注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

头脑风暴-------简单介绍几种常见改装电脑  

2012-09-16 10:38:54|  分类: 基本理论 |  标签: |举报 |字号 订阅

  下载LOFTER 我的照片书  |
头脑风暴-------简单介绍几种常见改装电脑 - Ryan  - Ryans粤语车评部落
 

自从欧洲车大热,国内越来越多人改欧洲车。改欧洲车你一样可以搞下包围、胎铃避震,不过你要将D零件尽可能互相配衬,改左好似无改,或者改左之后唔明显呢个就系至高境界,同日本车改装下下show零件同装备好唔同。其实除左外观睇得到嘅零件之外,仲有一个好神秘嘅零件你都可以改,就系行车电脑喇。行车电脑简单来讲就好似人嘅大脑,引擎就系心脏,悬挂就系手手脚脚,全部都靠晒大脑指挥,所以改装行车电脑可以改变好多野,比如油耗、马力扭力、甚至成部车嘅性格都会唔同晒。市面上嘅改装电脑花多眼乱,到底乜嘢牌子电脑岩咩车嘅?有无D系专车专用呢?有无D简单到即插即用呢?系调教方面要注意D乜呢?即刻带你走入行车电脑改装世界。

 

头脑风暴-------简单介绍几种常见改装电脑 - Ryan  - Ryans粤语车评部落

Cobb Tuning公司嘅最新产品AccessPORT内置左一系列基础程序,而且可以储存100Mapping。就算部车着故障灯,都可以用Error Code Fix功能去消故障码。玩家只要将AccessPORT同部车接驳,按install呢个制之后部车就会用你拣嘅mapping强化引擎,如果你啉住以后再加改件,可以根据呢D改件自己写过套程序来优化引擎。中意去Track Day玩嘅朋友仲可以用距记录行车数据同调教行车电脑,创造最岩你嘅驾驶模式。AccessPORT宜家岩用嘅车都几多,比如最近大热门嘅宝马涡轮引擎系列车型、扫把佬STI、三菱10EVO、日产GTR同埋马自达3,以后会有更加多程序来比其他车用,至于马力同扭力有几多提升,要视乎改装嘅系乜车,呢个AccessPORT主要系用法简单。

 

头脑风暴-------简单介绍几种常见改装电脑 - Ryan  - Ryans粤语车评部落


大众汽车宜家可以话周街都系,连奥迪、保时捷同斯柯达都成功开枝散叶,正所谓多人玩就多人改,GIAC系一个唔错嘅选择。GIAC系美国已经有超过15年洗車同改裝晶片嘅历史,系美国有好高人气!GIAC最出名系用翻自己设计嘅晶片同电脑程序,对住唔同嘅车用唔同调校方式,最坚系改左GIAC套件嘅车一样甘襟玩。GIAC主要改装嘅车系保时捷、奥迪、宾利 、大众、宝马、富豪同奔驰,如果遇到特别怪鸡嘅车就个别再调校。GIAC安装要辅助工具,比如软件读取器同手动调整器,用来控制晶片里面嘅储存设定,跟住会睇翻车主开车习惯或者要求再慢慢调校。改车其实系一个复杂嘅过程,GIAC研发小组就用专用软件、调整器同仿真器来应付。GIAC性价比其实几高,以高尔夫GTI为例,就算部车全原装斋改电脑都可以有大概50匹马力提升,而且油耗唔会超好多,平时上落班游车河或者有时想开快车都无问题,改装电脑来讲算系好稳定,而且GIAC嘅电脑安装又系好简单,装左晶片之后再用传输器刷入程序就得喇。

 
头脑风暴-------简单介绍几种常见改装电脑 - Ryan  - Ryans粤语车评部落

 

来自澳洲嘅Haltech电脑系全球第一个可程式电脑,无论调校设定同控制范围都好劲,无论拉线油门同电子油门都可以调校,而且汽油喷射方式又可以调,NA引擎同TURBO引擎都岩用,如果装埋距自己研发嘅车用传感器效果仲明显。Haltech可以调整供油曲线,仲识得区分喷油嘴开嘅时间长短,最细修正单位精确到十万分之一秒,一般供油电脑最多调到万分之一秒,所以Haltech电脑调整喷油更加细致。另外,无论你部车用旧式传统分火器、双缸同时直接点火定系单缸独立顺序点火,Haltech都识得分,而系输出额外讯号嘅时候,Haltech可以对应4组类比式讯号同2组数位讯号输出,所以无论系外接喷油嘴、可变气门电磁阀、追加电子扇呢D类比电压讯号定系电子油门嘅数位讯号,Haltech都可以控制。

 

头脑风暴-------简单介绍几种常见改装电脑 - Ryan  - Ryans粤语车评部落

 

