注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

索到爆--------NOS系统简介  

2012-07-21 17:46:47|  分类: 基本理论 |  标签: |举报 |字号 订阅

  下载LOFTER 我的照片书  |
索爆加速--------NOS系统简介 - Ryan  - Ryans粤语车评部落
因为政策同场地嘅问题,佛山暂时仲未有正规场地比你链车,虽然胆粗粗系条街度飞好顶瘾,不过我绝对唔建议,而且下下就住D人同车,无乜机会去到尽,再加上系公路开快车劲容易出事,一个唔觉意下一个丑闻就由你创造,所以大多数朋友都会转玩相对安全嘅直线加速比赛。系佛山嘅直线加速比赛一般会系D基围边或者封闭路段举行,贪距少车行。一般人睇完会觉得直线加速无乜技术含量,以为部车够马就得,但事实并唔系甘简单。一部车加速之所以快,轻车身、咬地胎同引擎马力样样要有,而且对起步信号嘅反应同把握好换挡时机更加重要,所以决定性嘅因素其实系个车手。一部加速快嘅车要改装好多零件,最经济实惠就莫过于改装NOS,NOS系咩黎?即刻话你知。
索爆加速--------NOS系统简介 - Ryan  - Ryans粤语车评部落
NOS全名系Nitrous Oxide System,之所以能够帮部车加马,全靠一氧化氮,即系俗称嘅“笑气”。NOS就系将液化嘅一氧化氮充入钢瓶,系需要嘅时候喷入引擎助长燃烧。一氧化氮由两个氮分子同一个氧分子构成,燃烧室高温会破坏呢个结构。当一氧化氮喷入引擎,氧同氮分子就会分解,氧分子帮手燃烧,而氮分子就帮手降低引擎温度,咁样先可以保证引擎正常运作。因为供氧量多左,所以安装NOS之后喷油量都要加大,马力先可以提升架。NOS同机械增压、涡轮增压一样,都系为左增加引擎混合气嘅氧含量,唯一区别系NOS直接用氧化物,而涡轮增压、机械增压系要增加空气密度。或者你会问,点解唔直接喷氧气入去?如果单纯喷氧气,引擎嘅燃烧就难控制,而且喷入嘅气体无左降温用嘅氮气,所以引擎会一路高温,一样会好棘手。唔单止车可以索一氧化氮,人都可以索架,人索左之后会好精神,仲好开心添,所以“笑气”呢个名都系甘黎嘅。
索爆加速--------NOS系统简介 - Ryan  - Ryans粤语车评部落
一set齐齐整整嘅NOS套件一般有齐钢瓶、电磁阀、喷嘴、喉管同埋电脑,至于安装支架就要视乎系乜嘢车种。点解用钢瓶呢?主要系因为一氧化氮压缩成液体之后可以方便携带。一氧化氮唔系一直开住嘅,所以就要靠安装一个电磁阀来开关,电磁阀未打开,虽然喉管里面已经有一氧化氮,但系唔会喷入燃烧室,要等到距打开,甘先会喷入去。喷嘴有两种,一种系干式一种系湿式,一阵会提到。至于电脑,系要来修正翻汽油嘅比例,所以有D高档嘅NOS套件会有埋电脑,唔单只可以控制NOS几时开,仲识得补油。
索爆加速--------NOS系统简介 - Ryan  - Ryans粤语车评部落
其实NOS个原理好简单,好似我地家用煤气瓶甘,先拧开钢瓶上面个阀门,呢个时候会听到D“丝丝”声,因为D一氧化氮已经冲紧出黎,全部逼晒系条喉管里面,等电磁阀收到信号打开,就会喷入引擎助长燃烧。不过要用到尽,就好考电脑调教嘅功夫喇,事关未喷一氧化碳之前,引擎电脑系识别翻改装之前嘅空燃比,所以一般都要追加一副电脑去控制NOS嘅喷射量同汽油嘅比例,如果唔小心写错程式,引擎可能即刻打柴。
索爆加速--------NOS系统简介 - Ryan  - Ryans粤语车评部落
一般我地睇到嘅钢瓶装左之后都系打斜嘅,因为液体一般都会沉淀,所以NOS专用钢瓶会有一条喉管,就算打横放个樽都唔会影响到流量,所以安装之前要睇清楚说明书,费事调转左方向打斜,甘就真系笑大人个口。另外要注意嘅系安装一定要稳阵,最好系用专用支架同铁条箍实钢瓶,因为话晒都系易燃物品,万一系开车过程里面个钢瓶比野撞到,分分钟翻唔到屋企。
索爆加速--------NOS系统简介 - Ryan  - Ryans粤语车评部落
