注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

继续老积------328i(F30)  

2013-02-23 14:42:28|  分类: 试车日记 |  标签: |举报 |字号 订阅

  下载LOFTER 我的照片书  |
继续老积------328i(F30) - Ryan  - Ryan粤语车评
新年好啊,祝大家新年进步、身体健康,过年我好少上QQ,呢几日先睇到你地留言。有D同我拜年,有D想我去测试距地心目中嘅下一部车,甚至有D问我买车有无折头,我唔系做呢行架,所以无得话试就试,但系如果有得试,我一定帮你试尽距。我见到有人留言话自己都系佛山人,又住系桂城附近,问可唔可以一齐去试车,有得试咪一齐去咯,我最无所谓嘅喇,开你部车去又得,我搭埋你去又得,一齐坐公交去亦得,一齐迫地铁都得,不过如果约实左你就最好唔好甩底啦,最憎人放飞机。都有人问过呢D相系唔系我影,有D系有D唔系咁咯,因为我手机唔靓,又无相机,而且我又唔系为左影相先去试车,我去睇车根本唔会啉起影相,所以记得影就影,唔记得影就算。其实呢D试车报告就好似日记咁,系得我一条友知道当时系乜嘢感觉,所以我唔可以代表所有人意见,你睇完我写嘅野都唔使太上心。试车其实唔难,尤其系你自己都开紧同类型车果阵,但系唔多唔少都会比较下,有边D进步左,有边D退步左,就好似呢部328i咁,会迷倒一部分人,不过唔会系所有人。
继续老积------328i(F30) - Ryan  - Ryan粤语车评
我系玩E36 325i嘅,所以第一眼见到F30我即刻觉得好感动,尤其距D眼神真系好似,一样咁恶!F30嘅大灯痴住中网,初初睇可能唔惯,但系越睇越靓。呢部328i装左原厂M Sports Package套件,所以部车嘅包围同一般版本唔同,多左好多扰流设计,如果你好熟上一代E90嘅M Sports Package包围,就会觉得差唔多,其实咁已经够,因为3系唔同一般街车,你搞到鬼五馬六其实反而整cheap左部车,含蓄D咪几好。
继续老积------328i(F30) - Ryan  - Ryan粤语车评
睇埋车尾,又感动多次,我觉得今次3系转款转得几好,终于无E90咁孱,而且无晒窗框果D老饼电镀装饰,有翻E36嘅味道,可能你唔知我系度up乜,但系第一眼睇到呢个车尾,真系觉得距好E36,我都唔知点解自己咁中意E36,可能我D性格同距D线条一样够晒硬净挂。继续老积------328i(F30) - Ryan  - Ryan粤语车评
打开车门,其实黑吗吗睇唔到乜,不过就有张好矮嘅凳系你面前,呢张凳可以多角度调教,而且有两段记忆,上车一噤就自动识得调到你上次记忆嘅位置同角度。F30嘅前排空间望落一般,唔算大唔算细。同E36相比,F30嘅太盘粗D,但系渣上手又轻D,因为F30太盘可以根据速度调节太盘力度,慢慢开唔会重手,但系开得快距又会紧D。
继续老积------328i(F30) - Ryan  - Ryan粤语车评 
因为系加钱嘅版本,所以内笼都同一般版唔同,比如太盘6点位置呢个M记徽章,虽然汽配城都有得卖,但系一啉起呢粒野同部车一齐进口翻黎,心理层面已经唔同D,而且你会希望距跟车翻黎唔止系块牌仔,而系M记嘅行车质感。以前E36太盘就得气囊同喇叭,依家F30梗系唔制啦,所以上面集成左好多制,左边果D主要系定速设置,而右边果D就系电话同大细声,太盘后面有左减右加转波拨片。成个内笼虽然都系黑色撞银色,不过距就系中控台画左条蓝色线,本来闷闷地嘅气氛即时生猛晒。
继续老积------328i(F30) - Ryan  - Ryan粤语车评
