注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

认真唔简单-------smart fortwo 1.0 mhd  

2013-04-09 09:38:45|  分类: 试车日记 |  标签: |举报 |字号 订阅

  下载LOFTER 我的照片书  |
认真唔简单-------smart 1.0 mhd - Ryan  - Ryan粤语车评
同朋友倾计,难免会讲起车,原来每个人对车都有一把尺。部车靓唔靓,正唔正,抵唔抵,全部都用呢把尺去度,有D中意凭感觉,有D中意信数据,有D中意听口碑,所以就算同距地一齐去试车,个个都有唔同心得。就系因为呢把尺,我地对车会有一种“偏见”,所以亦都会有试车感觉嘅偏差,但系亦都好正常。不过如果想试真D部车,就要尝试唔要果把尺,从出发去试车开始,你除左记得要点开车之外,唔好记住自己一直对车嘅所有感觉,比如距嘅历史、距嘅参数、距嘅价钱,尽可能令到自己每一次试车都好似头一次试车咁,要认真,唔好比以前嘅感觉同印象掩盖每次试车。今次同大家介绍嘅车,大家平时都见得多,有D人中意距的的色色,有D人嫌距小气,又有D人话距系潮人装备,距就系smart。
认真唔简单-------smart 1.0 mhd - Ryan  - Ryan粤语车评
唔少人话距系一部玩具车,除左细细粒粒之外,最重要系距D配件,由头到脚都可以自己拣黎衬,静系比你加钱装嘅配件足足两张A4纸,同手机换壳贴石有得挥。呢部smart虽然无氙气灯,但系灯罩里面一样有鱼眼。呢部车唔系最新款,距系2012年嘅款式,虽然系旧款,但系我头先都讲过,距外壳好多野都可以加钱装,你要变成2013款式都只系钱问题,唔系款问题。对于一般车来讲,头冚里面一般系装引擎,就算唔系装引擎都会系个储物箱,不过smart两样都唔系,因为平时都要保养,所以要系头冚里面加刹车油、冷却水同换风格,要打开呢个头冚都唔难,中网两边有个拉环,跟住再松埋头冚两边嘅卡位,咁就可以拆走距,跟住距里面会有条布带吊住个头冚,等距唔使跌落地。认真唔简单-------smart 1.0 mhd - Ryan  - Ryan粤语车评

车身侧面有条明显向上戚嘅骨位,呢条骨位最前面就系转弯灯,车尾两边都有两盏分开嘅尾灯,而尾泵把就有两点式倒车雷达。系后面睇,smart嘅八字脚都几明显架,前辘系155/60 R15,而后辘就系175/55 R15,不过四条合金铃就有好多花款,但系无论你落订果阵拣边款,规格都一样系15寸。车尾造型大致同旧款一样,尾玻璃上面一样有块尾翼仔而且有刹车灯,而车尾mhd牌仔就话比人听距有停车熄匙功能。今次呢部车同以前嘅smart最唔同就系尾门,以前如果你系开旧款smart,你实知距后门分两份打开,打开尾玻璃之后如果想拍低尾门,一般都要两只手,但系依家一只手就搞掂。认真唔简单-------smart 1.0 mhd - Ryan  - Ryan粤语车评
以前系街见到smart,我隔离D人总系会话,咁细部车,细路开架?其实世界上大部分单门车嘅前座都系够用嘅,高比都坐得落,你以为自己好高大啊?你坐上去之后会发觉前后空间都算阔落,尤其系头顶空间,系张凳唔系几好坐姐。smart轴距好短,所以后面都无勉强放两张凳,反而用晒黎做尾箱,呢个尾箱唔大,但系放两只行李喼应该都放得落,而且尾门门板里面都有D位可以放野,以呢D超级微型车黎讲,有呢D空间算唔错喇,有时人唔好要求太多,睇下对住边个嘅姐。
认真唔简单-------smart 1.0 mhd - Ryan  - Ryan粤语车评

呢部车嘅太盘都系好简单,除左喇叭同气囊之外乜都无,但系你可以加钱换三幅式太盘,而且系上面装定速巡航都得,甚至装加减波拨片都得!仪表板同旧款差唔多,但系下面个橙色液晶屏幕就有小小唔同,主要显示剩翻几多油、行左几多公里、档位、温度计,如果你加钱,就可以集合埋行车电脑,识得计算平均油耗,虽然听落呢D功能宜家好多车都有,但系smart系要加钱嘅。认真唔简单-------smart 1.0 mhd - Ryan  - Ryan粤语车评
今代smart虽然都系非常之硬胶,但系唔会影响你用车嘅心情,中控台上高系冷气出风口同控制装置,中间呢个唔系CD机,距只系一个音乐播放机,副驾驶储物箱里面有USB同AUX接口。音响主机下面系一个好浅嘅储物柜桶,而最下面就系开锁同解锁,你见到隔离仲有咁多预留位,就知道又有野可以比你加装喇。系度讲讲呢个音乐播放机,你睇距个造型又圆又方,同我地一般嘅正方形2 DIN主机唔同,但其实宜家出面都有音响改装铺头可以换DVD屏幕落去,仲可以有齐导航同泊车镜头功能,好似话连下面D圆角位都唔使界走,smart迷有兴趣可以出街稳下,去远D都唔怕啦,你部车咁悭油。
  认真唔简单-------smart 1.0 mhd - Ryan  - Ryan粤语车评
大家都知,smart已经卖左好多年,虽然得一个超微型车身,但系距都偷左好多空间出黎比你用,而且尽可能保留翻一般家庭车嘅装备,其实系好难嘅。经过左咁多次修改,无论引擎定系其他配置都有进步,亦都系唔容易,比如储物空间、多功能水杯架呢D,距有位置摆得落距都会装比你。虽然今代smart的确舒服过以前任何一代,比如隔音隔热、减少底盘震动呢D都有进步,但系同我地用惯嘅标准四门房车比较,仲系差D。总之,如果斋斗舒服,求其一部普通国产车仔都可以KO距。

