注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

成也涡轮,败也涡轮------------宝马118i sport  

2012-09-25 12:40:12|  分类: 试车日记 |  标签: |举报 |字号 订阅

  下载LOFTER 我的照片书  |
涡轮世纪------------宝马118i sport - Ryan  - Ryans粤语车评部落
其实唔理你系唔系BMW自然吸气引擎忠实粉丝,依家都要接受距系引擎度装TURBO嘅现实。我之前都系用紧直六自然吸气嘅325i,你地迷恋直六嘅心情我好明白,直六引擎出力确实够晒密,肯冲高转速,而且排气声够特别。不过对于一个中意计数嘅用家,宝马最出名嘅球头易坏、机器漏油、波箱漏油、方向机漏油甚至后差都有小小渗漏,好多车主头都大埋,完全违背左一部代步车嘅最基本要求!其实一直以来,宝马车系嘅问题系公认棘手,虽然距D机头都系公认够丧!所以对于宝马引擎改革我依然有保留。今次呢部118i其实出左一段时间,网上嘅试车报告早就爆晒,呢部车系佛山唔难见到,天安数码城或者鸿运电脑城周不时都有部走来走去。试车唔同食野,唔一定要趁热,对于一部新车,尤其系大改革嘅新款车,到底宝马嘅涡轮引擎掂唔掂,襟唔襟捱,大唔大食,呢D野通通都要时间来检验。
涡轮世纪------------宝马118i sport - Ryan  - Ryans粤语车评部落
宝马1系到依家为止就得两代,上一代嘅E87款头依家都仲有得卖,不过就得翻房跑车同开篷车版本。新一代1仔有新嘅编号F20,不过呢个系五门揭背嘅编号,迟D出变种可能都会改。呢一代个车头就比较怪咯,无上一代咁顺眼,不过望落就大体D,唔会好似上一代咁小朋友,呢只版本系118i所谓运动版,四条合金铃系17寸,头灯里面有LED日行灯,头泵把雾灯位置有两条哑光装饰条,而前面沙版会有个sport徽章,中网系黑色嘅。如果买其他版本嘅1仔,中网系银色,胎铃都有D唔同。我觉得部车最靓都系黑色倒后镜,之前宝马嘅转弯灯都系装系沙版度,依家就走左去倒后镜度。
涡轮世纪------------宝马118i sport - Ryan  - Ryans粤语车评部落
去到车尾,其实如果遮住宝马徽章部车就唔觉得系德国野,反而有小小韩国仔feel,部车侧面有条好深嘅折线,由前面沙板一路拉到去尾灯上面,有小小类似跑车。今代嘅尾灯好睇过上一代,车顶有条鲨鱼鳍天线,尾玻璃上面已经跟车有件细尾翼,呢只尾翼我觉得唔系为左加乜嘢下压力,而系纯粹令到车尾无咁斋,事关对于一部两厢设计嘅后辘车来讲,车尾系都会自己打横行,加尾翼系有用,不过加呢种尾翼就唔多够用。 
涡轮世纪------------宝马118i sport - Ryan  - Ryans粤语车评部落
新款嘅车门同上一代差唔多,唔算好重,最先睇到嘅系一张红线车边嘅半桶型前座,呢张野系其他版本无嘅,事关距要加钱先可以加装,而且距有宝马车系嘅优良传统,就系大比支撑位,当你开长途或者个人好攰嘅时候,你就会发觉呢件小发明系几咁伟大!
涡轮世纪------------宝马118i sport - Ryan  - Ryans粤语车评部落
入到车笼会觉得面目全非,不过中控台依然会偏向司机一边,太盘手感唔错,不过太环其实可以再整粗D,上面有D快捷键,有齐电话、行车电脑模式选择同控制音响大细声,唯独无转波拨片。中控台其实好简单,冷气、音响同一个好扁嘅屏幕,你见到部车有i-drive系统,不过呢个系简装版嘅,屏幕D颜色怪怪地而且距控制嘅功能相比其他宝马会少好多,不过系部细车上面见到呢个装备,你可以当距系一个面子工程。新1系全线都用8前速自动波,所以波棍头用左类似电子摇杆设计,点解咁讲呢?事关距只系一个似波棍头按键,距下面系无乜机械结构嘅,好处系舒适性高D,豪华D,不过千期唔好坏,一坏就整到你傻。
涡轮世纪------------宝马118i sport - Ryan  - Ryans粤语车评部落