如果你系玩日本车嘅,咁应该识得HKS挂?HKS出品一般都好靓,而且好实用。HKS最出名嘅改装电脑系F-CON V Pro,除左可以设定一般嘅操控模式,仲识得根据唔同车型选择加强马力定节能减排。F-CON V Pro可以对应往复式引擎同转子引擎,NA引擎同TURBO引擎,单喉同多喉喷嘴都可以用,功能好全面。原则上只要系电喷机头,无论系乜嘢年份嘅车都可以装。F-CON V Pro可以做第二部电脑,用来修正翻主电脑嘅输入输出讯号,点火时机都可以调得好准。另外,呢部电脑仲识得自己分析演算其他车上面传感器嘅讯号,所以无论你玩街道比赛、直线加速比赛、赛道计时比赛、拉力比赛甚至漂移比赛,F-CON V Pro都可以做到最好嘅设定。F-CON V Pro有空燃比回馈、双喷油嘴同点或者缩减功能,所以距都可以做一个电子调整器,根据唔同车辆规格,从细微调整到全面改装都可以对应,而最劲嘅就系只需要一个F-CON V Pro电脑,就可以完成晒所有修改。

 

头脑风暴-------简单介绍几种常见改装电脑 - Ryan  - Ryans粤语车评部落

 

MoTeC公司其实都有好多汽车用嘅电子产品,连赛车用嘅都有,不过最拿手嘅都系改装电脑,除左汽车,连水上摩托车、陆上摩托车、船、甚至美军军方某D运输工具都会用MoTeC嘅野。MoTeC有一款叫M400嘅电脑,点解特别稳距来讲呢?系因为距嘅设计比较岩D四缸引擎同双转子引擎,市面上嘅车都系用四缸引擎为主。因为M400运行嘅程序系由技師根据每台引擎嘅设定由零开始写出来,里面诸如点火时机、凸轮轴开启角度同时间、喷油量、偏时点火、Turbo增压值、甚至NOS喷射量同时机等等都可以完全发挥。你装左M400,其实原装电脑唔要都得,所以特別岩D激改嘅街车引擎或者原厂赛车引擎用。虽然M400小巧玲珑,理论上好易收埋唔比人见到,不过一般赛道用都会专登装系显眼位置,方便工程师随时接驳手提电脑调校。虽然有人大手笔买M400来改街车,不过呢副电脑始终偏向赛道,所以周边配置都会复杂过一般原装电脑,距有两个插头,一个34针,一个26针,而且用左防水镀金插头,镀金可以防止金属氧化导致接触不良,而防水设计就可以系唔同环境都保证工作准绳度同耐用度。M400仲可以接翻原厂嘅传感器,比如油温水温、引擎转速,仲可以用车上嘅无线电将数据发射到维修站,工程师就可以系电脑监控到所有数据,然之后再决定叫唔叫距入维修站,M400因为复杂所以好玩,功能已经去到职业赛事级数。

 

头脑风暴-------简单介绍几种常见改装电脑 - Ryan  - Ryans粤语车评部落

 

Swiss Chiptech Tuning Box来自瑞士,系广东呢边比较冷门D,介绍距系因为距小型,宜家查改装车查得严,多左嘅零件点样收收埋埋其实都好讲究架。呢个虽然细粒,但系功能一D都唔输蚀,距用一个微型处理器来改变涡轮引擎电子油门开度同埋增压值,就算部车行行下痴线,距都识得自己调整翻。其实Swiss Chiptech好早就已经提出电子动力优化概念,当时嘅出发点系节能减排而且加大D扭力,所以最初改装呢款电脑嘅出发点就系悭油。宜家Swiss Chiptech对应牌子超过45款,比如宝马、奥迪、大众、本田、日产,连法拉利都岩用,Swiss Chiptech行车电脑用左意法半导体STMicroelectronicsATMEL处理器,距通过行车电脑重新写点火时间、喷油量、空燃比,尽可能做到大力同悭油嘅一个平衡点。

 

头脑风暴-------简单介绍几种常见改装电脑 - Ryan  - Ryans粤语车评部落

 

如果你系玩扫把佬、三菱、马自达或者日产,咁就要睇下EcuTek嘅电脑喇。EcuTek主要系帮原厂电脑升级,唔使拆唔使加装,纯粹改写软件来提升动力。最得意嘅系EcuTek系用翻原厂嘅CPU,所以唔会有一般改装电脑嘅怠速不稳、着故障灯或者冷气唔得嘅问题。改呢种电脑有咩好呢?其实直接改写原厂电脑设定系最安全嘅,而且程序可以好个性化,至于你另外加装嘅零件,比如破转速同极速,都可以唔洗要,因为原厂电脑都可以控制,只不过系之前无解封姐。除左唔使周围买配件,EcuTek调教都好细微,可以调整增压、供油同点火,仲可以将断油转速推迟、比大油、修改空气流量计数据。如果系增压引擎,距可以根据节气门开度、转速、车速、入风量做3D MAP,而且可以做埋大气压力自动修正,其实单睇功能,已经超过市面上任何一只TURBO控制器。如果用距来控制供油,距就可以自己判断爆震跟住补油修正翻。写EcuTek嘅程序,例如点火同喷油,距可以处理到1518格,引擎转速就精确到每400转为一个单位,对应空燃比来控制喷油,而且仲可以睇住汽油品质来决定点火模式,而且一样识得自己修正,比如你平时用开97,去到山卡啦得93汽油,唔使怕,你照加,部车可以照用。

