注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

平价韩潮-------现代飞思1.6T  

2013-11-18 19:46:40|  分类: 试车日记 |  标签: |举报 |字号 订阅

  下载LOFTER 我的照片书  |
平价韩潮-------现代飞思1.6T - Ryan  - 粤车无数
提起韩国野,好多时都会话距够“潮”,尤其韩国车,近期越来越多人买,可能贪距外形新奇而且抵食夹大件,不过呢D都系一般车款。之前都成日听人讲宜家D车,新就够晒新喇,个样都好型,弊在部部都好似差唔多样,斋换个LOGO都可以变成第二个牌子嘅车,好闷喔,所以现代就整左部独一无二嘅四门揭背车出黎,呢部车叫做Veloster,中文叫做“飞思”,属于变种跑房车,最初系2011年开始上市,初期进口就得1.6升自然吸气引擎版本,宜家多左一个1.6升嘅涡轮增压引擎版本。平时我地见到嘅揭背车,无非系三门揭背或者五门揭背,四门揭背到底系乜嘢黎?等阵话你知。
平价韩潮-------现代飞思1.6T - Ryan  - 粤车无数
Veloster系现代车厂新出嘅系列,以前系无嘅,今代系第一代,有过一次小改款。呢部车望落好精神,事关距集合左好多经典靓车嘅部位,所以你会觉得距似揭背车又似跑车,比如车身嘅抛沙板,好明显系将扫把佬第十代STI嘅沙板装左落去,树叶型尾灯又有小小日本跑车味,特别系车尾揭背,距系双玻璃,后排乘客嘅头顶有一块,再加一件尾挡风玻璃。另外,距系用左18寸胎铃,唔打得都睇得。对于呢部车,最多人知就系司机位一只门,而乘客果边就有两只门,所以唔需要好似一般单门跑车咁又推凳又缩骨咁入去,呢个设计其实几贴心嘅。
平价韩潮-------现代飞思1.6T - Ryan  - 粤车无数
 虽然用左好多塑胶,不过都睇到距几有心思设计,成份中控台好归一。太盘可以上下前后调教,太环都几粗身,后面有转波拨片,中控台有触摸屏,同新款韩国手机一样,都系中意大大个显示屏,而且距好光,入隧道或者夜晚可能会光得滞。冷气可以话系超冻,可能同周围气温有关。20万楼下嘅车来讲,呢部车嘅装备都几实际嘅,有ipod口同AUX口,除左一个点烟口仲另外系隔离加多一个12伏插口,如果坐完呢部即刻走去坐部86,几乎要讲粗口咁滞,但系果部车系卖跑车感觉而唔系卖豪华配置。呢部车内笼最奇怪系个挞车制去左中控台下面,如果隔离有人手多多,你开开下车帮你噤熄距都有可能。
平价韩潮-------现代飞思1.6T - Ryan  - 粤车无数
 以前系好少1.6升TURBO引擎嘅,起码无宜家咁多,不过自从WTCC改制之后呢,落场嘅车第日会改用1.6T引擎,虽然宜家都有2000cc车跑紧,但系第日转晒1.6T应该都系趋势黎嘅,宜家基本上你up得出嘅车厂都有出1.6涡轮增压引擎,而且现代嘅整车技术都系学鬼佬同架仔,所以跟住出1.6T引擎都好正常。呢部车虽然话系卖比D年轻人,但系部车都好成熟,呢副引擎属于长行程四汽缸设计,岩岩过200匹,如果你好温柔咁踩,波箱都好快就升到第六档,引擎转速都系千几转,渣起身觉得部车好顺,虽然转波唔算好快,起码唔够大众嘅DSG咁快,但系呢个孖极力子波箱系退档果阵识得自己补油,加上宜家周围都经常塞车,好多人每日都会有好长时间系部车里面,呢个时候部车有几大力唔系最重要,最紧要系顺,渣起身无乜压力,塞车先唔会辛苦。呢部车个油门好似分开左两格,踩深D会叫个波箱退档,跟住引擎就好生猛,可惜太盘嘅反应慢左小小,咁设计如果系行街系好嘅,因为距系电子太,太感唔多,而且因为系街车,避震唔算硬,车身唔算轻,车身几稳定,都几有信心渣快车。
平价韩潮-------现代飞思1.6T - Ryan  - 粤车无数
 之前坐过福克斯ST嘅凳,再坐呢张,都觉得呢张凳几好坐,宜家好多人会对住电脑做野,坐得多会腰骨痛,所以如果部车有张舒服凳,点都系好D,唔系话辣车就一定要陪辣凳,始终都系市区用车,唔系落场砌车,极端包身或者极端薄身都系唔岩嘅。近期留意D韩国车,就发觉距开发D新车种越来越有人性,唔会因为迁就外形整D唔实用嘅车,外形更加系靓绝,事关宜家韩国车厂都中意请D欧洲汽车设计师,甚至望落同德国VAG厂嘅车都有几分似。
平价韩潮-------现代飞思1.6T - Ryan  - 粤车无数
 如果有新车出,我始终觉得一定要带车系里面最好果架出黎卖先,然后果架卖得好之后就会带住其他普通版嘅兄弟一齐卖得,比如Mini Cooper,因为有S版,所以带起埋成个系列。仲有就系三菱嘅Lancer,因为有Lancer Evolution呢个大佬照住,所以其他人都会追住去买,所以就算系普通版嘅Lancer都一样好成功。讲翻呢部Veloster,呢部车虽然系头辘带动,渣得快其实都唔觉得距特别推头,但系车尾又唔系走得好快果种,可能同呢条锦湖车胎有关。呢部车入弯初期其实唔系好肯入,都系要等一等先肯入,而且用左头麦花臣尾扭杆悬挂,感觉都系偏向稳定,好肯定距个车架劲过副引擎,不过刹车好似唔系好够,只刹车碟有D细,尤其你睇距用18寸胎铃,但系只碟咁细。防滑系统系可以关,不过都系关小小,距始终都会介入,只不过系迟D做野咁解。现代自己话呢部车属于辣版揭背车,咁如果叫得做辣车就点都要有翻两道散手,价钱有杀伤力,如果唔系一定要买架大车嘅话真系可以考虑下呢部,而且好明显见到现代嘅车系装工方面有进步,1.6TURBO引擎够用有凸,如果现代肯再比多几钱肉紧去谷呢部车,或者再将车价压低D,话唔定真系可以做潮车。
  评论这张
 
阅读(296)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017