注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

冲出亚洲--------2004年款三菱日蚀SPYDER  

2013-07-14 17:07:43|  分类: 经典名车 |  标签: |举报 |字号 订阅

  下载LOFTER 我的照片书  |
冲出亚洲--------2004年款三菱日蚀SPYDER - Ryan  - Ryan粤语车评
 同其他随大流嘅车厂相比,三菱厂就好似一班工程师关埋门自己研究汽车制造技术嘅基地,用尽办法与世隔绝好似唔等钱使咁。虽然车型唔系最多,但系都出过唔少经典,最多人知嘅应该就系跑Rally赢好多奖嘅EVO露笋同专业越野几十年嘅帕杰罗,至于专业街飞呢一类,最受飞车党同偷车党欢迎嘅莫过于前驱小型跑车,一来易控制二来易甩手。比如呢部2004年款嘅三菱Eclipse Spyder,长4491毫米,阔1750毫米,高1341毫米,斋车重1510公斤,呢部系顶级版,所以有副V6偈,最大马力213匹系5750转释放,而最大扭力28.3公斤米就系3750转比晒你,前偈前驱。
冲出亚洲--------2004年款三菱日蚀SPYDER - Ryan  - Ryan粤语车评
 呢一代日蚀属于车系嘅第三代,最初系系1999年出现,而且系美国最先有得卖,岩岩推出嘅时候净系得双门硬顶coupe版本,而软顶开蓬嘅Spyder版本就系2000年3月份出现,日本作为三菱嘅乡下反而等到2004年年尾先正式有得卖。第一代日蚀嘅外形最特别系跳灯同肌肉感车身线条,第二代日蚀就圆碌碌好似一旧番枧,而第三代日蚀嘅外形最特别系车门有几条凹痕,所以三菱嘅日蚀系列比人感觉好原创,甚至有特别订造型号嘅错觉。第三代身形稍微大过前两代小小,印象最深系距两盏指甲型车头灯,唔系望前面反而有小小倾向于望个天。
冲出亚洲--------2004年款三菱日蚀SPYDER - Ryan  - Ryan粤语车评
 纯种街飞嘅内笼设计其实不外乎两样野,一个系要识得挑逗你踩油,另一个系要令到坐系你隔离果个觉得爽,所以全黑内笼同炮筒型冷气出风口一向好受欢迎,日蚀嘅太盘系三幅式设计,但系太环大左小小,中控台设计极之胀爆,上面有个小型橙色液晶屏幕可以睇行车资讯,而DVD连导航系要加钱装嘅,特别提一提呢个有手动变速功能嘅自动波,因为三菱好早就系街车用呢种自动波,包括早期嘅国产东南菱帅都有。
冲出亚洲--------2004年款三菱日蚀SPYDER - Ryan  - Ryan粤语车评
高科技仪表板绝对可以带动驾驶气氛,可惜日蚀无,虽然睇得出距想整到与众不同,但系出黎个效果认真卡通。呢个仪表板严格黎讲同一般嘅四圆表板无乜分别,距主要系用两个塑胶炮筒包住左油表同水温表,令到你视线集中系时速表同转速表,呢部车时速表有两种单位显示,一个系公里表,一个系英里表,最离奇系距居然分开左档位显示,P、R、N、D缩左入转速表,而4、3、2、1呢D档位就走左去右下角,但系望望下你会觉得咁安排系好岩嘅,因为距连波箱嘅用法都画埋出黎,左边果一竖系自动模式常用,而右边呢一竖就系手动模式专用。
冲出亚洲--------2004年款三菱日蚀SPYDER - Ryan  - Ryan粤语车评
第三代日蚀用左全自动嘅电折软顶,开蓬嘅时候后面勉强都可以坐下人,但系关蓬之后就唔掂喇。日蚀另一个特别嘅地方就系呢度,一般小型双门跑车后排系两张狗凳,而且会尽量整埋凳嘅形状出黎,但系日蚀就将后面整到好似一幅墙咁,跟住比两条安全带你,就算唔坐人都可以绑行李。
冲出亚洲--------2004年款三菱日蚀SPYDER - Ryan  - Ryan粤语车评
 无论系开蓬版本定系硬顶版本,引擎都系共用,有两副引擎可以拣,首先系呢副编号6G72嘅3.0升V6自然吸气引擎,SOHC单顶置凸轮轴设计,早期型号得200匹,后尾出小改款嘅时候就升到213匹,而另外仲有一副2.4升直四自然吸气引擎,一样系行单CAM,一样系前偈前驱。虽然日蚀系小型跑车,但系距好多零件都同大一个码嘅Galant共用,悬挂系统系前麦佛逊后多连杆。日蚀嘅顶级型号叫做GTS,系2003年追加嘅版本,主要系跟车有全车真皮座椅、侧面气囊同ABS刹车系统。
  评论这张
 
阅读(541)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017