注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

非一般入门-----------德国制2007年款320i  

2013-12-06 19:31:38|  分类: 试车日记 |  标签: |举报 |字号 订阅

  下载LOFTER 我的照片书  |
发掘3仔另一面-----------德国制2005年款320i - Ryan  - 粤车无数
银灰色车身,四门房车格局,单出死气喉,16寸胎铃,无天使眼头灯,亦都无鲨鱼鳍装系车顶,车尾就得宝马章同320i几个字,骤眼睇落无乜特别。呢部320i系2007落地,当年华晨宝马都有出呢个款,不过呢部系进口嘅,铁牌写住德国雷根斯堡厂制造,呢部车好就好在用左六前速棍波波箱,因为部车无乜力,用自动波波箱就会进一步卸力,而用棍波波箱就可以稍微缓解下,等D力去得直接D。平时讲起宝马3系,好多人都净系记得直六引擎点点点,再加上之前嘅宝马直四引擎麻麻地,所以就有定性思维觉得宝马四缸引擎弱D,但系如果识得就住来部车嘅性格来渣,宝马四汽缸引擎都有值得玩嘅地方。
发掘3仔另一面-----------德国制2005年款320i - Ryan  - 粤车无数
 E90时期宝马3系嘅外形,我啉大家都好熟悉,不过系度想提一提大家,如果去到二手车市场睇车,甚至试车,我一般都会围住部车睇下先,睇下边度撞花左撞凹左,一来欣赏下部车,二来费事试完车咬数,个个老细做生意手法都唔同,随随便便比你跳上车未必系热情好客,所以一定要小心。
发掘3仔另一面-----------德国制2005年款320i - Ryan  - 粤车无数
 宜家最新款嘅宝马3系由短阵版F30领军,但系就加入左F35长阵版,而呢只E90时期嘅3系就无长短阵嘅分别,无论国产又好进口又好通通都系一个码。E90之前系公子车E46,E46之前系飞仔车E36,而E36之前系正统跑房车E30,虽然一代大过一代,但系宝马设计车身比例嘅时候,都会刻意留翻个长车头,所以你系侧面望落去成份驾驶室会靠后,最后短尾收科,不过为左部车有种德国式稳重感,尾泵把都会大大件。刹车用左头通风碟尾实心碟,唔系好够收,原厂用左米其林205/55 R16普通车胎,16寸胎铃用系E90身上有D细,而且缩左入去有小小扫把脚,以E90嘅身形配17寸胎铃会好睇D,再加上原本宝马3系出厂都有少少低低地,唔需要特别LOW低已经有跑房车气势。
发掘3仔另一面-----------德国制2005年款320i - Ryan  - 粤车无数
 同前两代嘅3系相比,呢代E90嘅车门感觉上轻身D,开门同闩门都唔使点出力,关门之后隔音唔算特别好,好过X1少少。既然系一部棍波车,坐姿好紧要,我见好多人开车,两只手伸到直一直,你留意下你面前嘅太盘,距唔系垂直嘅,而系有倾斜嘅角度,如果你只手系伸直,打太嘅时候就会因为太盘角度而用唔到力,所以渣太盘果阵,就算由左打到右,手臂都应该有D弯曲,至于弯几多度就睇你身材而定。棍波车一般有极力子、刹车同踩油三个踏板,无论系踩边个踏板,踩尽之后只脚都系要弯曲,因为咁先可以出到力。320i嘅前座唔系好好坐,坐垫有D薄,而且呢只版本无左伸缩坐垫,承托力差D,波棍就唔算好紧,入档都好准,不过倒档就有小小难入,就算踩尽极力子,有时都会咔一声。
发掘3仔另一面-----------德国制2005年款320i - Ryan  - 粤车无数
 虽然3系一代大过一代,但系内笼空间都系无乜进步,所以新款之所以出长阵版系有原因嘅,不过短阵有短阵好,始终宝马3系一路以来都系一部个人化嘅车,话就话全车可以坐5个人,不过我见好多买3系嘅都系自己一个人渣,后排都系应急用,所以好多3系二手车后排都好新净,尤其系后排两边同门板之间有件软垫,如果多人坐,呢个位置就会特别易磨蚀,事关呢个软垫就系比你系后排挨住坐,系一个几细心嘅设计。呢部车后排有冷气出风口,不过空调制冷效果都系一般。