 

头脑风暴-------简单介绍几种常见改装电脑 - Ryan  - Ryans粤语车评部落

 

如果你玩紧本田车,甘就一定要识得Spoon。呢间公司出嘅零件都系经过精密计算,又实用有襟捱。而Spoon电脑有咩好呢?即插即用咯。依家有好多人稳思域同思铭来改到接近日版嘅FD2 TYPE-R,大部分换晒K20A或者其他底盘件之后,就会换下风箱排气,再丧D就会搞埋引擎活塞同凸轮轴,榨取K20A极限。不过因为原厂电脑外形同埋用左电子油门,以前用惯嘅种底板或者外挂电脑SET车都有唔少阻滞。Spoon电脑依家就有用喇,比如呢副FD2专用电脑,其实FD2本身已经好均衡,不过为左去到另外一个高层次,Spoon专门整左副电脑,重新写过晒程序之后,理论上K20A马力会多左15匹,5200转就开TEC,而且可以轰到8800转先断油,如果平时斯斯文文咁开,油耗同原先基本上差唔多。 

 

头脑风暴-------简单介绍几种常见改装电脑 - Ryan  - Ryans粤语车评部落
 

部车要开得快,自然要比多D油,就好似我地要有精神做野,就要食多D饭,而德国mcchip-dkr就偏要打破呢个定律!mcchip-dkr主要系原厂电脑插多块晶片,所以距连外壳都无嘅,不过就要焊接,手工要靓手势要好。安装好之后,师傅就会重新检查部车,如果无出故障码,就会抽走原厂电脑数据,发送到德国总部重新写。而呢D重新写嘅程序会经过审核,再用总部专用程序再写成一个新嘅程序,跟住先发翻本地。呢个新程序会重新写入原厂电脑,覆盖之后就大功告成。虽然原先嘅程序已经无晒,但系你都可以系抽原厂数据嘅时候做好备份,第时你想还原就可以用翻真正嘅原厂程序,甘样改主要系靠师傅嘅经验,调整低转速引擎扭力,令到部车高速巡航、起步或者超车都可以用更加低转速搞掂,油耗就系咁减少,依家高油价更加显得距好用。 

 

头脑风暴-------简单介绍几种常见改装电脑 - Ryan  - Ryans粤语车评部落

 

Speed Buster又系一件德国野,劲就劲在实力雄厚,事关距用到可以承受1060匹马力嘅MAHA 4 Wheel Dynometer马力机来做开发工具,连厂房都有,而生产线更加有专用机械来整复杂嘅电路产品,所以Speed Buster嘅零件会有德国最高嘅ISO9001 TUV认证。依家市面上嘅改装电脑主要系可编写程序同不可编写程序两种,而Speed Buster电脑系不可编写程序,岩一般街车用,价钱唔算好贵,呢个电脑主要系内置左10种程序,你想加马定悭油都可以系呢10种程序里面拣,而且距唔洗拆原装电脑,外壳有防水设计,所以原装车用Speed Buster电脑就最岩喇,因为够晒简单,唔使搞其他,就甘插电脑就会提升到动力。

 

头脑风暴-------简单介绍几种常见改装电脑 - Ryan  - Ryans粤语车评部落

 

英国人赛车劲,改装用品都唔差架。TMC系一个英国牌子,但系生产线就摆系德国,一样有德国ISO9001 TUV认证。TMC好执着开发电脑程序,无论调教乜嘢引擎距都好精,TMC改装电脑其实同一般嘅即插即用电脑差唔多,一样系内置10款程序等你平时开车自己拣,最得人中意就系全部TMC电脑都用原装插头,安装之后就会避开原厂电脑,而且一样够晒迷你。TMC电脑有一个Multi Channel技术,可以独立控制喷油同增压加速,额外增加嘅马力可以帮部车用更加低转速巡航,而超车嘅时候都唔使专登拉高转速换马力,而且程序系怠速系唔会介入,所以理论上悭到两成油。改装电脑依家越来越兴,不过因为实在太多选择,所以我就稳左几款来简单讲下,希望对你地改装电脑有帮助啦,因为改装电脑唔可以一口咬定距系流定坚,所以要睇翻你开咩车同埋想要乜嘢性格,甘先可以拣到一副岩你部车嘅改装电脑,改装从来都唔系买零件,而系拣零件用零件,如果发挥唔到改装零件嘅最大能力,就算比一蚊,我都觉得浪费。

 
 

  评论这张
 
阅读(1267)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017