要用尽NOS,就先要拣岩喷嘴,一般有干式、湿式两种。干式装系入风歧管之前而且静系喷一氧化氮,供油就靠原厂喷油嘴,呢个设计比较偏向即时加速,所以直线加速赛车用得多D。湿式喷嘴有两个入口,一个系汽油一个系一氧化氮,喷入引擎嘅时候会将距地捞埋一齐,虽然瞬间加速无干式甘夸,但系喷入嘅混合气体包含左可以保护引擎嘅补油修正,所以引擎会比较襟玩,街车装呢种就岩D。至于独立直喷系统,其实就系每气缸入风口前面都装一只湿式喷嘴,独立喷射无论系控制定系喷射量都更加精准,不过入风歧管要重新做过或者开窿,零件多好多,再加上甘嘅设计反应最直接,要稳更劲嘅电脑先搞得掂。另外,连续喷射一氧化氮会搞到钢瓶同喉管结冰,所以一D牌子货会出埋钢瓶电热毯,保证NOS正常。
索爆加速--------NOS系统简介 - Ryan  - Ryans粤语车评部落
NOS喷几多,除左同钢瓶阀门有关之外,喉管接口上面嘅针孔阀门都有关架,针孔都有几个SIZE,有经验嘅改装专家识得拣岩对应嘅针孔阀门来调教NOS,尽量做到精准。NOS嘅电磁阀其实系同改装电脑连埋嘅,改装电脑负责发送开同关嘅信号,宜家最多人用嘅高等级改装电脑系HKS嘅F-CON,而V PRO系列可以自己编程来控制NOS,甘就唔洗再另外用专门嘅电脑单独控制NOS,另外,F-CON V PRO仲可以设定一个转速来打开NOS,如果系用本田VTEC引擎嘅车,可以装一个VTEC控制器,一样都得。一般行街可以用NOS嘅机会唔多,所以为左唔会谷爆引擎,一般嘅NOS设定转速都会超过3500转,不过都要视乎引擎嘅扭力范围,唔系部部车都一样。索爆加速--------NOS系统简介 - Ryan  - Ryans粤语车评部落 
NOS虽然猛料,但系属于危险野,所以一般改装NOS嘅车都会有几个保险开关。第一个就系NOS嘅大掣,第二个系头先讲过嘅电脑转速设定,第三个就系喷射开关,要三样齐晒先可以用NOS,同玩极品飞车就甘按个掣好唔同。点解要岩转速先开呢?因为一氧化氮一喷入引擎,马力扭力都系即刻升,引擎里面嘅机件要即刻承受超强嘅爆炸力。好多朋友为左悭油都习惯高档位低转速行车,呢个时候齿比好疏,引擎扭力少左,加速反应都慢晒,呢个时候开NOS就等于强迫活塞同连杆即刻高转,但系曲轴呢个时候扭力太细,无办法配合,上面要求转但系下面转唔到,呢个时候好容易谷断连杆。索爆加速--------NOS系统简介 - Ryan  - Ryans粤语车评部落 
NOS系赛车界出现最多,无论零四加速定系漂移比赛,都可以见到NOS改装。NOS安装唔难,调教好就可以好好发挥,唯一区别系个车手,因为几时开,同埋开几耐都要好好练习。开NOS嘅时机其实唔止一个,因为扭力同马力未必系同一个转速,所以要视乎赛道同比赛嘅性质。如果系扭力好嘅时候开,或者换挡之后开,加速感觉会好实净。而去到尾再开就摆明想冲极速。开NOS嘅时间其实唔会好长,一般几秒钟就要收油升档,好少会一路开住超过一分钟。不过有种情况系例外,就系自动波车装NOS,事关自动波升档唔使收油,所以开NOS嘅反应会比手波车大D。
索爆加速--------NOS系统简介 - Ryan  - Ryans粤语车评部落
NOS改装讲到明就系用钱去买性能,一般无改装嘅车,转速去到一个数就开始脚软无力走,但系如果装左NOS就可以再次发力,一路谷到断油为止。一般市面上可以买嘅NOS套件唔会超过两万蚊,一般SIZE嘅钢瓶容量大概系4.5公斤,充满一瓶气大概六百蚊,甘嘅NOS装备可以多大概50匹马力。如果单睇零件价钱,两万蚊可以多50匹系无对手嘅,但系危险性同引擎嘅损耗就未计。改装NOS唔一定要改装车,就算系原装车一样得,但系调教要温柔D,如果唔系原厂引擎会好快坏。对于玩开直线加速比赛嘅朋友,装NOS嘅意思其实都系在于斗时间,关键时刻帮到手就得,系一个辅助。而玩漂移嘅朋友,尤其系用细排量引擎嘅车,装NOS可以即时加大扭力,令到车胎空转,对于扭力唔够或者偏向高转速嘅引擎来讲绝对系好消息。
 
 
 

  评论这张
 
阅读(748)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017