注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

天使与魔鬼-------几种常见汽车电子辅助系统  

2012-07-05 21:28:25|  分类: 基本理论 |  标签: |举报 |字号 订阅

  下载LOFTER 我的照片书  |
天使与魔鬼-------几种常见汽车电子辅助系统 - Ryan  - Ryans粤语车评部落
依家行入一间4S店,除左见到热情到爆嘅Sales  Assistant之外,最显眼嘅就系一部部身光颈靓嘅展示车。而展示车隔离一般都栋住一块牌,上面密密麻麻写住呢部车嘅配置。从上到下一般系长短阔窄、引擎技术、空间装备、安全性能,然之后隔离有个大大嘅数字标明油耗,而且仲精确到小数位添。先唔讲距油耗坚唔坚、空间大唔大,引擎劲唔劲,一部车最重要嘅地方就系安全。《车手》都话啦,“车冧左可以整,人冧左就整唔翻喇”。绝大部分用家买车都系代步为主,所以我觉得,安全性能应该摆系配置单嘅前面,呢个系对汽车安全本质嘅尊重,都系对生命嘅尊重。科技发展到今时今日,汽车嘅安全装备多左好多,但系由于成本同定位嘅原因,最见得多嘅都系果几个,今次就同大家简单研究下,最常见嘅汽车电子辅助系统。
天使与魔鬼-------几种常见汽车电子辅助系统 - Ryan  - Ryans粤语车评部落
首先梗系最普及嘅ABS啦,如果部车连ABS都无,甘跟住介绍果D都唔慌会有。ABS全称系Anti-lock Braking System,直译就系“防锁死刹车系统”,不过你知道我地受嘅英文教育系几甘本土化嘅啦,所以一般都叫距做“防抱死刹车系统”。ABS系所有主动安全装备嘅灵魂,一阵跟住讲嘅所有系统到最后都系靠ABS先可以用。如果无ABS,刹车力度太劲就会锁死车辘,跟住无晒抓地力,想控制方向就更加唔使啉了。所以ABS可以监控车辘,感应到距就来锁死,距就会自己调节刹车力度,而且会用“点杀”保持翻车胎抓地力。 ABS发明之前,如果司机尽全力刹车,车辘就会锁死,跟住部车就失控。依家绝大多数车都有ABS,任你点踩都唔会锁死车辘,反应快嘅司机仲可以用太盘控制部车避开障碍物添。
天使与魔鬼-------几种常见汽车电子辅助系统 - Ryan  - Ryans粤语车评部落
跟住讲下EBD,EBD全称系Electronic Brake-Force Distribution,直译就系“电子刹车力度分配”。点解会有个甘嘅野出现呢?因为传统刹车系统会将刹车力度按比例平均分比四个车辘,部车行紧直线就梗系无问题啦,但系如果过弯嘅时候刹车,部车嘅重心转移左,平均分嘅刹车力度就会破坏左车辘嘅循迹性,发挥唔到最好嘅刹车效果。而EBD可以监察车辘转速同抓地力,根据路面唔同自己可以分配前后刹车力道,好处系唔会破坏车辘循迹性,而且仲可以缩短刹车距离。
天使与魔鬼-------几种常见汽车电子辅助系统 - Ryan  - Ryans粤语车评部落
刹车系统除左ABS同EBD之外,仲有一个都好猛料架,就系BAS喇,好多车款嘅配置单上面基本都会有齐ABS+EBD+BAS三合一刹车。BAS全称系Brake Assist System,直译就系“刹车辅助系统”,距嘅原理就系监察司机踩刹车嘅力度同速度,估计司机系米想急刹,如果系,BAS就会加大刹车力道,缩短刹车距离。BAS发明系因为一份研究报告,呢份报告话大约一般人系遇到突发情况果阵,会因为紧张同埋手脚唔协调,无办法全力踩刹车,跟住就出事。BAS就系为左消除呢种失误,不过有样野要注意,就系BAS系靠监察司机踩刹车嘅力道同速度来估计使唔使加大刹车力道,所以如果司机油门当刹车,呢个系统系唔识得帮距急刹嘅,所以话,无论部车有几多几新奇刺激嘅辅助系统,都要有基本嘅开车常识先得。
天使与魔鬼-------几种常见汽车电子辅助系统 - Ryan  - Ryans粤语车评部落
讲完三合一刹车,又讲下TCS。TCS全称Traction Control System,直译就系“牵引力控制系統”,主要系用来防止部车系加速嘅时候扭力输出太大而跣胎。无论系急油起步,定系部车行紧雪地沙地,都有可能起步打滑或者车身摇来摇去,过弯嘅时候仲可能会甩头甩尾,引擎输出大过车胎抓地力就会甘,TCS系呢个情形就有用喇。呢个TCS其实系部车一起步嘅时候就已经监察紧负责出力嘅车辘,一发现距打滑,就会用ABS来整慢距,如果劲跣胎,TCS仲可以令副引擎减低输出。虽然作用一样,但系唔同车厂就有唔同叫法,比如大众叫距做ASR,ASR全称Anti Slip Regulation,直译就系“防滑监管”。而丰田佬就叫距做TRC,TRC即系Traction Control,直译就系“牵引力控制”。最浮夸就系宝马嘅讲法,叫距做DTC,DTC即系Dynamic Traction Control,直译就系“动态牵引力控制”,大家买车嘅时候就要睇清楚喇,唔系所有牛奶都叫特仑苏,唔系所有牵引力控制系统都叫TCS。
