注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

细龟时代--------尚酷1.4T单增压  

2012-06-02 21:58:37|  分类: 试车日记 |  标签: |举报 |字号 订阅

  下载LOFTER 我的照片书  |
细龟时代--------尚酷1.4T单增压 - Ryan  - Ryans粤语车评部落
打开报纸杂志,D人成日话大众乜乜乜系神车,除左得啖笑之外其实都带出一个事实,就系大众车系中国好卖得!比如捷达,高尔夫同帕萨特之类,前几年大众开始玩家族面谱设计,部部车一行出来斋睇车头简直一模一样,好处系买入门版都可以有顶级车款设计,唔好嘅地方当然系买部贵野都系得入门版甘嘅样,唔特别之余仲闷到爆。睇厌左大众样但系又想玩下大众车,依家有好野玩喇,就系大众嘅小型单门跑车Scirocco,Scirocco系热风甘解,但系中文名叫尚酷。尚酷好早有得卖嘅嘅时候我已经试过,D朋友好形象甘叫距“细龟”,而“大龟”就系CC。当时嘅尚酷只有1.4双增压,引擎有机械增压又有涡轮增压,好多用家都担心万一坏左维修就会好麻烦,所以今次出埋呢只1.4单增压,感觉会比较亲民,因为大众宜家好多都用1.4T配7速双离合,零件同维修应该唔成问题。机器嘅稳定性同埋充足零件供应系玩车嘅基础,有晒呢D条件,细龟就可以统领小型跑车呢个市场。
细龟时代--------尚酷1.4T单增压 - