注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

全自动跑车------------2008年波子Cayman S  

2014-01-19 21:17:07|  分类: 试车日记 |  标签: |举报 |字号 订阅

  下载LOFTER 我的照片书  |
全自动跑车------------2008年波子Cayman S - Ryan  - 粤车无数
 宜家嘅车基本上都系马力扭力大平卖,三几十万出头就可以骑住200几300匹,中意四门又得双门又得,甚至五门都得,所以呢D高性能车或多或者都会兼顾实用,甚至系先啉实用再啉行车表现。但系跑车唔同,叫得做跑车,除左外形够辣之外,最重要就系跑得、飞得、炒得,乜嘢储物空间隔音水准绝对唔系第一考虑,所以跑车同高性能车系两样野,叫得做跑车基本都有翻咁上下性能,但唔系部部高性能车都可以叫做跑车。讲到跑车,任你点数都应该唔会数漏德国波子车厂,除左有波子王911威尽赛车场之外,仲有吸金王Cayenne帮手稳钱,系公子跑车世界又有开蓬车Boxster同硬顶街飞Cayman,今次为大家介绍嘅都系Cayman系列嘅其中一个成员,距叫做Cayman S。
全自动跑车------------2008年波子Cayman S - Ryan  - 粤车无数
 呢部系坚二手车,事关对上就得一个车主,行左将近四万公里,外形keep得几新净。好多人话波子丑样,我觉得都系角度问题,再加上波子跑车向来都系造型迁就性能,所以距系怪得有道理。呢一代车头灯并唔系完全圆形,而系圆得黎有小小接近三角形,两边侧镜整得比较扁,可以减低小小风阻。
全自动跑车------------2008年波子Cayman S - Ryan  - 粤车无数
 Cayman S系一部中置引擎跑车,所以打开车头盖你系稳唔到引擎嘅,就算打开尾箱盖都一样睇唔到,如果要睇引擎,就要拆走两张凳后面嘅隔板,然之后再拆走一件隔热板,咁先可以睇到引擎嘅一部分,你见到引擎位置有一件好似饭盒盖咁嘅野,打开距之后就可以加机油同冷却液。就咁睇Cayman S嘅尾箱好似唔大,不过车主话可以放一部16寸嘅折叠单车。
全自动跑车------------2008年波子Cayman S - Ryan  - 粤车无数
 Cayman S张凳好薄身,坐落比较硬身D,两边都几包身,所以经常上落嘅话,两边嘅皮都已经有D花,虽然后面无座位,但系呢张前座都系有个制可以好容易拍低,等你可以临时系后面装野。其实呢部车一坐落就会发觉距几有波子跑车味,比如锁匙窿系太盘嘅左手边,太盘嘅角度比较企,太盘同波棍嘅位置,手刹嘅位置,仲有视野,都系D好传统嘅波子跑车设计。
全自动跑车------------2008年波子Cayman S - Ryan  - 粤车无数
 911系五只表,Cayman S得三只,五只表多野睇,但系三只表就无咁容易分散你D注意力,所以对于Cayman同Boxster,波子厂都系希望你可以专心渣车,留意距同一般跑车有咩唔同。Cayman S嘅太盘都几粗身,但系防滑就一般,上面有几粒快捷键,一般车嘅太盘快捷键都系控制电话同音响为主,不过呢个太盘就唔同,事关距可以控制加减波,讲到人性化真系唔够拨片咁好。冷气出风口系好核突嘅圆型,中控台嘅按键好多,文字好细粒,望得耐都有D斗鸡,所以最好系开车之前就set好晒所有野,开紧车就唔好周围望喇。
全自动跑车------------2008年波子Cayman S - Ryan  - 粤车无数
 一般情况下,双门跑车嘅空间感唔会好差,因为唔需要顾及后排,所以张凳点样移都无人理你,不过唔好以为乘客位无太盘阻住就会多D位,其实呢度同隔离一样咁局促,而且你周围摸到嘅野全部都好似石头咁硬,坐系度除左有坐波子跑车嘅虚荣心之外,就无乜其他好感,再加上你见到隔离个车手系度Hi紧,你就更加想同距换位。
全自动跑车------------2008年波子Cayman S - Ryan  - 粤车无数
 以往试波子跑车,都系好希望可以试到911嘅尾驱,因为宜家街车里面,后置引擎后辘带动嘅车基本上就得翻距一个,不过自从试过Boxster之后,我觉得波子出嘅中置引擎跑车都好有娱乐性,距同911一样,都系尾胎阔过前胎,不过就因为引擎扭力同车身大细唔同,仲有引擎摆位唔同所以有分别。Cayman S嘅引擎系3.4升水平对向六汽缸自然吸气引擎,踩落觉得D力好平均,估计都有300匹。呢部车嘅排气声好特别,可能同排气设计得比较短有关,明明岩着车果下系好沉,点知约踩就约觉得D声比较干,而且引擎都叫做摆系驾驶室里面,只不过系隔住两块板,所以都好易听到引擎声。之所以话距系一部全自动跑车,除左距用自动波波箱之外,最特别系部车嘅反应,对于中置引擎车来讲,重心一般都会系后面,所以如果过弯踩大油或者突然间缩油,车尾其实系肯走嘅,不过呢部车就特别D,缩油果下车头唔会跪得好犀利,就算踩刹车,跪弯嘅问题都系好有限,以呢部车嘅实力,加速出弯无问题,cut行车线都好灵活,识得主动去就翻你手车,呢D就系短身嘅好处。
全自动跑车------------2008年波子Cayman S - Ryan  - 粤车无数
 好多人觉得Cayenne同Boxster、Cayman唔系后置引擎,话距地唔系纯正嘅波子。对于一间以跑车同赛车起家嘅车厂来讲,如果无钱,点去研制更加劲嘅跑车?睇住Cayenne帮波子厂赚到盘满钵满,绝对系一件好事,够实力嘅车厂先可以研制有实力嘅车,呢个系肯定嘅。波子车厂好中意用赛车技术去研制街车,赛车当然追求圈速,但系街车就唔需要一味讲求数据,而系要着重部车出来嘅效果,部车好唔好渣,零件同零件之间夹唔夹,部车襟唔襟玩,呢D先系街车应该注意嘅地方。
  评论这张
 
阅读(446)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017

emenpy="priM,"muSessoptTqbbnbtn==fa)140,},=200)140m"> bodypt"辰舘/hpt"