注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

瞄准荷包------2013款A180  

2013-09-06 00:42:51|  分类: 试车日记 |  标签: |举报 |字号 订阅

  下载LOFTER 我的照片书  |
纪律部队------2013款A180 - Ryan  - 粤车无数
做乜都好,最紧要专心,你睇下打仗D士兵几专心,因为一唔专心就可能比人打瓜,情形就好似宜家嘅汽车市场,基本上同战场无乜分别,卖得多车嘅会比人屈,卖唔够车嘅会即时执,无时无刻都系充满住火药味,所以车厂每出一款车都会左啉右啉,尽量避免整D怪车出黎整蛊自己。虽然战争残酷,但系车始终都要转款,比如今次为大家介绍嘅新款A仔,就由之前嘅馒头变成宜家嘅鼠标,变身指数五粒星,绝对唔系求求其其换个口罩换副眼镜换件衫就走出黎交行货。
纪律部队------2013款A180 - Ryan  - 粤车无数
 虽然呢部A180系入门型号,不过外形就好有大哥级数,望耐D甚至会有旧款ML-Class越野车嘅错觉,估唔到将上一代A仔拍扁左之后会有咁强嘅气势。距有两盏好凶狠嘅异形头灯,里面D反光杯好似有小小向下望,虽然有居高临下嘅眼神但系距似乎唔记得左自己系一部矮车。中网虽然系两条横间夹住一个大星标志,不过两条横间除左有反光条之外,里面仲喷左同车身一样嘅颜色,头泵把左右两边其实可以做入风口,但系入门版就封左,得翻中间可以撞风。今代A仔嘅中网连头泵把突左出黎,低速如果碰到行人会有小小保护作用。
纪律部队------2013款A180 - Ryan  - 粤车无数
 新款A180长4292毫米,阔1780毫米,高1433毫米,有16寸密爪合金铃,车胎规格系205/55 R16,刹车用左前通风碟尾实心碟,因为本身用左高腰线设计,所以侧面嘅车窗好窄,腰线下面仲有一条折痕,呢条折痕分两截,前面果截基本同腰线平衡,而后面果截就系B柱位即刻升起,如果股市好似距咁就一天都光晒喇。成部车前面侧面都唔错,但系唯独车尾收得太快,车尾灯一D德国车感觉都无,而且连尾喉喉嘴都收埋左,有小小头重尾轻。
纪律部队------2013款A180 - Ryan  - 粤车无数
 除左外形大变身之外,内笼都同上一代完全唔同,你睇到同摸到嘅地方基本都系用黑色去撞哑银色,最离奇系距虽然系一部入门版家庭车,但系十字形冷气出风口、冷气控制、音响控制都跟足鸥翼跑车SLS,音响主机同冷气控制之间仲有一排按键,主要系切换经济模式、运动模式同手波模式,如果开左ECO模式,停车熄火功能就会启用。三幅式太盘好有AMG味,上面有两堆快捷键,左边果堆主要控制行车电脑显示,而右边果堆主要系控制音响同电话。我大致讲讲呢部现时最平嘅A仔有D乜嘢装备,真皮太盘系电子助力,有转波拨片,不过手感唔算特别轻。前排两张凳都系人手调节,而且坐垫好短。距有七个气囊,主要装系前排、前排侧面两边、后排侧面两边,再加埋司机膝头哥位置。有防滑电子系统,定速巡航,车头防撞雷达探测,车尾倒车雷达。有液晶屏幕不过无导航,有蓝牙电话,多碟CD,半皮座椅,手动空调。另外,呢部车嘅PRND控制杆系太盘后面,即系一般车嘅雨刮控制杆位置,如果你系第一次开BENZ就要习惯下,而手刹就用左BENZ旧式嘅拉手型手刹。
纪律部队------2013款A180 - Ryan  - 粤车无数
 A180嘅后排唔大,而且坐垫好短,坐得耐始终无咁舒服,但系为左开扬D,距有一个大天窗。A仔虽然系头辘车,不过高性能版本系四驱,后排中间一样会有一大旧野突起,所以后排只能够坐两个大人,而且后排无冷气出风口,但系就比翻个12V电源比你,仲有一个儿童安全座椅嘅固定码。虽然有四只门,不过距就好清楚自己平时都系比一两个人开,尾箱唔大,高尔夫6尾箱都大过距。虽然后排座椅可以四六分拍低,但系尾箱好矮,唔算好实用。另外,呢部车就算爆胎都可以继续行一段距离,所以无备胎。
纪律部队------2013款A180 - Ryan  - 粤车无数
 一打开A180头冚,会见到距无隔音棉,又无液压杆,无液压杆可以接受,不过无隔音棉就好似讲唔过去。呢部车用一副1.6升缸内直喷涡轮增压引擎,虽然系1.6机器,但系已经质爆引擎舱。呢副引擎可以系5000转爆发最大马力122匹,而最大扭矩200牛米就由1250转一路谷到4000转,零到一百9秒1,最快可以飞到时速202公里,同引擎一齐开工嘅系一副七前速双离合器波箱。虽然数字上唔系D乜嘢大马力引擎,甚至系1.6涡轮引擎里面算系细力果类,不过胜在够悭油,因为有七个档位,所以就算行紧时速100公里,引擎转速都系一千七百转左右,呢部车一升油大概都可以行到15公里左右,一般城市代步或者行下高速都唔会好辛苦。自从大众嘅七速DSG出事之后,大家可能一听到双离合波箱都会惊惊地,好明显BENZ厂都系,所以就算一样系七速双离合,但系就将换挡速度调慢左,呢部车嘅波箱换挡的确唔够大众果类DSG快,而且如果唔话你知距系双离合波箱,你可能都会以为系普通自动波,只不过系换挡快一般自动波少少。呢部车底盘事实几好,悬挂系前麦花臣尾多连杆,虽然系头辘驱动,但系打太都几听话,而且又够扎实,就算你第日想改下硬避震大胎铃距都应该可以应付得来。
纪律部队------2013款A180 - Ryan  - 粤车无数
 呢部车斋车价唔过26万,好明显系去攻打后生市场,但系市场呢家野唔系你话得就得,要大家都话你得咁先叫做得。一直以来A仔都系进口,不过相比距系德国嘅版本,距又减左好多功能,比如我头先讲果个屏幕,距除左呢个细MON之外,仲有一个七寸嘅大MON,而且有导航、有倒车镜头,仲可以上网添,虽然买A仔唔同埋C仔E仔,买C仔E仔可能系D已经事业有成嘅人,或者距唔需要呢D,距或者净系要部车有台型、内笼够豪够舒服,但系主打后生市场嘅A仔就唔同喇,因为年轻人就系中意玩电脑玩手机,如果连导航同倒车镜头都要另外比钱装,而且唔系讲紧一千几百,而系一万几千,唔多唔少都会赶客。
  评论这张
 
阅读(322)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017