注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 
 
 

旅行机器-------2002年款丰田 Caldina GT-FOUR  

2013-10-08 15:51:21|  分类: 经典名车 |  标签: |举报 |字号 订阅

  下载LOFTER 我的照片书  |
旅行机器-------2002年款丰田 Caldina GT-FOUR - Ryan  - 粤车无数
 去完一次厦门,我发觉唔系乜车都岩用黎旅行,太细粒嘅车逼得落人但系装唔落行李,太巨型嘅车虽然任装唔嬲,不过去到横街窄巷真系情愿部车即时缩细!宜家市面上可以即买即用嘅旅行车好多,但系都唔系静系要黎旅行,平时仲要渣去上落班,放工又要去超级市场买野,所以部车要灵敏又要好重家庭味,咁先会多人中意。今次为大家介绍一部2002年款嘅超冷门丰田旅行车,属于Caldina系列但系车尾又贴住GT-FOUR章,不过呢部车唔系咁简单嘅,等我慢慢话你知。


旅行机器-------2002年款丰田 Caldina GT-FOUR - Ryan  - 粤车无数
 丰田厂系2002年9月份推出全新改款嘅第三代Caldina系列,Caldina除左有三厢房车之外,仲变多一个五门旅行车款式出黎,当年丰田厂话距系“The Touring Machine”,即系话比你听距系一部实用而且新潮嘅旅行机器。呢部Caldina长4510毫米,阔1740毫米,高1445毫米,斋车重1480公斤,当年嘅丰田车外形未有今日咁夸张,不过呢部车当年已经弹左出黎,用异形头灯同尖嘴中网打头阵,车头冚仲开窿添,睇外形已经知道距唔系一般丰田家庭车。
旅行机器-------2002年款丰田 Caldina GT-FOUR - Ryan  - 粤车无数
 好少车嘅车尾会恶过车头,Caldina就系其中一部,虽然车身侧面线条都系普普通通,但系去到车尾灯就开始作反,三角形车尾灯好似嬲左全世界咁,再加埋原厂嘅大包围,呢部车如果爬头,后面个人一定会吓亲。
旅行机器-------2002年款丰田 Caldina GT-FOUR - Ryan  - 粤车无数
 内笼靓唔靓,好多时都系睇下D设计够唔够归位,呢部车用左一个异形三幅式太盘,但系后面就用左普通嘅表板,中控台最出位就系一个好似剑道面罩嘅音响面板,虽然系自动波,但系就有模拟加减波功能,另外,呢部车嘅手刹系用脚踩嘅。
旅行机器-------2002年款丰田 Caldina GT-FOUR - Ryan  - 粤车无数
 虽然唔系真皮,不过距就用左透气嘅布凳,张凳仲绣左Caldina章,布凳防跣会好过皮凳,而且就算晒完都无皮凳咁热,而且对于呢D稍微有小小高性能嘅车来讲,布凳会更加有飞仔车味道,好多热血车迷成家立室之后好似收晒火,如果唔想加速心理年龄增长,真系不妨稳部飞得嘅家庭车玩下。
旅行机器-------2002年款丰田 Caldina GT-FOUR - Ryan  - 粤车无数
 得四米半车长,如果话你知距空间好大系呃你嘅,但系对于家庭车来讲,都未必会成日坐满人,宜家绝大部分人都会买部五门车,但系唔知几时开始,部车有五只门就比人以为可以坐五个人,唔系坐唔落,问题系要坐得舒服会好难,事关好多车后排都唔系平地台设计,中间会谷起,中间就算坐小朋友都觉得辛苦。中型车,坐四个人咪算咯。
旅行机器-------2002年款丰田 Caldina GT-FOUR - Ryan  - 粤车无数
 旅行车嘅标志性建筑就系一个巨型尾箱,但系如果想做一部超班旅行车,呢个尾箱仲要整到有规有矩,唔好整到三尖八角。另外,呢部车好多零件都同当时嘅丰田Premio、丰田Orion两款车共用,维修唔难。
旅行机器-------2002年款丰田 Caldina GT-FOUR - Ryan  - 粤车无数
 呢一代Caldina有三款引擎可以拣,入门型号用一副1.8升直四自然吸气汽油偈,最大马力132匹,对上仲有一副2.0升直四自然吸气汽油偈,最大马力152匹,而呢部顶级嘅GT-FOUR版本就用一副2.0升直四16哇佬TURBO偈,可以系6200转发放最大马力260匹,而最大扭力33公斤米就系4400转比晒你,而且有四轮驱动,摆明对住扫把佬嘅Legacy Sports Wagon黎打。呢个GT-FOUR后尾仲出过一个“N edition”特别版,“N”其实就系代表德国纽堡林赛道,丰田研制果部特别版嘅时候真系运部车落场试,距装左一个shiftmatic半自动波箱,仲换埋Torsen限滑差速器,连悬挂都特别调教过,跟住前座仲换左两张Recaro桶凳。呢部系一部好特别嘅丰田车,尤其系外形,后尾跟住出嘅其他牌子旅行车都有类似嘅设计。

  评论这张
 
阅读(485)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017