注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

点样试一部自动波四门房车?  

2012-07-30 13:07:50|  分类: 驾驶技术研究 |  标签: |举报 |字号 订阅

  下载LOFTER 我的照片书  |
点样试一部自动波四门房车? - Ryan  - Ryans粤语车评部落
试车系好开心嘅,部车你唔岩key你就唔会去试。试车同睇车好唔同,睇车斋睇,试车包埋睇,部车岩唔岩自己,岩唔岩屋企人都系要试过先知。依家互联网发达,个个买车之前都中意问下亲戚朋友、买D车书睇下、上网睇下测评视频或者刨下论坛,但系我可以话你知,人嘅感觉系好主观嘅,每个人对车嘅睇法可能都唔同。正所谓闻名不如见面,既然得闲又有心情,点解唔直接去车行睇下呢?我知道好多朋友买车都会带好多人去,有维修师傅啦,有亲戚朋友啦,有同事同学啦,气势就够晒喇,但系你又知唔知道试车嘅步骤系点呢?对著一部自己中意嘅车,对著热情到爆嘅sales姐姐,会唔会因为情意结,明明部车唔岩自己都走去look卡呢?带著呢个疑问,我地一齐研究下,到底一部最大路最多人拣嘅自动波四门房车应该点样试。
点样试一部自动波四门房车? - Ryan  - Ryans粤语车评部落
上车之前,循例都望一望部车先。牌子型号你自己知啦,所以试车首先要当距系你自己部车甘,行一圈睇下部车嘅外形同比例,同你嘅预期系米差唔多,因为呢D自动波四门房车基本上都系工业化大生产,部部睇落差唔多,所以要认真望清楚,费事买左翻去先话周身唔中意。跟住就睇下部车有无俾人刮花,车胎够唔够气,地下有无水渍或者油渍,最紧要睇下部车周围有无钉,呢D都系最基本嘅检查,千期唔好觉得麻烦或者无必要,因为甘系对部车嘅尊重,更加系对你条命嘅尊重。
点样试一部自动波四门房车? - Ryan  - Ryans粤语车评部落
睇完部车外面,就可以打开个头冚,望下副引擎有无渗油,睇下机油够唔够,波箱油够唔够,方向机油够唔够,雨刮水够唔够,冷却液够唔够,呢个时候可以着车,但系唔使关个头冚住,听下引擎声纯唔纯,怠速定唔定,顺便当热埋车。感觉部车引擎无乜问题,就可以关翻个头冚,关头冚要留意一样野,有D朋友中意放落来跟住用手按,如果系全钢材嘅头冚就无乜所谓,但系依家好多车尤其系D靓小小嘅车都中意用铝合金来整头冚,所以甘做可能会令到个头冚变形。应该将个头冚慢慢放落来,就快到龙门架嘅时候,你放手,等重力令到个头冚自己吸实。
点样试一部自动波四门房车? - Ryan  - Ryans粤语车评部落
打开只车门但系唔使心急上车,开门声一般都可以知道部车钢水用得多唔多,够唔够称,如果系欧洲车,尤其德国野,开门声会比较实,车门都会比较重,不过呢D都同密封有关,呢个时候可以试下关门,关门果下把声仲实过之前,好多人都好迷恋呢D甘嘅关门声同开门声,想feel果种安全感,但系部车侧面撞击嘅安全程度其实系在于距个设计,用料固然重要,但系设计更加重要,所以呢D开门声关门声只能够系参考下,唔好太过沉迷。跟住你可以打翻开只车门,坐落第一件事唔好搞其他野先,先调好太盘、座椅同埋所有倒后镜,呢D讲起身好似好啰嗦,但系好多人都无呢个习惯。
点样试一部自动波四门房车? - Ryan  - Ryans粤语车评部落
入到车里面,坐定定之后关晒四只车门,关晒四只窗,试下D隔音得唔得,最紧要系感觉下部车震唔震,如果呢个时候都震,即系话引擎震,或者组装唔够细致,呢个时候要你郁手喇,就系同D朋友一齐用力按下D玻璃,事关依家嘅车,好多都有车门玻璃松嘅问题,初初可能无乜感觉,日子耐左我包你听住个D杂音真系人都癫。然之后你可以玩下车里面有D乜嘢装备喇,最常用嘅功能其实无非都系几个姐,灯光冷气音响导航,至于储物空间呢,我个人就唔中意放野系车里面嘅,唔知你地点喇。点样试一部自动波四门房车? - Ryan  - Ryans粤语车评部落