放大车身其实都为左迁就后排,上一代白鸽笼后排无左喇,今次比翻个正常D嘅比你,不过有一样野唔好,就系后排椅背好企,如果你平时坐姿好端正,咁无乜问题,如果你想要一个比较舒服嘅姿势呢,距可能就比唔到你喇。后排一样有冷气出风口,而且可以控制出风量同冷暖,系小型车来讲可以算系奢侈。另外,由于呢部车行后驱,中间要走排气管同传动轴,基本上后排中间已经好难坐一个成年人,事关距对脚无乜地方放。四门车甚至五门车同双门车系舒适性嘅分别其实在于组装品质,多两度门系后面,系行烂路或者上斜坡可能会有D杂音,事关车架扭曲会挤压到D门铰位同门边位,哩哩啦啦在所难免,不过今次新款1仔系呢方面就做得唔错。涡轮世纪------------宝马118i sport - Ryan  - Ryans粤语车评部落
依家上市嘅新款1仔无论你买乜嘢版本,都系呢副1.6升涡轮引擎,只不过系调教上有出入,呢副118i引擎最大马力170匹,而最大扭力有25.5公斤米。1.6涡轮引擎会令人联想到同集团嘅Mini Cooper S JCW,无错,距地系同一副引擎,不过系Mini上面距马力调得比较大,但系用系1仔距就调得扭力比较大,其实咁做好正常,事关1仔重过mini,扭力厚实D系有好处嘅。另外,你见到引擎隔离银色果部分,就系距嘅涡轮机,望落去好似好复杂,其实距系单涡轮双涡管嘅设计,即系宝马宣传嘅Twin Power Turbo。配合8速自动波呢,油耗数字的确靓,而且平时代步慢慢开,无论出力同顺滑程度都好接近自然吸气引擎,系一部几好嘅代步车。至于点解话接近呢?一阵会讲。
涡轮世纪------------宝马118i sport - Ryan  - Ryans粤语车评部落
1.6呢个排量其实属于一条线,无论家用悭油引擎同高性能烧钱引擎都可以系呢堆1.6升引擎里面稳到,而1.6引擎加装涡轮机,的确系马力同扭力数字上逼近2升到2.5升之间嘅自然吸气引擎,不过1.6始终属于细排量,用来推一只TURBO其实话难唔难,话易唔易,而且要视乎涡轮机大细而定。讲翻呢部118i,呢部车如果用来游车河呢,距个波箱好快就已经上到第七个波段,剩低嘅第八档我啉要上高速先用到,转速够晒低,所以其实你都可以对比翻之前嘅旧款120i,油耗来讲会比距悭一成有多。不过如果你踩深油门过左4千转,距D问题就出晒来,首先系震动,呢个其实都有小小关缸数事,四缸引擎一上高转速都系好嘈好乱,而且听起身唔够六缸机纯,其次就系TURBO LAG,即系所谓嘅涡轮迟滞,细排量引擎装涡轮机嘅通病,就算有所谓双涡管技术,都好难同物理因素对抗,再加上部车唔算轻身,令到部车嘅直路表现同沙版上面嘅sport徽章唔系几夹。
成也涡轮,败也涡轮------------宝马118i sport - Ryan  - Ryan粤语车评
呢旧野其实系电池,一般车系装车头,而宝马就中意装系车尾,好多时候距果个50:50前后配重就系咁样移下移下D零件整出来嘅,身为后驱,1仔有好好嘅前后比重同反应,如果你系中意开快车嘅人,距会比到你一种几爽快嘅过弯感觉,而直路就会有D勒住勒住,马力扭力其实唔算大,又易上手。呢只118i要卖到成三十几万,对比翻同级别车型距算贵,不过后驱嘅就得距一部,或者你会因为宝马呢个牌子买距,其实又唔使咁挣扎嘅,1仔唔系一部舒服车,呢个系肯定嘅,其次就系以呢个价位都好难买到一部原装车有距咁嘅设计,外型就算喇,不过内涵都有嘅,如果你系一个想买部车纯粹代步,距唔岩你,不过如果你想买部车翻来,手痕嘅时候开出去轰下,或者距会岩你都唔定,我问过好多唔同年龄层嘅车主,有D系新牌仔,有D系超过20年驾龄嘅老司机,绝大部分人都觉得,无论内笼几多新鲜野电子野,你都终有一日会玩厌,相反,如果讲到部车本身嘅性格同驾驶乐趣,可能你就有讲唔完嘅心得,三十几万唔系一个小数目,但系如果想用呢旧钱买部真系好玩嘅欧洲车,其实选择都唔会好多。
 
  评论这张
 
阅读(2345)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017