发掘3仔另一面-----------德国制2005年款320i - Ryan  - 粤车无数
呢副引擎编号系N46B20CB,排气量1995cc,最大马力大约150匹,而最大扭力大约20公斤米,有Double VANOS可变气门正时技术,中缸系铝造嘅,缸盖都系,压缩比有10.5,建议喂97号汽油。引擎有一大半接近驾驶室,前面大把空位,所以宝马系度设计左一个大型入风通道,而风盒就摆埋一边,其实前半段入风设计系几好嘅,因为入风管穿过龙门架,可以抽到车头嘅冻风,问题系后半段装左系引擎隔离,引擎收到咁密实,散热唔够,所以周围都会好热,呢个都系以前宝马四汽缸引擎多问题嘅其中一个原因,而且会令到入风管后段里面嘅风都热埋,风越热,含氧量就越低。开头都提过呢部车无乜力,如果你叹惯类似GTI咁嘅加速力,320i比唔到你,不过如果讲到过弯,320i其实几有实力。首先系掉头,唔好睇距得20公斤米扭力,如果你掉头用1档,踩尽距一样可以甩得出,不过到你入二档嘅时候D力就开始跌,但系二档踩过3500转左右,又好似有一个新嘅力出黎,直到入三档,呢个时候车尾就呆D,因为唔够力。另外一个就系过立交桥嘅回旋处,就算路面铺得唔靓,我发觉距支避震机都食得住,跳动系有,不过一下就过,而且过呢D回旋处一般都要上斜坡落斜坡再掉头,好明显车尾系识得搬出黎,但系如果呢个时候大脚踩油,距会有小小推头,推一阵车尾就识得跟翻,车胎会叫一两声,但系会觉得仲可以继续踩。系公路试车虽然有D危险,不过要睇翻当时嘅路面情况,街车始终都要系街试,而且要试过火,咁先知道部车可以去到咩地步,但系试车过程里面都要就住部车,就算你想高速入弯跟住CHOK太,都要睇下有几高速,太快嘅话,部车真系唔肯入弯,所以我地唔可以当部车系只马咁,下下都鞭到距死,加速又好,转弯又好,刹车又好,比小小讯号距先,唔好一野就踩死距,咁先可以系距听话嘅前提之下试尽。
发掘3仔另一面-----------德国制2005年款320i - Ryan  - 粤车无数
基本上每一代3系都有参加比赛,而E90嘅赛车版320 si WTCC就系2005年嘅德国法兰克福车展出现,呢部320 si WTCC系跟Super 2000赛例,身形大过上一代E46战车少少,用左一副特制嘅两公升直四自然吸气引擎,压缩比升到11:1,最大马力接近280匹,最大扭力25公斤米,波箱就改用五前速序列式波箱,避震用左Sachs落场型号,刹车用AP四遮鲍鱼,另外当然唔少得宝马赛车嘅最佳拍档BBS合金铃。呢部车正式比赛系系2006年嘅赛季,唔单只斗WTCC,仲有参加其他比赛,单单系WTCC就已经赢左35场比赛,而宝马厂队就罗左2006同2007两年世界冠军。不过2010年开始,宝马厂唔玩WTCC,但系就有私人车队继续用320 si斗WTCC。至于一般嘅320i街车改装方向,我觉得可以先由刹车入手,落一套渐进D嘅刹车,跟住换套避震LOW低十几二十个mm,再换大一个码嘅胎铃,马力扭力方面,可以试下先换原装高流量风隔,换四支靓D嘅火嘴,改死气喉唔使好粗,因为两公升引擎嘅车,其实60到65mm左右嘅死气喉由头去到尾已经好够用,如果仲系唔够玩,可以试下换快CAM,改下电脑,但系NA引擎照翻NA改装,提升幅度都系好有限,或者可以试下装机械增压,D力会线性D,至于320i好唔好改TURBO,呢样好似少见D,而且我觉得呢副引擎嘅体质真系弱D,如果用涡轮机去谷,可能好易拉柴,虽然话有周边零件配合,但系始终唔系最好选择。
 
  评论这张
 
阅读(391)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017