注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

豪放型尾驱-----------ATS 28T  

2013-12-30 12:01:13|  分类: 试车日记 |  标签: |举报 |字号 订阅

  下载LOFTER 我的照片书  |
豪放型尾驱-----------ATS 28T - Ryan  - 粤车无数
 呢部车系寻日早上试嘅,而且好早,虽然好猛太阳但系依然好大风,再加上呢间4S起得高,要上一大段斜坡先到,上到去明显觉得再大风D,一停好车之后就见到呢部试驾车,我当时未知系要试呢部,因为最初距打电话比我嘅时候我系要求试斋版,点知去到距就比左呢部豪版。ATS系卡迪拉克新出嘅细码尾驱,虽然系新款,但系都可以见到其他同门嘅设计,比如砖头咁嘅车尾,尾箱上面嘅V字形刹车灯,仲有两边打竖嘅窄尾灯,而尾泵把线条就稍微复杂D,下面有小小扰流设计,双出尾喉好接近中间,而车尾一个“28T”徽章好似暗示紧自己嘅对手系边个。
豪放型尾驱-----------ATS 28T - Ryan  - 粤车无数
 ATS个车头好扁,或者咁睇唔系好觉,展厅里面仲有部白色嘅斋版,我入去望过,车头都系好扁,对于一部玩得嘅尾驱车黎讲,扁头短尾可以话系标志性建筑。头冚上面有几条突起嘅折线,感觉上可以落一副更加大嘅引擎。ATS个中网无以前嘅卡迪拉克咁掘,反而有小小似空调嘅隔尘网,头灯的确好靓,头泵把有小小扰流设计,而雾灯隔离就装左假嘅入风口, 再加埋呢部车嘅抛沙板设计,的确系有几分跑车味, 但系我就觉得呢部车嘅电镀件用得太多,纯黑衬黑或者会更加诱惑。
豪放型尾驱-----------ATS 28T - Ryan  - 粤车无数
 今次试车除左我之外,我仲带多一个老友,所以距试先,我先坐系后面。你见到嘅路面其实系阿库拉4S店隔离果条所谓赛道,呢条赛道好窄,兜左几个掉头弯之后转左入一个停车场,然后系停车场里面又有几个弯,一出停车场又有几个弯,条赛道本身已经窄到咩咁,某D直路仲要特登摆两只水马系度收窄距,我地见唔对路,行完呢段怪鸡赛道之后就入左千灯湖,成个世界即时唔同晒。
豪放型尾驱-----------ATS 28T - Ryan  - 粤车无数
 ATS嘅后排同距嘅对手有得挥,一样都系又矮又窄又背光,停车嘅时候,张凳系几好坐嘅,但系部车一行起身,即时唔同晒,部车成日都好似跳跳扎咁,仲有,我本来望紧前面,但系成日都觉得好似有D野望住我,原来系个中控台,呢个中控台基本上系全靠触摸控制,上面个大屏幕除左系触摸屏之外,连下面呢个面具型面板都系,你见到嘅一件件银色突起只不过系装饰,中控面板下面系一个好细嘅储物格,波棍造型好核突,波棍座后面有两粒制,左边系防滑系统开关,右边系行车模式,再后面就系一个大储物格,上面有两件手枕。
豪放型尾驱-----------ATS 28T - Ryan  - 粤车无数
 隔音来讲呢部车算系合格,唯独后排嘅坐姿怪怪地,而且有D高,所以坐系后面,头顶空间真系好少,再加上部车成日都跳下跳下,呢个角度其实我影左好多张相,到最后都系得一张稍微清楚D,如果坐呢部车走转长途,真系不如改坐其他交通工具,尤其当你想集中精神睇下出面D景物嘅时候,部车又跳喇。
豪放型尾驱-----------ATS 28T - Ryan  - 粤车无数
 呢部豪版同我本来想试嘅斋版相差13万,我之后问过个sales佬,距话主要有几样野唔同,比如电子避震无左,座椅无通风,音响喇叭少几只,中控台屏幕缩到仲细过你部手机,而且有D功能用翻扭制无得触控,导航无,变形面具储物格无,18寸胎铃改为17寸,仲有就系内饰嘅拉丝饰板无左格仔图案,诸如此类。ATS仲有一个地方好似距对手,就系呢个后排嘅设计,靠近门边嘅地方有一件打斜嘅靠枕,可以比你打斜咁挨系后面,本身呢个设计几有人性,问题系空间无乜人性。
豪放型尾驱-----------ATS 28T - Ryan  - 粤车无数
