其实系无平价车嘅,因为距一出就出贵车,而富豪汽车曾经系1999年比美国福特买左,所以之后出嘅富豪中小型车唔多唔少都会同福特或者万事得共享技术。今次介绍一部富豪嘅中小型家庭房车,呢部车叫做S40,距系车系嘅第二代,编号系MS,而第一代嘅编号系VS。
隐形快车---------------2005年1月富豪S40 T5 - Ryan  - 粤车无数
 呢部系2005年1月份落地嘅S40,当年仲系进口嘅。2006年S40国产,由长安沃尔沃负责装嵌。呢部S40虽然改用圆碌碌嘅线条设计,但系都好易认到距系一部富豪,首先就系距好特别嘅手表型VOLVO LOGO,另外距个头泵把系突出引擎盖小小嘅,甘样就算低速撞到人,个人都唔会咁伤。呢部车原装已经有黑底头灯同透镜,连氙气大灯都系原装嘅,再加埋大铃薄胎,其实部车都几有气势嘅。
隐形快车---------------2005年1月富豪S40 T5 - Ryan  - 粤车无数
 呢部车个腰线好突出,令到人觉得部车无论车门定沙版都好厚,车尾就传统D,尾灯都有小小扰流设计,尾厢盖都有一只尾翼仔,尾喉系双边单出。奇就奇在距个底盘差唔多好似同期嘅宝马3系咁矮,不过为左空间感好D,距个驾驶室就整得比较高,所以部车望落就好似一个大头仔咁。
隐形快车---------------2005年1月富豪S40 T5 - Ryan  - 粤车无数
 S40度车门真系几厚嘅,坐落之后望件门板好似望住一个窗台咁。距个内笼就唔算太花巧,仪表板系好传统嘅两个圈设计,左边系时速同油表,右边系转速同水温,行车电脑就分开两个液晶Mon仔显示,背光系绿色嘅。太盘手感一流,上面嘅快捷键主要系控制音响大细声同定速。灰色中控台襟邋遢,锁匙窿系装系CD机左边,而唔系太盘后面。中控台有一件朱古力色嘅薄型面板,主要系控制音响同冷气,而冷气嘅送风角度调校就整到好似一个公仔咁。富豪嘅皮凳一向都整到好厚嘅,前座有电动调教前后高低,不过腰垫系要用手拧先教到,呢两张前座都唔算好软熟,反而觉得距几硬净。
隐形快车---------------2005年1月富豪S40 T5 - Ryan  - 粤车无数
 全车一共八个气囊,其中两个系气帘黎嘅,隔音都好高水准,部车行紧嘅时候主要都系车胎声稍微大D。后排空间就认真一般,脚位好少,又无后排冷气出风口,但系有12伏电可以用。座椅头枕嘅造型好似怪怪地,其实呢个系富豪当年嘅新发明,呢种叫做主动式头枕,比如有车系后面撞上黎,条颈会惯性向后chok,而呢个头枕就系系撞车果下向前压,抵消翻向后chok颈嘅惯性,咁就可以保护你条颈。除左呢D之外,呢部车仲有一个叫做sips嘅侧面撞击保护系统,主要系依照结构力学,如果有车系侧面铲埋黎,D撞击力就会卸去车顶、门边同地台。
隐形快车---------------2005年1月富豪S40 T5 - Ryan  - 粤车无数
呢部系S40 T5。咁T5系咩意思呢?T5即系话呢部车有一副2.5升直列五汽缸嘅TURBO引擎,最大马力系230匹,而最大扭力有32公斤米,当年香港有一批专门用黎捉快车嘅隐形战车,都系用呢一副偈嘅。距个引擎舱都几有心思嘅,首先头冚里面有一条槽,如果正面有车装埋黎距可以好快折起,唔会队入驾驶室,另外引擎舱仲设计左几条通风管帮电池同引擎电脑散热。特别要提一提距D扭力,1500转左右就已经涌出黎,一路冲到差唔多5000转都仲有嘅,所以呢部车无论起步定系超车爬头都系好轻松,一D都唔会觉得副引擎辛苦。呢部车同当年嘅福特福克斯同用平台,但系同平台唔代表同底盘喔,只不过系代表两部车有D技术野系有参考咁解。当年嘅福克斯都系出名靓弯,所以呢部S40都有D距嘅影子系度,太盘稍为重左D,转弯系好直接嘅,唔会好似旧款富豪咁完全唔知车头想指去边。呢部车用左一个叫做geartronic嘅5档自动波,有加减波功能嘅,同埋呢个波箱系识得跟人嘅,如果你惯左开车系温柔,咁距跳档都会好懒嘅,但系如果你惯左激烈驾驶,距又会好似你咁认真,一般情况距都系偏顺滑,同引擎输出亦都好配合。我觉得富豪可以考虑继续用呢个波箱,因为距嘅表现真系好过新款富豪用紧嘅双离合波箱,所以话新野唔一定好,参数同资料虽然可以反映到车厂嘅科技,但系就唔可以直接表示部车嘅真实水平。

 
  评论这张
 
阅读(183)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017