注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 
 
 

游船河----------2001年款S320(W220)  

2012-08-11 08:11:30|  分类: 经典名车 |  标签: |举报 |字号 订阅

  下载LOFTER 我的照片书  |
游船河----------2001年款S320(W220) - Ryan  - Ryans粤语车评部落
每次见到BENZ嘅S级,都会啉起电影电视里面嘅镜头,呢D车一出街,个个都让住距,前面嘅司机好专心咁开车,而坐系后面嘅老细就一路倾电话一路手指指。正正系因为呢D桥段,好多人都觉得S级呢部车好严肃,连人带车都好有地位,甚至觉得坐呢D车一定要着件老西去衬翻距。尤其系90年代嘅W140系列,钢条外形加埋巨无霸身形绝对系一代经典,果仲坦克车甘嘅气势就算依家最新嘅W221都要买距怕!不过随住时代变迁,几硬朗嘅人都会变得圆滑世故,更何况系车呢?系W140之后,就有左W220。W220之所以掂,系因为够大胆,虽然款头转得犀利但系都可以一眼睇得出系一部BENZ,而且部车好岩自己用,唔一定下下稳司机先出到街。游船河----------2001年款S320(W220) - Ryan  - Ryans粤语车评部落
每次有新嘅S级出现,D人总系会“哇”一声,今次都唔例外,事关之前果代实在太猛料,但系今次BENZ厂就专登搞到部车圆碌碌,我第一次见到呢款车嘅时候直头觉得距似只船。可能D老细一时接受唔到,所以普遍都认为呢一代最无BENZ味,但系外形呢家野就好见仁见智嘅,我憎嘅野未必你唔中意,事关呢一代S级最后都卖左超过48万部,系豪华车里面算多噶喇。其实车身圆有两个好处,一个系睇落无甘老土,流线型车身睇落平易近人D,另外一个系减低风阻,其实新时代房车应该有嘅元素距都有,只不过包装到好斯文,同依家一街都系嘅所谓“运动型”好唔同。
游船河----------2001年款S320(W220) - Ryan  - Ryans粤语车评部落
BENZ厂要洗脑嘅仲有“坐BENZ开宝马”嘅旧思想,所以推出W220嘅时候有两个版本,一个系短阵版,轴距系2965毫米,一个系长阵版,轴距系3085毫米,差别其实唔算好大。长阵版你地见得多喇,平时我地系街见到嘅基本都系长阵版,短阵版有D咩唔同呢?前门SIZE基本系一样嘅,分别在于后门,你睇上面呢张相,留意下前门窗同后门窗嘅比例,白色嘅短阵版后门窗系细D嘅。一般来讲,如果买W220来接送呢,长阵版系会舒服D,但系如果买来啉住上落班,短阵版会方便D,起码掉头倒车或者超车变线都无甘论尽。
游船河----------2001年款S320(W220) - Ryan  - Ryans粤语车评部落
顶级BENZ房车有嘅野,W220都有,包括果阵真皮味,坐落去我觉得视线都系偏向下,张凳睇个造型已经知道会好包身,两边腰靠位置都好合理,因为好多老细都好肥,距如果整得太窄,坐落就会比距夹住,不过呢部车就无呢个问题。呢部车系一只入门版,全黑真皮系订车果阵应该系要加钱嘅,不过周围都有D木件做装饰,始终都系想sell豪华。睇真D原来呢部车有三段调教嘅记忆座椅,副驾驶果边都有嘅,望落去太盘就真系有D幼,不过好多人买左S级都有专职司机,可能戴手套开车会岩岩好都唔定。
游船河----------2001年款S320(W220) - Ryan  - Ryans粤语车评部落
唔使觉得奇怪喔,过百万嘅车居然连个显示屏都无,因为帮衬BENZ买车,其实好多野都系要自己加钱装嘅,不过斋车唔一定差,电子装备比唔到你嘅野,距系装工度比翻你。你摸落就会觉得D皮同D木件都系好舒服,我又不妨系度提下呢部车有D乜嘢装备。呢部车有投射式仪表板,时速表中间会有行车电脑显示嘅,有多功能太盘,独立冷气,安全带自动收紧,两级引爆嘅前气囊,从A柱到C柱嘅全覆盖安全气帘,仲有头先系外面睇到嘅前后倒车雷达,不过就无免匙着车功能,因为呢个都系要加钱先有嘅。