 坐完一轮后排,到我做司机,呢个太盘直径唔算大,但系觉得好硬,快捷键的确够晒多,不过由于实在太多,开紧车最好唔好玩,最离奇系喇叭位,斋用大拇指系好难店到距嘅,呢个太盘有转波拨片,虽然细细只但系就好过无。着车之前,仪表板系全黑嘅,着车之后系白光,转速表缩左去左边,而时速表就大大个栋系中间,右手边就系油表同水温表,时速表下面有电子指南针,张相里面系显示“南”,不过太盘遮住左。
豪放型尾驱-----------ATS 28T - Ryan  - 粤车无数
 我已经将张凳调到最低,我身高一米七,所以我又再一次觉得距坐姿太高,头顶又再一次压抑。一着车,部车其实都几震,引擎声就唔算好嘈,但系部车好似左右左右咁震,另外,你望下前面部霸道,有粒黄色嘅字,显示“0 km/h”,呢个系抬头显示功能,可以显示车速同埋其他简单行车资讯,呢D野你开紧车嘅时候望一眼就好喇,唔好长期望,事关呢部车嘅HUD抬头显示设计得比较远,你望住距两秒,部车已经行左好远,某程度我觉得距有D阻碍视线。
豪放型尾驱-----------ATS 28T - Ryan  - 粤车无数
 中控台嘅触控反应唔算慢,但系绝对唔系快,比如冷气,你可以用下面呢个AUTO,或者用上面屏幕嘅上下来控制,而转去听歌嘅时候,就可以系VOLUME果度扫下扫下控制大细声,屋仔图案就系返回到最先页面,另外,比如你要噤内循环,就要噤住距长按一秒,而唔系一噤就即刻有反应,可能系怕你唔觉意店中。
豪放型尾驱-----------ATS 28T - Ryan  - 粤车无数
 唔知系咪赞助电影上晒脑,卡迪拉克D车唔系扮黑客就系扮机械人,我坐后排果阵成日都觉得呢个面板好似一个面具,原来后面系一个储物格,里面仲有一个识发光嘅USB口,而下面呢个胶托系可以拆走嘅。呢个隐藏储物格型就够晒型喇,不过要有电先可以打开。
豪放型尾驱-----------ATS 28T - Ryan  - 粤车无数
 初段试车我调左舒适模式,有开防滑,为左试下波箱引擎面对塞车系点,我冲左入桂和路,虽然无遇到塞车,不过D车都好慢,我全程都系和住油行,部车基本都无乜问题,转波虽然慢,但系都几顺。行桂和路一段之后,就关左防滑,稍微大脚油都无乜特别,不过去到桥底掉头就觉得好似引擎D力未到,低转好似反应慢D。回程都系桂和路,转运动模式,开防滑,好似同舒适模式都系差唔多。桂和路入南海大道有段烂路,部车又试跳到咩咁,第一个红绿灯转翻入保利方向,红绿灯等掉头。绿灯,打小小左太,大脚油,车尾会甩小小,条胎叫左一下,车身直翻,到下一个红绿灯,再重复呢个动作,一样。头先一路都系行自动波,跟住转玩手波模式,关左防滑,仪表板会显示橙色TC关闭显示,仲会显示档位,M1即系一档,继续红灯等掉头,绿灯打小小左太,大脚油,车尾甩得出,一甩其实车头已经开始对准掉头嘅路线,我慢慢回太,慢慢收小小油,车身直翻。如果系328i,车尾甩出去果下已经要准备回太,而呢部ATS就可以猪油D,慢慢收慢慢回都得,但系又唔可以太慢,慢得滞车头就会转得多左,车尾仲甩紧,不过都可以用收油来补救。
豪放型尾驱-----------ATS 28T - Ryan  - 粤车无数
 呢副2.0升四汽缸涡轮增压引擎,听我老友讲好似过270匹,所以我都有试红绿灯尽鸡加速,都系千灯湖,都系红绿灯起步,手波模式,用拨片退到M1,左脚踩实刹车,右脚比油,因为我无睇过部车嘅资料,唔知距最大扭力几时出,所以就定系大约四千转多小小,绿灯就即刻松刹车,松刹车同时要即刻继续笃尽油,车头有小小鄂起左,车尾摆下摆下,而且系左右左右咁,大约出左斑马线就有翻抓地力,不过加速感觉唔系好强,引擎声都唔算好大,到下一个红绿灯之前先收一收,再踩死,觉得只刹车都唔系好够收,而且闻到有阵“糯”味,又有D似胎胶味。


 
 
  评论这张
 
阅读(358)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017