注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

不羁的心-------2003年款Mitsubishi Airtrek 2.0 TURBO R  

2013-09-10 23:39:54|  分类: 经典名车 |  标签: |举报 |字号 订阅

  下载LOFTER 我的照片书  |
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 年纪唔系拣车嘅障碍,心态先系,宜家好多中年人都会买CUV代步,CUV全称系Car-Based Ultility Vehicle,即系是用房车底盘做基础咁解,系一种集合房车、MPV同SUV性格嘅crossover车。自从呢类型嘅车越来越多,加上外形部部差唔多,虽然功能齐,但系已经无乜个性。车一定要有个性,就好似人一定要有自己嘅性格一样,今次为大家介绍一部2003年款嘅三菱Airtrek Turbo-R,长4465毫米,阔1750毫米,高1540毫米,斋车重1520KG,引擎排气量1997cc,最大马力240匹系5500转发放,而最大扭力35公斤米就系2500转比晒你,前置引擎四轮驱动,最初系系2001年出现,系三菱当时全新嘅crossover踩界休闲旅行车,主打大空间同操控性能,系一部可以行烂路又可以去远地方嘅四驱车。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 系佛山都有人将自己部车改成呢个车头,乜车同距最似?咪就系2004年款嘅国产欧蓝德outlander咯。呢部Turbo-R用左四眼头灯,而且中网用左三层蜂巢式设计,最有型系头泵把有两盏巨型雾灯,仲有头冚上面嘅入风口。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 车尾就同2004年嘅国产欧蓝德差唔多,不过眼利嘅朋友会发觉,点解呢部车嘅尾灯同扫把佬嘅第七代Impreza尾灯咁似嘅?呢样真系要问下设计师先知喇。尾翼系原装嘅,不过为左减低风阻,呢部车无行李架。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 同好多同期嘅高性能车一样,Turbo-R嘅内笼用左双色设计,而且前面两张凳都绣左“Airtrek”车名落去,但系就无桶凳比你。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 Turbo-R虽然系日本车,不过中控台就有少少同期英国车嘅感觉,仪表板用左炮筒设计,太盘上面有快捷键,中控台有一块打横嵌入嘅饰板,左手边又写住“Airtrek”,呢部车竞争对手好多,不过大部分都系用D自然吸气嘅引擎配四前速自动波,而呢部车就有涡轮增压引擎同五前速手自一体波箱。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 大空间一向都系呢类车嘅卖点, Turbo-R一样有。后排可以四六分拍低,拍低之后地台系全平嘅。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
 Turbo-R嘅引擎系系第七代露笋上面搬过来嘅,而且一样都系叫“4G63”,所以性能方面唔使担心。大家都知道EVO引擎一路都系用紧两升直四TURBO设计,但系用系airtrek上面就重新调教过,而且将中冷摆左去引擎上面,缩短左入风管路,最大扭力35公斤米系2500转已经可以全部比晒你,而最大马力240匹就系5500转发放,所以就算airterk吨位大都无问题,另外,虽然引擎马力大,不过当年依然可以评为日本“杰出低污染排放汽车”。
买餸唔比钱-------2003年款Mitsubishi Airtrek 2.0 TURBO R - Ryan  - 粤车无数
呢部车嘅四驱同EVO上面果副系一样嘅,连悬挂都系前麦花臣后多连杆,只不过调得无EVO咁硬,更加岩日常行街使用。虽然车厂极力宣传CUV概念,不过宜家呢类型嘅车一般都会归埋SUV一类,其实定义一部车系唔系SUV,要睇翻距有无四驱,仲有就系同厂车款里面越野车、旅行车同MPV性格嘅混合比例,所以唔系部部都叫做SUV。airtrek同EVO算直系亲属,就算属于SUV,都系一部不羁嘅SUV。
 
  评论这张
 
阅读(330)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017