游船河----------2001年款S320(W220) - Ryan  - Ryans粤语车评部落
好多国产车都中意加长,比如A6L,宝马5系LI之类,我个人觉得就算距地唔加长,后排其实都够嘅,问题系你想要够用定系浪费甘解姐,有D人话距要翘起只脚,如果你试过,就知道其实系后面翘起只脚坐完成程车系好攰嘅,你要扮老细翘脚就唔该你翻翻办公室。呢只短阵版嘅S320其实一D都唔短,因为无论几短距都会长过E仔,后排空间我觉得可以满足大部分人,后面三个头枕可以电动放低,唔会阻住你倒车睇位。
游船河----------2001年款S320(W220) - Ryan  - Ryans粤语车评部落
进口来中国嘅美版S320系一部后驱车,用左一副V6自然吸气引擎,每缸3气门设计,最大马力224匹,波箱就用五前速自动波。虽然部车好重,但系起步唔会太辛苦,起码无勒住勒住嘅感觉,行顺左之后其实发觉呢部车真系几好睇位,大车来讲算易上手,不过呢部车系行空气避震,起油嘅时候会头鄂鄂,刹车果阵车头又坠到好低,行烂路嘅时候真系一流,成个车身都好似比野托住咁,我之所以话距似船,除左外型之外就系讲紧距开起身嘅感觉,越开越觉得自己系度坐船。S320嘅空气避震仲可以升高同降低车身,幅度都几大,唔怪之得依家D豪华车都中意用空气避震,如果唔介意维修费贵,空气避震的确好岩游车河。
游船河----------2001年款S320(W220) - Ryan  - Ryans粤语车评部落
W220系1998年出现嘅,2002年嘅时候中期改款,但系车型嘅转变就有D搞作,比如出左部用3.7升V6引擎嘅S350代替左S320。外形方面主要系头尾灯唔同左,头灯加入左聚焦镜,尾灯改用四划白色,之前系两划。新设计嘅头尾泵把,虽然好多二手嘅S320都中意改呢D来得到一个睇起身新D嘅外形,但系内里有好多野都系无得抄嘅。
游船河----------2001年款S320(W220) - Ryan  - Ryans粤语车评部落
S级不嬲都好受二手车行欢迎,依家市面上嘅二手S320一般集中系2000年到2002年款式,属于改款之前嘅型号,入场费18万左右。买呢一代S级要特别留意几样野,一个系来历,因为今代S级好多,行货水货都有,如果想查下有无4S嘅保养记录可以直接打电话去查。另外一个就系机件,呢一代S级嘅空气避震一般玩到10万公里就会漏气,换两支大概要两万几蚊,仲有就系冷气,距个冷气结构其实唔复杂,不过会时冻时唔冻。如果可以试车,就留意下部车嘅四轮定位有无做好,因为好多S级都会穿州过省车住老细周围倾生意,底盘件损耗会多D,另外留意下玻璃有无花,如果有伤痕,都可以估计到部车应该成日行高速,比D沙沙石石弹花左。虽然距离依家超过10年车龄,但系品质方面依然好可靠,另外提一提距嘅油耗,今日97号汽油油价系8蚊1,行高速距系可以做到9毫子一公里嘅,问你服未?
游船河----------2001年款S320(W220) - Ryan  - Ryans粤语车评部落
头先讲嘅系系二手车市场嘅放盘,最后讲讲私人出让。一手车买得S级,身家唔会少得去边,但系都唔可以证明距会好锡车,无论乜嘢车都好,保养始终都系第一位。好多有钱佬都陆陆续续换新款S级,所以会卖左旧果部,中意呢一代S级嘅朋友可以试下上网稳。习惯高消费嘅玩家都好中意S级,贪距系名牌够气势又舒服,所以好多租车公司都会有几部撑场,除左租车公司,有D酒店接送车队都会用S级,所以要留意下呢D酒店或者租车公司睇下距地几时换车,距地换通常都会成批换,话唔定会有笋野。
 
 
  评论这张
 
阅读(706)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017