注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

时光倒流50年------卡特咸seven superlight 120  

2012-09-07 13:31:04|  分类: 经典名车 |  标签: |举报 |字号 订阅

  下载LOFTER 我的照片书  |
时光倒流50年------卡特咸seven superlight 120 - Ryan  - Ryans粤语车评部落
每个人心目中嘅赛车都唔同定义,有D话一定要大马力,有咁大得咁大,最好大过肥龙;有D话要四驱,最好强到好似WRC赛车咁;有D话要有夸张大包围,最好好似SUPER GT咁夸。不过对于英国莲花公司来讲,赛车就简单得多,首先系够轻,打死都唔超过600公斤,跟住底盘要够刁钻,引擎唔使好强,甚至用一般嘅家庭小车引擎都无问题,出力要够顺,100匹出头就够喇,于是就有左“莲花7”呢个型号。明明文章标题系卡特咸,点解要讲“莲花7”呢?跟住睇埋落去你就知喇。
时光倒流50年------卡特咸seven superlight 120 - Ryan  - Ryans粤语车评部落
 卡特咸英文系caterham,1959年距仲系莲花汽车嘅经销商,特别批准距卖“莲花7”呢部车,可能日久生情挂,卡特咸公司对“莲花7”有好深感情,于是系1973年干脆买左“莲花7”嘅制造权同销售权,因为莲花公司当时觉得,自己D车应该跟上潮流,而唔系呢D老爷车。但系卡特咸公司就觉得呢部超轻突辘开蓬车虽然外形古典,但系胜在操控感一流,绝对会有人欣赏。买左翻来之后,卡特咸公司修改左“莲花7”嘅设计,不过都系D细节位同埋机械,外形依然食翻复古呢条水,今日你可以买到嘅卡特咸之所以车头会有个“7”字,就系咁黎嘅。
时光倒流50年------卡特咸seven superlight 120 - Ryan  - Ryans粤语车评部落
 其实一眼望落去就知道距够晒轻,而且好易明,事关部车就好似50年前嘅古董车,一路削尖嘅窄车头,四个突晒出来嘅细胎铃连碳纤挡泥板,有个可以用手拆走嘅软蓬连支架,再加埋3010X1575X990mm嘅长宽高,你可以当距系放大版卡丁车。车头灯都系类似十年前摩托车头灯甘嘅设计,不过特别提一提嘅就系呢部车好矮,而且好贴地,因为赛车来讲呢两样野系唔少得嘅。
时光倒流50年------卡特咸seven superlight 120 - Ryan  - Ryans粤语车评部落
就甘睇可能觉得距好怪,但系如果你平时有留意跑车,你就记得比如宝马旧款Z4同埋新款BENZ SLS AMG都系用咁嘅长车头短车尾设计,其实比例来讲卡特咸仲夸张过距地,因为距轴距短,用呢个设计会好容易就甩尾,而且用到13寸甘细嘅胎铃,就算玩原地转圈都难唔到距。司机位其实都系系后轴前少少,所以如果开呢类车上落班就要留意一样野,就系要提前打太,长车头短车尾嘅后驱车一般都系咁嘅,同一般车好唔同。
时光倒流50年------卡特咸seven superlight 120 - Ryan  - Ryans粤语车评部落
 其实人手拆顶宜家都仲有好多车用紧,比如吉普嘅牧马人,同埋莲花艾利斯都系要自己用手拆,听起身好似自贬身价,但系追求原始开车感觉,乜嘢都靠自己其实都系一种情怀。卡特咸seven嘅人工拆顶其实都唔难,车门、挡风玻璃都系可以拆嘅,对准卡位稍微用力就可以安装或者拆走,全部顶蓬零件都好轻,因为都好细件,不过如果手势唔岩,会比果只突出来嘅倒后镜勾到。
时光倒流50年------卡特咸seven superlight 120 - Ryan  - Ryans粤语车评部落