 认真唔简单-------smart 1.0 mhd - Ryan  - Ryan粤语车评
开呢部车首先要插车匙,而距条车匙要插系波棍后面。另外特别讲讲呢个5前速半自动波箱,你见到距净系得空挡N,倒档R同拍前拍后加减波,系无P档嘅,要切换自动波同手波要点搞呢?波棍头左边有粒制,你用呢粒制就可以切换自动波同手波。波棍前面系ECO模式制,用来控制停车熄匙功能。唔好睇少呢个制,旧款smart无呢个功能,所以废气排放都系达到欧盟4期标准,而多左呢个功能之后,就达到欧盟5期标准。等红灯停车,你踩住刹车,距就会熄左副偈,你松开刹车之后距又会挞着。
 认真唔简单-------smart 1.0 mhd - Ryan  - Ryan粤语车评
smart仲有另外一个古怪设计,就系呢个波板糖刹车踏板。一般我地开嘅车,刹车踏板系吊起嘅,好少会种系地下,虽然有D超级跑车会用地台式刹车踏板设计,但系同呢个有D唔同,呢个smart刹车踏板除左向前踩,最好你再比多D向下嘅力,咁先为之好,你见距个踏板下面包到好似支波棍咁,最好唔好踩中呢个踏板套,如果唔系,脚感就会差上加差,虽然未至于危险驾驶,但系呢个设计真系唔掂。
认真唔简单-------smart 1.0 mhd - Ryan  - Ryan粤语车评
因为系自然吸气嘅普通版,所以系无全景天窗嘅,但系就算你加钱装全景天窗,距都系一个天幕,系打唔开嘅。一般人见到smart系条街度走黎走去,第一句往往系,“十几万姐”,呢个只系表面,因为距实在太多选装件比你加钱买,如果有条友好似去超市咁扫货,装晒上身之后呢部smart分分钟过2字头,再加上好多零件都细眉细眼,如果唔系资深smart玩家,真系好难一眼睇出距加左D乜。
认真唔简单-------smart 1.0 mhd - Ryan  - Ryan粤语车评
宜家卖紧嘅smart系列有两款引擎,一款系自然吸气,一款系涡轮增压,两副引擎都系999cc,三气缸设计,如果系NA版,最大马力系71匹,最大扭距有92牛米,不过如果你买TURBO版,最大马力系84匹,最大扭矩有120牛米。今次介绍呢部系自然吸气版本,新款主要系调教过引擎,出力滑D,最大扭力都提前左,旧款最大扭力要等到过4000转先有,而今次呢款系2500转左右已经有,波箱就用5前速半自动波,呢个波箱本质系一个手波波箱,但系就电脑帮你踩离合器,而且可以切换自动波模式定系手波模式。 
认真唔简单-------smart 1.0 mhd - Ryan  - Ryan粤语车评
开smart同开一般车唔同,一开始你就会怀疑距引擎系咪配错左波箱,点解咁讲呢?引擎无乜问题,出力够顺,但系问题就出系呢个5前速半自动波箱上面,呢个波箱实质系手波波箱,但系就用左电子离合器,你唔使踩,净系拍下支波棍就可以转波,但系呢个波箱可能系地球上最唔掂嘅半自动波箱,除左chok之外,每一档之间都唔够顺,再加上呢部车实在太微型,空间细,引擎室又细,你想唔敏感都唔得!呢D机械感会全部比晒你,连引擎声、引擎嘅热量都会比埋你,平时你唔觉,系因为你部车上面有好多隔音棉,引擎又唔系驾驶室里面,而且你部车大,所以先唔觉。宜家再讲讲距嘅优点,呢部车其实都算几好开,因为头先讲过,机械感好清楚,虽然唔可以同卡丁车相比,但系你开住距,就会啉起卡丁车,大家都系好直接嘅,沟通感一流。另外,车行话今代有太盘助力,但系我都系feel到小小,同无助力嘅旧款好似都系差唔多,一样好硬,部车行得快会好D,但系如果行得慢就要用多D力抽太!如果你平时开D好闷嘅车,我几建议你试下smart,开住距,你就算几大年纪都会觉得自己后生,而且会因为控制得好而有好大满足感,咁怪嘅车你都开得掂,仲有乜嘢难到你?
  评论这张
 
阅读(575)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017