注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

爆转革命-----本田思域EP3  

2013-06-07 14:30:35|  分类: 经典名车 |  标签: |举报 |字号 订阅

  下载LOFTER 我的照片书  |
爆转革命-----本田思域EP3 - Ryan  - Ryan粤语车评
 踏入2000年之后,已经好少见到有D又矮又短嘅高性能房车出现,好多出名嘅高性能车比如日产霹雳马、本田思域、甚至宝马3系都开始发福,最惨系好多好玩又好用嘅车都系右鸡,所以要系国内玩呢D车真系难过登天。我早几日去左间日本牌子车行试车,我发觉听得最多嘅都系呢几句,“几时买啊?依家有优惠喔,送多D野比你”、“买啦,呢部车好豪华架”,“加多D钱可以多D乜乜配置”,同埋呢句,“你睇下部车几悭油”。比距地烦左我一轮,终于可以试车。成程车里面又听翻之前听到嘅对白,我想呕,不过我都继续听,我突然之间发觉呢个卖车嘅人同超市卖衣物柔顺剂嘅人好似,都系会令我即时无瘾。呢个牌子以前唔系咁嘅,第一,距一D都唔豪,第二,距唔算最悭油,第三,如果拣得呢个牌子,我啉都唔需要人特别sell,所以为左令大家重新认识呢个牌子,今次介绍距嘅新世代辣车----EP3。
爆转革命-----本田思域EP3 - Ryan  - Ryan粤语车评
 巨型单门飞度仔系EP3俾人嘅第一印象,所以好难怪渣旧飞嘅人会觉得自己开紧部跑车,因为实在够靓仔。好多人会将距同EK9比较,除左大家都系E字头,仲有就系三门设计,睇外形你会觉得距好乖,EP3就好似一个細路仔,而EK9就似蛊惑仔,另外,同好多高性能本田仔一样,距都有个红章,跟车已经有晒包围同合金铃,特别提一提呢几条17寸合金铃,系得用“冠军白”喷漆嘅EP3先有,而其他颜色嘅EP3系配银色合金铃,车胎规格系205/45 R17。。
爆转革命-----本田思域EP3 - Ryan  - Ryan粤语车评
 对于一部比人斩左车尾嘅车来讲,比例好紧要。EP3车尾其实都几普通,但系正正因为普通,掩饰左跑车嘅恶辣,因为有D地方会因为你部车嘅外形决定距嘅保险费,EP3嘅外形顶笼都只不过系一部加左包围嘅行街车,个壳同发晒姣嘅跑车仲有一段距离,所以呢个都系距嘅优点。另外,你见到车尾有个英国国旗徽章,以前TYPE R系列都系日本本田车厂出,但系EP3系本田嘅英国分厂整嘅。最后提一提呢类两厢车嘅改装,首先系尾翼,我认为唔好高过车顶,而且唔好太复杂,所以屋仔尾翼已经够。跟住系贴纸,我见过好多车都有贴纸,贴纸多唔代表你部车劲,赛车之所以有好多贴纸系因为距有好多赞助商,你贴咁多即系等于免费帮人卖广告。最后系尾喉,出面街改左尾喉嘅车有好多,巨型一碌过单出又有,浮夸嘅双边双出又有,但系讲到有品味,我都系觉得单边细口径双出会好D,有跑车味,最紧要唔好有街市味。
爆转革命-----本田思域EP3 - Ryan  - Ryan粤语车评
虽然开车最紧要讲气氛,但系有气氛都要有实力,所以要讲左呢副引擎先。大家都知道本田K20A有几劲,自然吸气四缸机,2.0升排气量,8000转爆发215匹马力,而20.6公斤米扭力就系7000转爆发,以前嘅TYPE R阵营由VTEC带领,但系踏入新世纪,就由i-VTEC接棒,呢副K20A嘅设计路线主要系反应快同顺滑,所以开发嘅时候要靠之前赛车积落嘅数据,又要电脑模拟,又要加D改装技术落去,i-VTEC其实都系由VTEC发展而黎,但系加入左VTC技术,可以做到高输出、悭油同低废气排放,唔写个服字都唔得!首先系吸排气系统好高科技,节气门加大,仲用左等长嘅短程入风歧管,盘顶里面嘅生气孔设计可以减少阻力,VTEC识得系6000转嘅时候将吸排气阀门由低转凸轮转换到高转凸轮,跟住VTC会连续控制吸气阀门,配合高刚性哇佬弹弓,将吸气效率推到极限,再加埋点火用左7度铱金火嘴,所以就算高低转速转换都依然可以发放大马力同大扭力。除左吸排气技术够劲,距嘅活塞仲用左钼做表面处理,摩擦力低而且够硬,仲要系非对称设计。距嘅连杆都系高转设计,而且用高负荷金属去整,至于高刚性曲轴就着重平衡度。排气系统都系新设计,未到催化器之前嘅排气管都系双出设计,再将接驳催化器嘅集合位焊埋一齐,所以排气压力好低,而且可以令废气早D反应,碳氢化合物、氮氧化物都低过2000年嘅环保标准一半。
爆转革命-----本田思域EP3 - Ryan  - Ryan粤语车评