坐落副驾驶位之后,你望翻前边,其实系望唔到车头嘅,除非你坐到跳腰好直,E36都系咁嘅,而且空间都系差唔多,好多人都知道宝马中控台系斜嘅,不过呢一代好似无以前咁斜,只车门板整得几靓,而且开门关门都好就手。系度顺便讲下呢部车有乜嘢配置,呢部暂时系328i入口到内地嘅顶级版,有4个气囊、2排气帘,免匙着车,三合一刹车连车身稳定系统,有天窗,真皮太盘,倒车影像,中文导航连地图,自动氙气头灯,仲有新版i-drive。
继续老积------328i(F30) - Ryan  - Ryan粤语车评 
虽然已经属于中型车,但系后排不嬲都唔系3仔嘅强项,甚至好多细车嘅后排都阔落过距,不过既然有四只车门,就预左有人坐。进口嘅F30系标准轴距,而华晨宝马就国产左长轴距嘅3仔。呢部车后排有冷气出风口,出风口下面系12伏电源,就咁坐两个人嘅话其实都几好坐,因为距个座垫比较长,中间坐人就辛苦D喇,因为车底要行传动轴,中间会突起好高,只脚无地方放。
继续老积------328i(F30) - Ryan  - Ryan粤语车评
以前嘅328i用直六自然吸气引擎,而呢部新款328i就用直四涡轮增压引擎,最大马力245匹,最大扭矩350牛米,要食97号汽油。如果斋讲呢部车嘅力水呢,确实系好过旧款,而且因为用左8前速波箱同涡轮增压,油耗都无以前咁吓亲人,不过呢副引擎好似无直六咁定,无论系着车同踩油门,都会震过旧款,虽然唔明显,但系距有意无意都会震。再讲讲呢部车嘅车架,依然有宝马一路以来嘅水准,够扎实,可惜刹车唔系好掂,而且转弯都好似无以前咁准,咁当然都唔系差,好多中意开车甚至玩车嘅都想试下3系,我都系建议距地试下以前嘅旧款3系先,虽然保养有D贵,而且有D缺陷,但系旧款有旧款好,其实你唔使怕旧车会坏,好多人之所以整车叻、保养叻,都系因为以前玩得多钱七,如果你一开始就玩D唔使整嘅车,分分钟纵到你连车胎都唔识得换。
继续老积------328i(F30) - Ryan  - Ryan粤语车评
比一部车嘅钱你会买到一部车,但系呢部328i有D唔同,首先讲下呢个8前速波箱,距系一个自动波,不过有手动转波功能,而且系线传控制,即系呢支波棍只不过系一个生得似一只波棍嘅制。波棍右手边系i-drive制,左边系行车模式,可以拣悭油模式同运动模式。所谓悭油模式,就系你渣太盘电脑开车,成部车就好似代步车咁,好早升档,但系呢部车慢慢行嘅时候有小小chok,可能转波转得好密。如果你拣运动模式,你会好明显觉得距想变身,波箱仲chok过之前,你唔使惊喔,距唔系坏,跟住太盘力度、转波反应甚至连排气声都好似唔同左,而且今次i-drive屏幕多左个功能,就系可以显示部车嘅出力情况,用两个模拟表仔显示,算系几有新意。
继续老积------328i(F30) - Ryan  - Ryan粤语车评
同E36呢D机械车相比,F30就好似电脑车,你已经唔使好似我咁身水身汗渣实个太盘,集中精神啉踩油同刹车,又唔使怕冷气时得时唔得,呢D野F30都帮你做左而且都做得几好下,不过我都系中意E36够斋,有D乜嘢做得唔好距就即刻扭计,我觉得玩呢D车就好似健身咁咯,点都要出下汗、出D力,如果唔系就无效果。系度我想问你地一个问题,你地系咪好想玩呢D跑房车?系广告令到你想试定系你自己恨左好耐?如果你系自己想玩,就唔好太介意维修保养油钱损耗呢D问题,因为我都见唔少人,拉住我陪距去睇D所谓性能车,距唔系无钱个喔,带齐钱去买,但系当距知道部车空间细、车船税贵、大食、零件贵、保养贵,就开始缩沙,但系我同距翻去果阵距又品神咁口话好中意部车,系度唉声叹气,直头系运吉。你啉下,胶擦之所以擦到D铅笔笔迹,系因为胶擦有磨损,车之所以好玩,系因为车架够坚、转弯够醒、引擎够马、车胎够靓,呢D通通都要钱架。又要高性能又想悭米饭,唔实际嘅。
 
  评论这张
 
阅读(440)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017