卡特咸稳得“莲花7”来搞,十成十都系睇岩距底盘够好玩。虽然后期卡特咸修改过呢副底盘,但系结构既然都系“莲花7”,但系多左几条加强用嘅钢管,车头嘅指向都会准D。呢副睇落去好似好简单嘅底盘其实真系用料唔多,所以部车先可以轻到接近500公斤,500公斤系乜概念呢?成日话飞度仔轻,距都有1吨出头,甘即系话卡特咸就系半部飞度仔嘅重量都唔够!再加上距设计都好方便维修保养,只要零件齐,整翻好距系好快手嘅。
时光倒流50年------卡特咸seven superlight 120 - Ryan  - Ryans粤语车评部落
纯种赛车一般都有一个纯种底盘,卡特咸底盘有好多钢管,够轻又够扎实,要忠实还原翻驾驶感就靠晒距喇。后差速器就咁稳几支钢管固定,睇落去好似好牙烟,系咁嘅喇,刺激往往都系出现系危险里面。纯种赛车底盘一般好硬,但系会有小小弹性,当你反太入弯或者变线就会觉得其实唔会好难控制,呢部superlight 120将50年前嘅驾驶感带到2012年,感觉就好似你呢几年都惯左睇ipad杂志,宜家叫你睇翻纸质书咁。
时光倒流50年------卡特咸seven superlight 120 - Ryan  - Ryans粤语车评部落
除左纯粹嘅卡丁车底盘之外,仲有一样野系唔少得嘅,就系双摇臂悬挂喇,卡特咸嘅双摇臂已经好接近方程式,避震机连弹簧反应够快,连角度都系刻意调解过,令到车辘好贴地。卡特咸嘅车壳几乎都用晒铝合金来整,车头冚用条弹簧扣固定,一只手就拎得起,而呢部superlight特别版更加有前辘碳纤挡泥板同车笼碳纤中控台连仪表板,一阵会提到。
时光倒流50年------卡特咸seven superlight 120 - Ryan  - Ryans粤语车评部落
听落superlight 120呢个名好长,不过你可以理解为“超轻120匹”嘅意思,以前嘅卡特咸仲用紧古董级嘅MG或者罗孚引擎,水温高同运转粗糙在所难免,宜家新世纪喇,就开始用翻D正常D嘅,今次呢部superlight 120就用左大家都劲有亲切感嘅福特嘉年华1.6升自然吸气引擎,最大马力120匹,搭配6前速最有机械感嘅手波波箱,开起身感觉要几单纯有几单纯。1.6自然吸气引擎无乜猛料嘅引擎声比你听,不过搭配超轻嘅车身开起身都算几轻快,事关距1匹马力静系负担4.23公斤,呢个数字已经好接近最新款嘅保时捷boxster S,所以距零到一百可以系6秒搞掂,最离奇系距保证你玩得过瘾嘅前提下,仲可以保证一升油行16公里,认真唔简单。
时光倒流50年------卡特咸seven superlight 120 - Ryan  - Ryans粤语车评部落
 要入去部车度,要忘记平时上车嘅步骤,踩住坐垫入去,坐低跟住调整坐姿。卡特咸嘅仪表板同中控台系一件过嘅,superlight嘅碳纤维表板系标准装备,但系如果其他版本就要加钱装。内笼基本一眼睇晒,细直径太盘从左打到右就得两圈,无助力,无ABS,ESP更加唔使啉,为左上落方便,座椅椅垫系可以拆走嘅,另外仲有就系四点式安全带,而6速手波嘅倒档同以前嘅捷达一样要压落去先入到嘅。开呢部车可能你会担心落雨,如果系英国,D人系唔理嘅,反而落雨会更加考验车手集中力同技术,所以落住雨都系甘杀落场。卡特咸系国内无乜知名度,但系距同莲花艾利斯行嘅路线差唔多,只不过距惯左经营D地方性赛事所以无乜人知,不过今年开始,卡特咸就正式用caterham F1做车队名参加F1比赛,到时你就可以睇到距系一级方程式嘅实力喇。
 
  评论这张
 
阅读(469)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017