注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

闪电子弹--------1999年款欧宝Tigra 1.6i  

2013-07-16 14:27:12|  分类: 经典名车 |  标签: |举报 |字号 订阅

  下载LOFTER 我的照片书  |
闪电子弹--------1999年款欧宝Tigra 1.6i - Ryan  - 粤车无数
飞车讲求速度感,如果一部大车一部细车同样飞紧时速120公里,细车嘅速度感往往会劲过大车好多,所以买部细车周围飞几时都系最稳阵。讲到飞车好多人都有自己嘅梦想跑车,可惜宜家已经好难买到微型跑车,就算有都唔知转左几多手,炒过几多获,如果有朝一日比你撞到有笋盘,真系要keep实距,比如呢部1999年款嘅德国欧宝Tigra咁,就系呢类型车嘅代表作。呢部车长3922毫米,阔1604毫米,高1340毫米,引擎排气量1598cc,可以系5900转输出最大马力100匹,而最大扭力14公斤米就系4000转发放,斋车重1032公斤,前偈前驱。

闪电子弹--------1999年款欧宝Tigra 1.6i - Ryan  - 粤车无数
 呢部微型三门跑车无论系德国本地定系其他国家都好少见,属于自由型跑车之一。呢部车虽然细,但系比人感觉唔会特别轻浮,距一样有德国车特有嘅稳重感觉,车头有小小似当年EG时期嘅本田思域,B柱侧面似D斩尾车,尾玻璃设计极之罕见,而尾箱盖就刻意做左个尾翼嘅形状。呢部车原装已经有半熏黑尾灯同合金铃,系后面睇呢部车其实相当高级。Tigra同1993年款嘅Corsa B共用底盘,而且一样由日本设计师儿玉英雄负责设计。
闪电子弹--------1999年款欧宝Tigra 1.6i - Ryan  - 粤车无数
 虽然外形重新设计,但系里面就同CORSA B无乜分别,三幅式太盘、中控台、冷气出风口、灯光控制按键、暗花布凳、波棍头、手刹通通一样,但系为左部车开扬D,天花板可以打开,呢个并唔系天窗,因为如果叫得做“窗”,即系无论你打唔打开距都一样望到出面,但系距系唔透明嘅,所以我觉得距系一个能够打开嘅天花板。呢部车后排好窄,而且因为尾玻璃好斜,好难坐到人,我觉得咁系岩嘅,想型仔D就要有牺牲,想自由就唔好车咁多人。
闪电子弹--------1999年款欧宝Tigra 1.6i - Ryan  - 粤车无数
当年Tigra有两副引擎可以拣,一副系1.6升,另一副系1.4升,大家都系直列四汽缸DOHC 16V汽油偈,1.6升有100匹,某D地区版本会升到106匹,而1.4升果副就渣实90匹。波箱有五前速棍波同电控四前速自动波两种,悬挂系统用前麦花臣后拖曳臂,刹车系非常悭皮嘅前碟后鼓。Tigra开起身其实唔似一部跑车,同CORSA B有九成相似,又或者咁讲,CORSA B嘅操控已经好唔错,所以Tigra嘅操控无乜惊喜。Tigra最大卖点始终系造型,可惜呢种独一无二嘅设计系2004年转款果阵唔见晒,新款基本上就系缩水嘅欧宝ASTRA开蓬版,一样系TWINTOP硬顶开蓬。 

 
  评论这张
 
阅读(316)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017