注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

白老鼠-----第一代ML车系(W163)  

2012-07-29 15:26:29|  分类: 经典名车 |  标签: |举报 |字号 订阅

  下载LOFTER 我的照片书  |
白老鼠-----第一代ML车系(W163) - Ryan  - Ryans粤语车评部落
虽然个个开口埋口都话油费贵,但系都好似阻止唔到SUV越来越多,好多人换车都会拣SUV,甚至有人一买就买SUV,唔通距地唔记得左依家系高油价时代?无理由。所以买得呢D车,肯定系贪距多功能,啉住买一部顶几部。之前我都讲过,绝大部分SUV都系用同厂嘅房车底盘,升高之后再笠一个高楼底嘅车壳搞掂算数,最多比埋四驱比你。不过都有D例外,比如一D试验性嘅车型,距无历史,无口碑,唔可以用一般标准同规则去界定,但系距又量产,而且仲有人买添,感觉就好似齐齐比钱做实验咁。讲到车厂,BENZ厂今时今日应该无人唔识挂?距都有SUV,而且品种好多,但系讲到最贴近依家用车习惯嘅,ML系列就一个代表作。ML车系最初系1997出现,成个车系距离依家唔超过15年,但系就系呢15年里面,ML帮BENZ厂赚到盘满钵满,而最紧要嘅系令到BENZ厂知道一部SUV应该点样整。今次同大家一齐研究嘅就系第一代BENZ ML,代号W163。
白老鼠-----第一代ML车系(W163) - Ryan  - Ryans粤语车评部落
1997年有一出冒险电影叫做《失落世界:侏罗纪公园》,呢个时候ML仲未有得卖,但系BENZ厂就比左两部准备上市嘅ML 320做电影主角嘅探险车,甘当然啦,原装嘅ML唔够原始,所以经过美国一间改装公司做左好多越野方面嘅改装之后,我地系电影里面第一次见到呢部车。全车连胎铃都用迷彩色、车顶探照灯、前后左右都有防撞栏,部车一冲出来果下其实已经注定会大卖。第一代ML事实靓仔,加上从来都无一部欧洲名厂SUV甘样玩法,冲泥氹、撞树、避恐龙、救人,呢D剧情捞埋一齐简直就系帮ML谷人气。虽然好多影评都话呢个BENZ广告太显眼喇,抢晒恐龙D戏,但系呢出戏最后都罗左第70届奥斯卡金像奖,最紧要睇完出戏个个都认得ML呢款车。白老鼠-----第一代ML车系(W163) - Ryan  - Ryans粤语车评部落
第一代ML之所以可以系树林同烂地里面走来走去,除左有全时四驱之外,最大嘅功劳一定系距果个非承载式车身。呢种车身有一个底盘大梁架,引擎波箱装系大梁架上面,而车壳系后期装上去嘅。言下之意就系呢仲车就算无车壳都可以开。呢种设计其实系货车、客车或者一D专业越野车可以见到,行烂路嘅时候可以保护好车壳,就算去爬山,车厢嘅变形好少,感觉会好稳阵同安全,而且无乜杂音。万一遇到碰撞,车架都可以承受大部分撞击力,,但系呢种非承载式车身设计好重,而且会拉高左成部车嘅重心,所以高速唔够稳定。有左呢个车身,第一代嘅ML就可以有接近专业越野车嘅水准,而系广州佛山,据我所知都会有人开住部第一代ML去西藏,呢一点唔系部部车都做得到。
白老鼠-----第一代ML车系(W163) - Ryan  - Ryans粤语车评部落
电影主角车嘅量产版本ML320最初系1998年2月份推出,呢款车虽然系新设计,但系引擎就用翻房车引擎,3.2升V6自然吸气,最大马力218匹,最特别系每个汽缸得3个气门,二进一排设计,摆明着重低转速扭力表现。事关ML重过一般车好多,要一副大排量大扭力引擎先推得到,甘嘅设计虽然唔系最先进,但系就最岩当时嘅ML系发挥。当年进口入来嘅ML320好多,不过窒油问题都好普遍,呢个同汽油质素有关都同保养有关。呢款车起步唔快,太感比较重而且转弯唔够灵活,但系胜在够稳定,内笼空间足够,而且有罕见嘅第三排座椅,岩晒追求一车多用嘅人,但系我感觉呢款车都系偶像派多D。外形来讲呢一代ML绝对系无得弹,两划横条中网加个巨型BENZ章,超级可爱嘅水滴型大灯连子弹镜,再加埋一个点睛之作嘅备胎架,如果无左呢个车胎架,甘ML就同一般SUV无分别,但系一装左呢个架,静系气势已经系两回事。系安全配置方面,ML系世界上第一部有ESP电子稳定系统嘅SUV,兼且部车有前面同侧面气囊,可以敢讲,距系当时最安全嘅SUV。
白老鼠-----第一代ML车系(W163) - Ryan  - Ryans粤语车评部落
虽然BENZ厂出部ML系为左开发豪华SUV市场,但系BENZ车系出左名多花款,就算同一个外形,配置唔同都可以分裂成几种性格。当时同ML320一齐上市嘅,仲有呢款地狱脚车王ML230,甘大部车居然用一副2.3升直列四缸自然吸气引擎,每缸四气门设计,最大马力150匹,再加上5前速手波,部车即刻平民化。不过呢款车静系欧洲先有得卖,原来好多欧洲人中意买距来上落班,贪距够平又够安全。虽然系最斋嘅ML,但系安全性同ML320区别唔会好大,但系内笼明显cheap得多。系欧洲开手波BENZ嘅人唔少,但系开手波ML就真系少有。