 大热天时见到红当荡嘅地毯同桶椅,冷气都要调低几度。我之前都讲过,开快车最紧要讲气氛,TYPE R系呢方面一直都系强项,虽然望落部车会几阔落,但系距绝对唔系sell呢样野,无论用料、造型同用法都系以赛车为目的。首先系白底红字嘅仪表板,就算飞紧车都好容易睇,跟住系前面呢个360毫米直径嘅三辐式MOMO真皮太环,隔离系一支畸形嘅波棍。中控台上面就得冷气,危险灯控制同点烟器,一般嘅EP3出厂果阵中控台中间得一块胶板,可以加装2DIN音响机头,不过比起全球知名嘅“Honda Sound”,乜野音响都无果种投入感。系度特别讲下呢个波箱,都无乜同类型车系咁设计,不过我以前开过一部本田时韵都系咁嘅,但系距系自动波。EP3用左6前速波箱,转波同K20A嘅性格好夹,可以好顺咁发挥到K20A嘅扭力,而且用左多锥形同步器,英文系multi cone synchronizer,头一二档系三锥形,三到六档系两锥形,可以减低波箱负荷,而且波棍头系铝合金整嘅,造型都好岩手型,至于点解要将波棍设计系呢个位置,系为左唔好离太盘太远,一般棍波都系装系两张凳之间,而EP3嘅设计更加有赛车感,再加上行程短,换挡动作更加快。
爆转革命-----本田思域EP3 - Ryan  - Ryan粤语车评
 火辣辣嘅Recaro桶凳承托力一流,但系就唔襟邋遢,只要你坐上去,就会发觉你面前嘅所有控制按钮都有经过精密计算,特别讲下EP3嘅方向,用左又细又轻嘅小齿轮轴,距唔系风油太又唔系电太,距系电动风油太,主要系将油压泵改为电动辅助,减低引擎马力流失,又可以无咁sai油,再加上距可以系成个转速范围都做到精密控制,慢慢行嘅时候太盘好轻手,高速反应又够快,所以你会觉得部车特别敏捷。另外,部车仲用左VGR技术,VGR系S2000上面都出现过,系一个可变转向齿轮比技术,扭太角度唔同,反应嘅力度都会唔同。
爆转革命-----本田思域EP3 - Ryan  - Ryan粤语车评
 前后排座椅唔同色其实都唔系乜嘢大问题,最大问题系距嘅后排空间,除左头顶够晒位之外,你只脚系无位嘅,但系你又唔可以系后排打坐,所以后排好难坐人,呢个系小型单门跑车嘅传统。至于点解会有安全带同安全带扣,我觉得距可以用黎固定物件,而且呢个后排座椅系可以四六分向前拍低,洗衣机都摆得落。
爆转革命-----本田思域EP3 - Ryan  - Ryan粤语车评
其实215匹马力话大唔大,TYPE R之所以咁好玩系因为仲有其他杀手锏。首先系车架,车架够硬先可以发挥到悬挂嘅实力,但系如果纯粹加多D钢板加硬,车重又会超标,所以对于跑车来讲,车架如果可以造到好轻而且够硬咁就最好喇。本田系开发EP3嘅时候用左电脑分析车身构造,而且有整D原型车出黎测试,睇下应该系边D地方加强,而且睇下要整成乜嘢形状。EP3车身骨架用左高拉力钢材,跟住系地台、车尾,所以就算放大左车身,扭转刚性依然超过EK9多多声。除左车架,悬挂设计都系重点,EP3车尾个英国国旗唔系随便贴嘅,距代表住会有欧洲跑车嘅战斗格,EP3嘅训练基地都系系欧洲嘅赛车场,无论运动性能定耐用程度都有翻咁上下级数。好多人话EP3系前麦花臣后双摇臂设计,先天设计好似唔够以前嘅前后双摇臂恶辣,但系距都唔系一般货色。以前嘅纯日式TYPE R悬挂会比较神化,掟弯嘅时候车尾容易甩,EP3都有小小,虽然好敏感,但系去到极限都依然帮车胎尽力痴住地面,感觉上会稳定过以前嘅TYPE R。咁系因为悬挂设计落足功夫,首先系前面嘅麦花臣,有支前束控制杆,可以抑制前速移位,跟住到后面嘅双摇臂,距隔离有支拖曳臂,而拖曳臂后面仲有支弹性臂,所有呢D摇臂都可以令到部车更加易控制。前驱跑车想有敏捷过弯能力,差速器就一定唔少得。比如你开紧一部前驱车好快咁掟一个左弯,呢个时候右前辘会贴地D,而左前辘会无咁贴地,一般嘅差速器知道你系度丧踩,距就会将D驱动力过左去无咁贴地嘅左前辘,跟住就会空转,所以呢个时候你仲继续踩油,只会令到空转更加犀利,部车系唔会快嘅。为左应付呢个问题,EP3用左出名反应快嘅Helical机械式限滑差速器,遇到同样情况会识得将驱动力过翻去右前辘,可以减轻推头,过弯又可以快D。
爆转革命-----本田思域EP3 - Ryan  - Ryan粤语车评
 每一部TYPE R出厂都有自己嘅编号,但系亦都好多TYPE R炒到得翻个编号,高性能嘅车有一个特质,距地都系好识得挑逗个车主踩油,无论系内笼布局定系排气声浪,距唯一目的就系想你踩油,踩深D,踩耐D,如果心智未成熟好容易会比距氹到,跟住就出事。本田以前基本都同“街飞”呢个名挂钩,但系我都系当距系一部高性能嘅车,车自己系唔识郁嘅,要人开先识,所以我觉得街飞唔系指一类车,应该系指一类人。开车好体现到一个人嘅人品,所以要学识控制情绪,唔好因为一时嘅开心变成一世嘅遗憾。

 
 
  评论这张
 
阅读(1644)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017