注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

钢芯子弹-----------2001年款VW Lupo GTI  

2013-09-11 13:46:31|  分类: 经典名车 |  标签: |举报 |字号 订阅

  下载LOFTER 我的照片书  |
钢芯子弹-----------2001年款VW Lupo GTI - Ryan  - 粤车无数
 如果讲到GTI,最多人识一定系大众嘅GOLF GTI,GTI之所以红其实有好多原因,市面上好似有好多同类型车,但系如果集合晒牌子、外形、质素、科技同实用,再加埋一个吸引嘅价钱,车款真系唔多。GOLF GTI除左快,仲比人叫距做“钢炮”,用炮弹去形容一部车,无非就系话比人听距嘅爆炸力好强,但系炮弹本身重系一个大问题,再加上GTI系前辘驱动嘅车,重磅对距来讲无乜好处。子弹就唔同喇,子弹本身轻,而且够快,好有狙击味道,就好似今次为大家介绍嘅车咁。呢部系2001年款嘅Lupo GTI,最初系系2001年出现,亦都系大众车系里面最细粒嘅GTI。
钢芯子弹-----------2001年款VW Lupo GTI - Ryan  - 粤车无数
 Lupo呢只车本身属于轻型车种,之前都有介绍过,不过既然呢部叫得做GTI,外形同内笼都会唔同D。呢部车长3524毫米,阔1640毫米,高1457毫米,斋车重975公斤。车头灯里面已经有鱼眼,而且设计抄足圆碌碌嘅波子头灯,再加上头冚两边谷起包住盏头灯,好有波子味道。中网系GTI蜂巢式设计,有个GTI章,头泵把系专用嘅,最精神系换左大胎铃,呢套六爪合金铃每一条爪都好似汽水匙,可以系同期嘅奥迪车系上面稳到。
钢芯子弹-----------2001年款VW Lupo GTI - Ryan  - 粤车无数
 车尾同一般Lupo最唔同就系尾喉改用中置双出设计,呢部车嘅悬挂同一般嘅Lupo一样用左前麦花臣后拖曳臂设计,不过轮距就加阔左,避震机同弹簧都重新调教,令到部车攻弯更加犀利。同一般嘅Lupo相比,呢部GTI版避震更加硬,路感更加强,而且部车过弯无咁侧。虽然引擎马力得125匹,但系因为部车唔够1吨加上引擎反应快,所以部车唔会好立,可以比车手随心所欲咁掟弯,系距身上可以稳到80年代高性能小型揭背车直接又原始嘅驾驶感觉。
钢芯子弹-----------2001年款VW Lupo GTI - Ryan  - 粤车无数
 Lupo嘅高性能版本有一副专用引擎,呢副1.6升直列四汽缸DOHC双顶置凸轮轴引擎,可以系6500转发放125匹最大马力,而最大扭力15.5公斤米就系3000转比晒你,而且用六前速棍波波箱,前置引擎前辘驱动。虽然好多人初初学开车都系考个棍波牌,但系后尾毕业直到买车又走去渣D自动波车,我初头都系渣自动波,但系宜家我又渣翻棍波,虽然佛山塞车真系好烦,不过宜家我已经觉得无乜所谓了,塞就塞咯。自动波技术的确越来越好,又顺又悭油,虽然渣棍波唔系次次都顺,但系就好有开车嘅感觉。
钢芯子弹-----------2001年款VW Lupo GTI - Ryan  - 粤车无数
大众系德国都有举办呢只Lupo GTI嘅统一规格比赛,每部赛车嘅改装项目同性能都系一模一样,所以要赢就只能够靠车手嘅技术同反应,比赛过程相当激烈,再加上系纯技术嘅较量,所以会好有睇头。LUPO GTI,绝对系一部高水准而且好有潜力嘅小型揭背车,当年好多同级车嘅改装都系用距黎做标准。
 
  评论这张
 
阅读(336)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017