白老鼠-----第一代ML车系(W163) - Ryan  - Ryans粤语车评部落
当年ML出嘅时候,系同级已经无对手,不过得ML320系唔可以独霸成个豪华SUV市场嘅,所以初期嘅ML仲有一款顶级版,就系ML430。呢副4.3升V8自然吸气引擎其实来自S级,每缸三气门设计,最大马力272匹,波箱系5前速自动波。呢款车嘅能见度系外国反而系最高嘅,事关无论美版定中东版,ML430都系大热门。最重要系呢一款ML最稳阵,因为呢副V8引擎同波箱已经成熟到不得了,以往嘅欧洲V8引擎其实口碑都唔系好好,但系呢副引擎真系够晒劲,而且4.3引擎同ML底盘系绝配,又沉实又好力,大车配大引擎绝对系岩嘅。
白老鼠-----第一代ML车系(W163) - Ryan  - Ryans粤语车评部落
千禧年令到好多人疯狂,但系冷静嘅BENZ厂就用一部车来迎接呢个新年。1999年12月份,ML系列多左一款ML270 CDI,呢部车最特别系用左一副直列5汽缸嘅柴油引擎,一路以为得大众同富豪中意玩5汽缸引擎嘅朋友要注意喇,其实BENZ都有,只不过用系柴油引擎。呢副引擎每缸四气门设计,最大马力163匹,引擎有直喷系统,而且柴油引擎扭力大,行起身居然好过ML320,而且油耗同废气都减低。ML270 CDI影响左欧洲豪华柴油SUV,事关呢个时候ML嘅对手陆陆续续出现,尤其系主打运动牌嘅宝马X5。
白老鼠-----第一代ML车系(W163) - Ryan  - Ryans粤语车评部落
岩岩过完千禧年,但系BENZ厂决定出多一款ML贺一贺距,今次BENZ稳AMG帮手,推出最劲嘅ML 55 AMG。呢副5.5升V8自然吸气引擎,继续用翻3气门设计,最大马力347匹,依然系5前速自动波。摆得落呢副AMG偈,绝对系想升级ML嘅公路性能,头先都讲过,呢D非承载式车身设计,高速唔够承载式甘好,但系经过AMG调教之后,再加埋ML嘅份量,高速对呢部车来讲已经唔系问题。内笼设计方面,用左全黑真皮连木饰板,质感同果阵味都跟足同厂大佬S级,今次ML55 AMG出现,好明显知道BENZ想整部全能SUV出来,其实有D似更加高级嘅G55 AMG,一样系非承载车身,AMG引擎,只不过G级有军事历史同顶级越野能力撑腰,而ML就系从细路过度到成年人甘,比之前成熟但系仲未够。
白老鼠-----第一代ML车系(W163) - Ryan  - Ryans粤语车评部落
2001年9月份嘅时候,ML中期改款。今次外形上主要系中网、大包围同胎铃有变化。引擎方面有大搞作,头先提到嘅ML430就换左一副5.0升V8自然吸气引擎,呢款ML500最大马力292匹。同距一齐出现嘅仲有一部ML400 CDI,最大马力250匹。系2002年8月份,ML350作为车系最后一款发表,虽然车名系350,但系引擎就系一副3.7升V6自然吸气引擎,最大马力245匹,呢副引擎都用系当时嘅S350上面,房车温柔性格同呢部高头大马嘅ML拍埋一齐,预示紧ML嘅下一代都会着重翻舒适性。ML350出现之后,ML320就停产左,而进口入中国嘅版本就得翻ML350同ML500两款。
白老鼠-----第一代ML车系(W163) - Ryan  - Ryans粤语车评部落
BENZ系一间德国车厂,但系唔系部部BENZ都系德国制造。ML系美国生产,大家都知道,一直以来美国车都系出名粗糙,比如装嵌工艺差,沙版之间对唔齐而且间隙好大。引擎易坏震动大,行车表现轻浮而且超级食油,系美国生产嘅车唔多唔少都会有呢D特质,所以话就算手头上有好食材,都未必煮到一碟靓送就系甘解。但系睇翻第一代ML,其实可以睇得出BENZ厂其实稳距来探路,依家买车嘅人越来越挑剔,所以BENZ就想整一部真真正正嘅多功能车,要样有样、要豪华有豪华、要性能有性能、要越野都要满足你,依家最新嘅ML车款系第三代,已经放弃左硬梆梆嘅非承载式车身设计,目的系为左首先保证顶级舒服感受,然之后再提供驾驶感同越野性能,所以其实最新款已经偏向电子化,用电脑去改变部车嘅性格。睇完呢篇文章,可能你会觉得,乜第一代ML甘渣架?但系如果无第一代ML嘅呢D问题,就唔会知道整一部呢D车出来原来系甘难。 
 
 
 
 
 
 
 
 
 
 
  评论这张
 
阅读(1301)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017