 呢个时候部车已经着左一段时间,你睇下仪表板,有无故障灯,一般来讲岩岩着车都会有灯着,自检完之后就会熄。部车如果有行车电脑功能,甘就逐样试下,唔识就问下你隔离个sales,呢D野千期唔好扮晒蟹,因为凡系呢D车,如果着故障灯都系要翻原厂用电脑消故障码嘅,但系大部分嘅原因都系个车主唔识得设置摆乌龙。仪表板留意下部车水温高唔高咯,着左甘耐车,着埋空调,八九十度好正常,至于个导航,你可以试用下设置地名搜索下咯,不过要留意一样野就系距个屏幕睇下有无闪闪下,呢个时候如果闪,一系接触唔好,一系部车电压唔稳定,呢两样野都会令到个导航提早收皮。至于音响,我唔系专家,所以套音响只要D声唔拆,我就收货架喇,中意听歌嘅朋友可以自己带埋你只私人珍藏去咯,或者如果部车有AUX接口,又可以用手机试下,睇下识唔识别到,音响最怕就系有D电流声,呢D都系要留意嘅。跟住就到个波箱,因为系自动波,你依家可以踩实个刹车,先将个波棍拍落D档,睇下会唔会CHOK,如果无问题就推上去R档,睇下CHOK唔CHOK,如果都唔问题,就拍翻落去N档,睇下转速会唔会升到好高,如果都无问题,就推翻上去P档。点样试一部自动波四门房车? - Ryan  - Ryans粤语车评部落
既然系四门房车,后排都要试,坐落去之后同之前一样,关晒四只门四只窗,睇下左右前后空间得唔得,呢度要留意一样野,后排前后空间其实系由前排果张凳个位置决定,一般我都系将前排调到岩我开车,跟住我就走去后排睇下够唔够位,人有好多种嘅,高矮肥瘦,我只能够用自己做标准咯,个个都话要最标准,边就得甘多。如果后排有冷气出风口,就睇下够唔够冻,出风口嘅角度好唔好,因为冷气如果直吹个人就会易感冒。后排座椅靠背嘅角度如果无得调,就要睇下会唔会太企,因为太企嘅椅背会令到坐长途车之后好攰。后排如果有头枕呢,就睇下个头枕会唔会遮住倒车嘅视线,我就唔中意倒车雷达嘅,开几个窿装落尾泵把又肉酸,而且又未必准,倒车视像我都唔系好中意,距D角度硬系好似扭曲左甘,倒车都系靠自己啦。
点样试一部自动波四门房车? - Ryan  - Ryans粤语车评部落 
坐左甘耐,你依家可以揽安全带喇,但系要提醒全车人都要揽安全带喔,话晒生命无  take 2 噶嘛。踩住刹车,跟住入D档,松开刹车部车就会行,呢个时候你唔好踩油,睇下单凭引擎扭力睇下部车可以唔可以顺畅起步,听下周围有无杂音。如果试车果条路多人又多车,甘你就唔好挂住踩油喇,主动让下其他人,因为呢D路摆明唔比你飞车或者做D危险动作,勉强无幸福,所以都系乖乖地游下车河咯。但系游车河唔代表你得闲架,你要留意下副引擎顺唔顺,加速减速会唔会好突然,波箱换挡快唔快,部车隔音得唔得,扭太嘅时候个太盘有无虚位,部车有无跑偏嘅问题,仲有就系底盘同避震有无怪声,最紧要就系个刹车够唔够应,呢D你全部都要心中有数架。开完一轮,你就可以做翻乘客坐系副驾驶位或者后排睇下舒唔舒服,尽量同D朋友交换下意见,因为部车你已经好中意,有时潜意识静系睇到优点,但系你D朋友就可能睇得出部车嘅缺点,你地嘅意见撞埋一齐先至系最客观嘅感受。点样试一部自动波四门房车? - Ryan  - Ryans粤语车评部落
头先讲过试车一般都系慢慢试,但系如果你去左参加一D比较大型嘅试乘试驾活动,比部车你甩都唔出奇,呢个时候你亦都唔使同距客气,只要跟足指示,你点玩都唔怕。好喇,到试完车喇,呢个时候你将部车停翻去安全嘅地方,但系唔洗即刻熄车住,因为仲有野要做。首先睇下仪表板有无故障灯啦,跟住再搞多次个行车电脑睇下有无咩指示,然之后又睇下灯光冷气导航音响有无问题,无问题就熄车跟住落车。落车之后又要睇翻四条胎,睇下D胎纹有无特别怪嘅磨损,睇下有无比野吉到。睇完车胎你就踎低睇下车底,睇下有无漏油漏水滴落地下,睇下有无边D机件松左,如果无乜野,就可以下一步。
点样试一部自动波四门房车? - Ryan  - Ryans粤语车评部落
其实去到呢一步,试车已经七七八八。最后就系睇下你手上果条车匙,依家绝大部分车匙都有几个按钮,要来控制门锁、尾箱开关或者其他功能,依家你要做嘅就系用距锁门同开门,睇下够唔够灵敏,因为好多时我去试车都有呢个情况,一系锁唔到门,一系锁完之后我行开一阵距居然自己开翻锁,呢个要特别注意。试车其实都系讲经验,试得多你自然就有感觉,亦都唔使理网上面果D懒有文采嘅报道,因为一部车系你心目中,只有岩定唔岩。
  评论这张
 
阅读(768)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017