注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

开心无价------------2012款迷你cooper S coupe  

2013-08-07 16:28:05|  分类: 试车日记 |  标签: |举报 |字号 订阅

  下载LOFTER 我的照片书  |
开心无价------------2012款迷你cooper S coupe - Ryan  - 粤车无数
讲到买车,尤其系买新车,好多人第一反应就系部车一落地就开始贬值,其实呢D好明显系炒家嘅思维,因为如果唔打算卖部车嘅话,唔需要担心贬值嘅问题,只要维修保养做得好,好多车都可以传比你嘅下一代,甚至乎再下一代都得!如果讲到贬值最快嘅车,莫过于冷门嘅蚊型跑车,呢类车不外乎新车价钱贵、车主踩得尽同埋维修保养贵,所以炒家一般唔会买呢D黎炒,但系用家就中意买距黎玩,贪距够刺激够鬼马。宜家系国内可以顺利买到嘅蚊型跑车其实唔系好多,我讲嘅蚊型跑车唔系指MX-5或者Z4呢D,而系比细码家庭车更细嘅跑车,比如今次为大家介绍嘅Mini cooper S coupe就系其中一部。 
开心无价------------2012款迷你cooper S coupe - Ryan  - 粤车无数
呢部车系2012年款式,属于玩乐型跑车,所以距同其他迷你一样,都系可以加钱买配件装上去尽量做到独一无二,净系你见到嘅呢个车头已经有好多配件系加钱装嘅,比如黑底嘅头灯,里面有AFS功能,部车转弯,头灯都会跟住微微转,仲有就系两条拉花,都系要加钱嘅,仲有就系17寸合金铃,呢部迷你跑车有十种合金铃可以拣,但系尺寸都系统一17寸,只不过系设计唔同。呢部车嘅A柱位比一般Mini再倾斜13度,等距无咁食风,对悭油都好有帮助。
开心无价------------2012款迷你cooper S coupe - Ryan  - 粤车无数
呢部车长3734毫米,阔1683毫米,高1384毫米,连丰田Yaris都要大件过距,车顶用左蓝色拉花去撞哑银色车顶,车头两边沙板嘅转弯灯有个S徽章,呢部车出厂已经有侧裙,而车尾泵把就稍微复杂D,不过中间个双出尾喉就好靓,玩Mini一定要加钱装。另外,呢部车同好多小型跑车一样用左外置天线,但系由于车身实在太微型,离远睇会觉得距似一部遥控车。
开心无价------------2012款迷你cooper S coupe - Ryan  - 粤车无数
一路以来迷你车嘅内笼都系中意搞到周围圆碌碌,先由呢个粗身太盘开始,三九点按键有D似游戏机手制,但其实距功能都几齐,有音响大细声、电话、定速同行车电脑控制,一D都唔差架。穿过太盘,你剩系见到一个转速表,时速表连液晶屏幕系中控台上面,不过原厂无导航同倒车影像,但系都唔紧要,只要有屏幕就有机会后期加装。另外提一提一个配件,呢部车上面无出现嘅,就系太盘嘅转波拨片,装左之后,向后拉系升档,向前推系降档,所以一只手就可以搞掂档位升降。
 开心无价------------2012款迷你cooper S coupe - Ryan  - 粤车无数
因为部车得两个位,所以司机乘客嘅空间唔系问题,而椅背后面就只能够放个公文袋或者公事包。无论坐车定开车,安全系最重要嘅,如果一般两厢嘅三门揭背Mini,系可以有六气囊嘅,即系前面两个气囊、侧面两个气囊再加两边大尺寸气帘,但系呢部跑车版就得翻四气囊,无得装气帘。系主动安全方面,无论边个版本都有齐防滑系统、刹车力道分配系统。
开心无价------------2012款迷你cooper S coupe - Ryan  - 粤车无数
 呢部车用一副六前速手自一体波箱,本质系自动波,但系有模拟加减波功能,波棍造型全系列通用,差别在于有无一个“S”徽章,波棍前面有两粒制,一粒系SPORT,系S版本独有,主要系太盘助力会变,而且波箱会迟小小转波,另外一粒制系防滑功能开关。波棍后面仲有另外两粒骰子咁细嘅按键,用黎控制行车电脑。特别提一提距嘅行车电脑,显示方式好高科技感,除左有中文显示之外,最紧要系易用。
开心无价------------2012款迷你cooper S coupe - Ryan  - 粤车无数
音响机头下面系一个自动恒温冷气,今代用左液晶刻度,冷气控制下面仲有一排制,主要系控制电动窗、雾灯同中控锁。头先讲过呢部车好多配件都系option嘅,比如你中意听歌,可以加钱装翻套harman kardon嘅音响,比如你中意D闪泠泠嘅反光片,又可以加钱装,等D按键同冷气出风口无咁寡,比如你中意内饰有D钢琴漆,又可以加钱装,又比如你中意开快车中意内笼战斗格D,又可以加钱装原厂JCW嘅配件。Mini嘅配件超贵,头先我讲嘅呢D表面野如果你扫晒,闲闲地都收你几皮野,所以如果你啉住加入Mini党,钱银就要预松D。
 开心无价------------2012款迷你cooper S coupe - Ryan  - 粤车无数
呢部车嘅尾门超级重,因为系尾箱盖连尾玻璃一齐开,以前成日听人讲Mini好岩女仔开,好明显呢部系岩男仔开。虽然叫做有尾箱,不过因为呢部车尾玻璃好矮,所以呢个尾箱都唔会好高,虽然呢部车得两个位,之前Mini嘅后排拆走左,但系空间依然唔大,再加上地台有一半系凸起左,所以你放行李就麻烦D喇,可能会放唔稳而且有杂音。
开心无价------------2012款迷你cooper S coupe - Ryan  - 粤车无数
只要系Mini cooper S型号,无论系两厢三门揭背定系呢部跑车版,都系共用呢副1.6升单涡轮引擎。早期嘅Mini cooper S系用机械增压引擎嘅,而且得棍波可以拣,宜家就转玩TURBO引擎,而且可以拣六速手自一体波箱。呢副引擎系四汽缸设计,最大马力184匹,最大扭力分两种情况爆发,一般距有24.4公斤米扭力,如果你起步嘅时候踩油踩到尽会打开一个叫做“超增压”嘅模式,呢个时候扭力会谷到上26.5公斤。
开心无价------------2012款迷你cooper S coupe - Ryan  - 粤车无数
 呢只尾翼仔如果系自动模式,会系时速80公里嘅时候升起,时速低过60公里就自动收埋,不过你都可以自己手动打开距,控制开关系车里面个倒后镜旁边。至于呢部车开起身嘅感觉,如果系市区里面游来游去,我觉得同两厢嘅三门版差唔多,大家都系短轴距而且车架一样够硬净,本身已经系好好玩嘅车仔。如果系行高速路就有明显分别,跑车版嘅风声会细D,变线又稳定D。好多人买车都想部车可以全方位服务自己,但系如果一部车可以做到咁全面一定会好贵,所以我都系建议准买家有所侧重,中意操控感觉就唔好要求部车底盘高,中意悭油就唔好贪大部,如果你中意Mini,而且一定要买Mini,而且唔要求部车绝对实用,跑车版其实几好。

 
  评论这张
 
阅读(392)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017