天使与魔鬼-------几种常见汽车电子辅助系统 - Ryan  - Ryans粤语车评部落
讲完TCS,就轮到讲下ESP。ESP全称Electronic Stability Program,直译就系“电子稳定程序”,呢个系统严格来讲唔系独立嘅,因为要同ABS、EBD、TCS一齐先可以用,主要系系部车就来出现甩头甩尾或者失控果阵介入。ESP讲求安全,通常好早就介入刹车同控制引擎输出,系公认嘅驾驶乐趣杀手。不过由于电子科技越来越劲,依家可以用按键减低ESP敏感度,甚至有D车可以完全关晒ESP,尽量系唔影响司机享受驾驶乐趣嘅前提底下保证部车受控制。宝马叫呢个系统做DSC,DSC全称Dynamic Stability Control,直译就系“动态稳定控制”。丰田佬就叫距做VSC,VSC全称Vehicle Stability Control,直译就系“车身稳定控制”,唔同车厂车型嘅ESP装置调教都唔同,不过原理都系一样嘅。
天使与魔鬼-------几种常见汽车电子辅助系统 - Ryan  - Ryans粤语车评部落
讲到动感开车风格,就唔可以唔讲掟弯。而当部车要系掟弯嘅时候刹车,CBC就有用喇。CBC全称系Cornering Brake Control,直译就系“弯道刹车控制”。距其实就系EBD嘅升级版,当部车系弯道里面刹车,CBC就会叫ABS系四个车辘用唔同力道刹车,将个ABS用到尽。不过CBC同EBD都有分别架,EBD系根据重心移动来分配刹车力道,而CBC就系收集车速、打太盘嘅幅度、刹车踏板深度来计算最理想嘅四轮刹车力道比例,甚至可以系车辘打滑之前就已经介入,令到部车过弯更加稳定。不过好多先进嘅ABS同ESP都集成左CBC嘅功能,所以单独将CBC作为一个装置嘅车唔多,除左发明距嘅宝马车厂之外,依家就得翻韩国现代车厂、德国欧宝车厂同法国标致车厂会将距单独罗出来用。
天使与魔鬼-------几种常见汽车电子辅助系统 - Ryan  - Ryans粤语车评部落
讲左几个行平路嘅电子辅助系统,最后讲下上斜坡嘅辅助系统。好多新牌仔,尤其系开紧手波车果班学神,最惊就系半坡起步,一个溜后或者一个死火都会即时令到你自信心无晒!依家唔使怕,因为有一个叫做斜坡起步辅助系统HSA。HSA全称系“Hill Start Assist”,一部车停系斜坡,准备起步,系统就会系司机松开刹车之后自动保持刹车几秒钟,等距够时间踩油起步,而且可以防止部车溜后。自动波嘅车入档之后,扭力转换器够晒力推部车向前行,除非部车排量太细唔够力,如果唔系都可以顺利起步。所以HSA系统一般会手波车用得多,或者用自动离合器嘅半自动波箱车型比较多,令到斜坡起步无甘难。HSA系统都有几个名架,比如丰田车厂叫距做HAC,HAC全称“Hill-start Assist Control”,直译就系“斜坡起步辅助控制”。大众就叫距做“Hill Hold”,直译大概就系斜坡停留嘅意思。最劲就系奔驰车厂,将呢个功能集成到自己专有嘅Adaptive Brake智能刹车系统里面,令到部车更加易用。
天使与魔鬼-------几种常见汽车电子辅助系统 - Ryan  - Ryans粤语车评部落
又到左讨论高科技汽车好定唔好嘅时候喇,一般高科技设备都系出现系内笼里面,上面果个系莲花艾莉丝嘅内笼,下面系奥迪A8嘅,你中意边个多D呢?坦白讲,如果日日开车,个内笼舒舒服服又豪华,唔止自己开心,而且可以照顾到乘客,但系正正因为日日开,好闷噶嘛,部车甘舒服,我连半坡起步都唔记得左点做lu。。。。。开车要讲态度咯,我好提倡呢样野。无错,高科技可以有好高嘅享受,听讲迟D人都唔使渣太盘唔使踩油部车就识得自己行,刹车都好似唔使踩,你就坐系度饮茶食零食睇片打机或者同隔离条友吹水吹到目的地都得!但系如果部车发瘟呢?甘条命仔咪冻过水?不过有D西片粉丝就出来讲喇,唔怕,你无睇过i ROBOT咩?里面部奥迪RSQ识得弹翻个太盘出来比你自己开翻噶嘛,无事嘅。如果唔识弹呢?甘米只能够大声叫救命?算吧啦,做人做到甘懒,不如唔好开车。车始终系机器,好话唔好听越原始越机械嘅车就越少野坏,比到你嘅驾驶感觉就越强,开车好多时都系讲紧一种征服嘅感觉,睇下你点样施展浑身解数去驯服你部车,人车合一唔系靠电脑嘅。

 

  评论这张
 
阅读(687)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017