注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

手感时代-----标致405 Mi16  

2012-08-30 13:30:53|  分类: 经典名车 |  标签: |举报 |字号 订阅

  下载LOFTER 我的照片书  |
手感时代-----标致405 Mi16 - Ryan  - Ryans粤语车评部落
食野讲求口感,飞车讲求手感,呢个道理大家都明,但系点样先为之好手感呢?有无D乜嘢标准呢?甘就真系见仁见智。不过欧洲车不嬲都系公认手感好嘅车款,尤其系早期嘅欧洲中型车,低辅助力嘅风油太同跳跳下嘅行车质感完全唔似一部舒服车,甚至要人去迁就部车,系呢个下下讲求人性化嘅年代好明显系博闹!不过人有时好衰,食惯好野叹惯靓野就会稳D危险野刺激下,其实未尝唔系一件好事。欧洲车比人印象其实唔一定系贵价,事关都会有欧洲嘅飞仔车,甚至飞佬车都有,比如今次介绍嘅呢部古董级街飞---标致405 Mi16.
手感时代-----标致405 Mi16 - Ryan  - Ryans粤语车评部落

 405系标致车厂系1987年出嘅款式,用来代替305,系当时嘅欧洲车阵营里面比较热门,因为外形前卫(80年代尾来讲),价钱公道(欧洲车来讲),而且有翻甘上下操控感(呢个系卖点),系1988年已经系欧洲风云车,呢个称号唔系D专收广告嘅杂志比距嘅,而系经过15个国家一共57个评审一齐投票,所以如果想收藏呢D经典车,历史意义都系一个好重要嘅参考。405嘅外形其实摆系今日,都唔会好差,宜家嘅新车外形都系差唔多,所以更加显得405比较原创,特别要讲讲嘅就系405嘅外形系由宾利法连拿工作室设计,所以会有小小意大利feel,事关就连当年嘅阿尔法罗密欧164同距都有几分似!因为设计超前,所以后来出嘅标致顶级房车605、入门车仔106同小型房车306都系抄翻呢个设计,系呢个角度来讲,标致都属于最早玩“家族面谱”嘅牌子之一。

手感时代-----标致405 Mi16 - Ryan  - Ryans粤语车评部落

如果话车头系欧洲车嘅味道,咁车尾就比较日式喇。405车尾好含蓄,不过呢部Mi16嘅特别版就有一条唔高唔矮嘅尾翼,15寸合金铃有小小当年扫把佬车铃嘅设计,而且你可以见到,呢部车无论头中尾车身包围都有小小扰流设计,而且车牌装系后泵把,呢个设计就更加日式,单出尾喉其实都好低调,宜家见到好多改装四出尾喉嘅车,我反而觉得距好捞。405除左系法国生产之外,系埃及、阿根廷、非洲甚至我地嘅宝岛台湾都有生产过,大部分地区系1997年已经停产呢只车,宜家就得翻伊朗仲出紧。

手感时代-----标致405 Mi16 - Ryan  - Ryans粤语车评部落
同好多同期嘅欧洲车一样,405内笼都唔会好讲求款式,都系实用为主,但系法国车的确前卫,中控台如果唔系有几条桃木真系唔觉得距过时,冷气出风口超巨型,作为一部快车,显示屏太多或者按键太多其实无乜好处,如果话方便乘客有野玩甘又唔同讲法,如果系自己开嘅车,简简单单仲好。405嘅太盘其实都属于三辐式,只不过造型唔系甘现代化,而且太环有D大,摸落应该都唔系真皮,而且好似无气囊!开住部咁嘅车行系宜家危机四伏嘅路面都米话唔刺激!
手感时代-----标致405 Mi16 - Ryan  - Ryans粤语车评部落
同一般405唔同嘅就系Mi16版有桶形嘅前排座椅,虽然唔系真皮,但系望落去就应该系为左激烈驾驶而设计,因为讲到防铣呢个方面,无非都系反皮同网格绒布好D,再加上椅背两边好似蝴蝶翼嘅设计,一睇就觉得系唔同D。
手感时代-----标致405 Mi16 - Ryan  - Ryans粤语车评部落
黑底白字仪表板有小小旧款本田车嘅味道,不过转速单位就系十位数乘以100,就唔系宜家嘅个位数乘以1000,除左水温表同汽油表之外,距仲有一个机油温度表,一般系D高性能车先会有,而240公里/小时嘅表底,又暗示左距好飞得。系度讲下405有D乜嘢规格,首先有个1.9化油器引擎嘅GTX版,马力大概110匹,跟住再有1.6化油器版,后尾系1993年改为电喷引擎,1994年放弃左1.9升引擎,改成2.0升8气门引擎,而今次介绍呢一部系1.9升引擎嘅特别版。
手感时代-----标致405 Mi16 - Ryan  - Ryans粤语车评部落
早期嘅欧洲车比如BENZ宝马都好中意将车门玻璃嘅升降控制放系波棍后面或者波棍隔离,而呢部仲夸,电动倒后镜都系系呢度控制,如果系第一次开车,真系比距考起!而今次呢部Mi16特别版同其他405唔同嘅除左呢D装备,就系多左大灯清洗功能,当时来讲好威嘅喇。呢个道理就好似宜家嘅新车车迷咁咯,点为之靓车?有大灯清洗嘅就系好野甘咯,睇来宜家D车迷对配置嘅中意程度,好可能真系会忽略部车嘅机械水准。
手感时代-----标致405 Mi16 - Ryan  - Ryans粤语车评部落
Mi16版嘅405后排座椅用左分离式头枕,整体感觉其实都系偏向日式,不过系度不妨留意下门板嘅设计,我觉得法国车系呢方面比德国车好D,因为无论车门拉手同上面果粒门的,都有设计过,一般我地见到嘅门的都系一条柱,而距呢个系一个好似挂钩甘嘅设计,用力都唔会压坏,而推上来都好方便,呢D细节真系好比心机,其实法国车嘅设计真系唔差,只不过系呢边D人唔中意姐。
手感时代-----标致405 Mi16 - Ryan  - Ryans粤语车评部落
印象中用1.9升引擎嘅车唔多,最多嘅应该系柴油版旧款捷达嘅1.9升引擎,今次呢部Mi16版嘅引擎容积系1905CC,压缩比系9.7:1,最大马力居然去到150匹,最大扭力17,3公斤米,唔好睇距甘大份,其实部车都系1吨1多D,前后都系碟刹已经够晒少见,不过悬挂都系前麦佛逊后半拖曳臂,再加埋5前速手波,系80年代尾真系无乜同价位车够距黎!呢只车我都系曾经坐过,因为当时未有车牌,唔可以冒险开车,当时坐呢只车对距都唔系好熟悉,不过记得排气声系几好听,其他印象就好模糊,总体来讲系一部几有跑车味嘅四门房车,空间唔算局促而且真系几快下,不过真系好难再稳得翻质素好嘅405二手车,如果有真系唔怕洗1万几千买来玩,因为就算系普通嘅405,都已经够晒好玩,更何况系呢部更加辣嘅Mi16呢。
 
 
 
 
 
  评论这张
 
阅读(1146)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017