注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

要食大茶饭----------2013年款丰田86棍波  

2013-10-24 16:47:33|  分类: 试车日记 |  标签: |举报 |字号 订阅

  下载LOFTER 我的照片书  |
要食大茶饭----------2013年款丰田86棍波 - Ryan  - 粤车无数
呢几年除左万事得嘅MX-5之外,系市面上都无乜同类型日式尾驱轻型跑车,不过宜家唔系咁睇喇,因为新款86弹左出黎,一样系行紧头偈尾驱,仲有六速棍波。好多朋友都话距将会系下一部世纪潮车,仲话如果距唔卖得就无天理咁话,睇黎86嘅影响力真系唔细。到宜家为止呢类型嘅车都仲系好少,而我自己都系特别中意D头偈尾驱嘅车,因为我始终觉得咁多引擎摆位同出力布局来睇,FR系最自然嘅,甩尾自然,就算要救车都系最自然,唔系话其他类型嘅车唔好,但系如果讲到中意玩车中意攻弯中意手感,我觉得一定系拣部FR车。FR最正嘅地方就系前后都比较平衡D,部车平衡D自然就容易渣。要食大茶饭----------2013年款丰田86棍波 - Ryan  - 粤车无数
86嘅外形初头睇会觉得怪,不过呢D野都系见仁见智,而且呢D车一出世就预左多公司帮距出改件,到时唔好话改装,整容都唔系问题。呢部车嘅车胎规格系205/55 R16 ,睇落有D细,但系呢部车咁轻,马力又唔大,用16寸车胎唔系问题,而且用窄胎嘅话,部车会更加灵活。原装车胎唔系好食地,如果你要稳距来造圈速,呢四条胎一定要换。系度讲讲呢类轻型跑车嘅车胎改装,一般会加大一到两个码,原装16改17,或者原装16改18,除非你搞过副引擎,而且TUNE到好大力,如果唔系,换左大胎铃之后,转弯会无咁灵活,而且可能拖慢左部车,所以我都系建议你买翻去之后,玩厌左原装再比钱落去改装,唔好一落地就改。
要食大茶饭----------2013年款丰田86棍波 - Ryan  - 粤车无数
 虽然内笼唔算得上豪,不过你坐落就会觉得距都几有心思,比如车门个拉手位,车窗控制都系好斜,都几就手嘅,另外仲有就系太盘嘅尺寸整细左,而且好垂直,感觉上会似D赛车太盘,跟住到中控台,你会见到一个好老土嘅CD机,可能预左你会改,所以距D功能都系好斋,中控台下面凹左入去,呢度有双区冷气控制,再下面有一排制好型,好似D赛车嘅Fuse制咁,但其实系用黎控制冷气嘅,再下面就系挞车制,虽然睇落咁嘅设计有D乱,但系用起身都几型。中控台右边有一大块假碳纤嘅装饰板,呢度我啉可以加装几只表仔落去,一句讲晒,买呢D车真系唔好下下讲配置,纯种跑车真系应该要咁斋得咁斋,想要D乜就自己后期改落去,比如呢部车咁,虽然好斋,但系就斋得几有智慧。
要食大茶饭----------2013年款丰田86棍波 - Ryan  - 粤车无数
呢部车个太感真系唔算好特别,但系就好似样样野都设计到几有质感,虽然系用左电子助力,不过路面感都好强,街车黎讲算系高水准。呢部车本身系有小小偏推头嘅,而且好易渣,不过如果你入弯渣快左,一缩油个车尾都系有小小想行出去,所以你会觉得距个车尾都系好肯走,但系前提系你要渣快。另外提一提两公升NA引擎,宜家过200匹嘅除左距,仲有本田嘅K20A,但系如果讲实力,我觉得距同K20A仲差得远,照计水平对向引擎都好肯转,如果可以的话,希望唔好箍系7500转cut油,因为呢类型嘅车,而且引擎用得NA设定,肯定系想距越转越有力。
要食大茶饭----------2013年款丰田86棍波 - Ryan  - 粤车无数
