注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

开到你笑---------2001年款福特Ka  

2013-09-12 18:36:21|  分类: 经典名车 |  标签: |举报 |字号 订阅

  下载LOFTER 我的照片书  |
开到你笑---------2001年款福特Ka - Ryan  - 粤车无数
 你几耐无真心咁笑过喇?对上一次笑系几时?你对住D车会唔会觉得好开心?宜家新出嘅车,绝大部分都系斗chok,部部都玩晒恶辣外形、跑车线条,部部都话自己点点点好玩,但系真正令到你觉得好玩嘅又有几多部呢?宜家你行出街,如果遮住晒D牌子,你又可以唔可以即刻分到边部打边部?如果遮住个车牌你可唔可以系停车场里面即刻稳到自己部车?所以部车唔理好丑,都一定要有自己嘅性格。车系一个识行识走嘅物体,所以我认为行走性能系第一位,至于装备同外形都系其次,如果一部车唔好开又多野整,鬼火咁靓都无用,反而如果一部车开起身好有感觉,甚至会令你笑,咁我觉得呢部车就算肉酸D都无乜所谓,比如今次为大家介绍嘅车咁。
开到你笑---------2001年款福特Ka - Ryan  - 粤车无数
 呢部系2001年款嘅福特Ka,长3620毫米,阔1631毫米,高1368毫米,最初系1996年嘅巴黎车展上面出现,虽然外形古怪,但系就借用左当年嘅fiesta机件。呢部车嘅造型系由福特嘅欧洲设计中心负责嘅,系果度做野嘅设计师来自世界各地,所以呢部车有好多唔同地区汽车嘅元素,就好似一件玩具,比如头泵把连住中网连住沙板,宜家你想稳部睇下都无,就咁睇呢部车似乎简简单单,但其实距有好多细微细眼嘅部位都要好高水准先装嵌到,如果你对住距耐D,会发觉距其实好超前。
开到你笑---------2001年款福特Ka - Ryan  - 粤车无数
 车尾泵把同沙板又系连埋一齐,仲有一个好似哨牙咁嘅车牌架。呢部车有个大天窗,不过唔可以收系车顶里面,一打开就会揭起,如果部车开得快,距真系会帮部车加多少少下压力。
开到你笑---------2001年款福特Ka - Ryan  - 粤车无数
有搞笑外形,自然会有个搞笑内笼,呢部车用左好多圆形设计,圆到有D似早期嘅韩国车,开头明明系直线,到尾后又变成弧线。呢部车后排系好细嘅,呢类细车我都系建议将后排拍低,等个尾箱可以装多D野。另外,呢部车嘅备胎系绑系车底,同当年嘅标致206设计一样。
开到你笑---------2001年款福特Ka - Ryan  - 粤车无数
 Ka系一部微型车仔,用一副1295cc直列四汽缸自然吸气引擎,可以系5000转爆发最大马力60匹,而最大扭力10.7公斤米系2500转就已经有,前置引擎前辘驱动。虽然马力唔大,扭力又细,但系胜在车身得975公斤够晒轻,一转入横街窄巷就可以即时表演,我曾经系巴厘岛见过有人渣住距送外卖,睇住距系D有高低落差嘅斜坡同D摩托车斗快,真系睇到一额汗。后来我系香港试过呢部车,呢部车虽然细,但系都算几定,细车嘅速度感系好强嘅,渣住距其实都几有信心开快,我成日都话,部车大力但系用唔晒系一种浪费,就算部车细马,只要有机会踩尽一样会好爽。1999年嘅时候Ka开始卖去其他国家,当时嘅车无论外形定内笼都仲系好老正,所以Ka一到步即刻吸引好多人去睇,可惜当时嘅细车已经兴自动波,而Ka就得一副五前速棍波,再加上进口车卖得贵仲要得三门版本一只型号,自然少人买。不过讲翻转头,如果Ka有自动波,可能会无咁好玩都唔定。
  评论这张
 
阅读(273)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017