注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

横行无忌-------1983年款日产丝丽雅240RS  

2013-09-11 16:07:05|  分类: 经典名车 |  标签: |举报 |字号 订阅

  下载LOFTER 我的照片书  |
横行无忌-------1983年款日产丝丽雅240RS - Ryan  - 粤车无数
 丝丽雅呢个名我啉好少人听过,不过如果换翻Silvia呢个名,就应该有好多人认得,因为宜家嘅Silvia已经系一部专业漂移车,车身痴满赞助商贴纸系一个封闭赛车场里面斗甩尾或者参加慈善筹款表演。漂移运动兴起之前,距系日产其中一个尾驱车系,以前香港有个广告系咁讲嘅:“Silvia,丝丽雅,日产名贵车系。”不过系1982年呢,日产就用当时嘅silvia参加越野比赛,呢部车叫做240RS。或者你会觉得出奇,点解尾驱都可以用黎斗Rally,因为距当时系斗B组,呢个比赛最初系由1980年开始,初期斗呢类比赛嘅车都系后辘驱动为主嘅。
横行无忌-------1983年款日产丝丽雅240RS - Ryan  - 粤车无数
 呢部车长4300毫米,阔1800毫米,高1310毫米,用左当年好兴嘅方灯,而且部车系倔头嘅,又无中网,系一部好食风嘅车,不过正正系呢D无乜流线型嘅设计,部车会更加MAN,头冚出厂已经系开窿设计,而且呢部车底盘系好高嘅,当年嘅越野赛车都系咁嘅。
横行无忌-------1983年款日产丝丽雅240RS - Ryan  - 粤车无数
 呢部车有好原始嘅抛沙板,系用呙钉打入去嘅,而尾翼就用左鸭尾设计,仲用尾冚锁锁系尾沙板度,除左车头挡风玻璃之外,头泵把同其他车窗都系用FRP物料整嘅,某D零件仲用左聚碳酸酯物料,呢度减D果度减D,部车就瘦到得翻970公斤。
横行无忌-------1983年款日产丝丽雅240RS - Ryan  - 粤车无数
 呢部车用左一副特制嘅赛车引擎,编号系FJ24,引擎排气量2340CC,不过就可以做到一百匹嘅升功率,最大马力240匹可以系7200转发放,而最大扭力24公斤米就要等到6000转先有。果个年代岩岩兴电子喷注,不过呢部车依然仲系用紧孖吸设计,有两个Solexi化油器,前置引擎后辘驱动。
横行无忌-------1983年款日产丝丽雅240RS - Ryan  - 粤车无数
 240RS系1982年出嘅,亦都系1982年就停产,一共出左200部,右太50部,左太150部,除左有30部用左黎比赛之外,剩低果D全部卖晒去欧洲。
横行无忌-------1983年款日产丝丽雅240RS - Ryan  - 粤车无数
 240RS曾经赢过四场越野比赛,日产后来带距去参加1983年嘅safari越野比赛,希望可以再创纪录,可惜因为副引擎冧左,240RS无得继续威。系度讲讲呢个safari越野比赛,好多年前距系一个耐力赛,不过后尾改成类似欧洲嘅短跑比赛,而且好多车厂都带住20部特制嘅赛车去比赛,所以240RS系无乜优势。之后日产继续发掘240RS嘅潜能,但系B组已经改左赛例可以用四驱车,连涡轮增压引擎都可以用,B组就变成左怪兽级TURBO车嘅世界。虽然无得再斗B组比赛,不过呢部经典嘅240RS依然好受日本当地同海外私人车队欢迎,令到呢部车继续参加80年代其他越野比赛。
横行无忌-------1983年款日产丝丽雅240RS - Ryan  - 粤车无数
 丝丽雅最新嘅型号系S15,不过都系已经停产左,但系就有车手继续用距黎比赛,只不过由泥氹沙地转为铺到靓一靓嘅沥青路面,拉力比赛同漂移比赛都一样要靠甩尾技术高速过弯,所以严格来讲丝丽雅系无变嘅,都系继续打横行。
  评论这张
 
阅读(438)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017