86嘅波箱系六前速设计,棍波版系六前速,连自动波版本都系六前速,而且听讲只要系棍波版本,部车出厂就会跟埋有LSD,反而唔系部部自动波版本有LSD,要睇翻你买嘅系乜嘢地区嘅版本。点解我咁坚持呢部车要有LSD呢?LSD即系限滑差速器,比如你要转右,咁你部车嘅右后辘就好容易会空转,因为唔够抓地力,如果你系中意部车个尾系识得走嘅,如果有LSD呢就可以将D力锁住系两个尾辘果度,两边车辘都有力咁先可以继续推部车,推得到部车先会甩得到。
要食大茶饭----------2013年款丰田86棍波 - Ryan  - 粤车无数
 我觉得呢部车嘅原装避震设定唔系好岩佛山嘅路面,佛山虽然都有靓路,但系好多接驳位都好烂,呢部车嘅避震算系硬,进口日本车系当地试车之后基本都系按翻日本路面嘅设定,弹弓几硬,但系避震机好似唔系好追得上,事关果边D路的确系靓好多。如果你要系呢边用呢部车呢,先唔讲你打算点改,就原装黎睇,距一过D烂路就会跳起,只能够讲话部车系好嘅,要怪就怪铺路果D人,不过后期你都可以换套靓D嘅避震落去,如果避震设定得好,就会弹一下就过,唔会好似原装咁弹黎弹去。波棍后面有两粒制,一个系关左防滑系统,一个系VSC嘅运动模式,其实就算唔关,距都比你有小小甩尾,但系就唔多。
要食大茶饭----------2013年款丰田86棍波 - Ryan  - 粤车无数
 呢类型嘅车,后排坐人都系会好辛苦嘅,而且尾玻璃好斜,如果系太阳好劲嘅时候,后面坐人,你开几大冷气都无用,直接就会晒到距咩咁。不过斜尾跑车都唔会好讲求后排空间嘅,都系想个外形潇洒D先会咁整嘅姐。后排虽然空间细,不过就用左好多防跣设计,又有ISOFIX儿童座椅固定锁扣,如果你系一个热血爸爸,咁后面就要坐住个热血BB,车手又好,车迷又好,绝对系要由细细个开始培养。
要食大茶饭----------2013年款丰田86棍波 - Ryan  - 粤车无数
86嘅引擎由丰田厂同扫把佬厂一齐研究出黎,2.0升水平对向,加入左丰田嘅D4S直喷,最大马力有200匹,不过呢类型嘅车呢,马力就唔重要嘅,我反而睇重距有几多扭力。呢副引擎嘅力水真系好一般,要冲到中高段转速先肯比D力你,睇说明书话最大扭力要谷到6600转先有,不过其实距一过6000转已经黎料,跑车味都几浓,虽然唔算好快,但系就觉得部车几有人性。尾驱车同前驱车最大分别就系转弯,尾驱车除左可以用太盘转左转右之外,你都可以用油门控制,你想车尾横D就大脚D,车尾搬左出去,咁个车头就自自然然对准出弯嘅方向,帮助你出弯。不过你都要识得控制部车嘅重心转移,比如你系个弯度踩刹车,重心会走左去车头,跟住车尾会翘起,尾辘抓地力会减低,呢个时候你督油,咁尾胎就会跣,呢个时候你扭太,车尾就会打横扫出去,虽然唔系话横得好犀利,主要都系要睇你点玩法。
要食大茶饭----------2013年款丰田86棍波 - Ryan  - 粤车无数
 丰田86点解会系沙板上面贴一个boxer引擎章?可能系因为想纪念以前一部车,呢部车叫做sport 800,代号UP15,属于轻型跑车,当时距用左一副编号2U嘅两气缸水平对向风冷引擎,而今时今日系你面前嘅丰田86,距嘅引擎编号系4U-GSE。我地国家汽车工业起步迟,如果你同人讲N年前嘅sport 800,D人未必识,但系如果你同距讲一个十几年前hit到宜家嘅赛车漫画,D人梗系觉得亲切D啦,所以好多媒体都会借AE86黎帮呢部新86做宣传,我啉都系为左食住个势,不过新86始终都系由头开始一个全新车系,丰田都好清楚要整一部辣车,宜家叫紧26万几,同价位有历史有实力嘅车真系唔多,呢D野系有钱都买唔到嘅。宜家国内开始兴起one make race,我觉得呢D统一规格比赛应该可以帮到86,一来大家可以享受到部车,二来又可以提升到部车嘅价值,一部辣车唔系斋靠广告就可以谷得起嘅,除左本身够辣之外,点都要有D传奇野支撑下先得。
  评论这张
 
阅读(530)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017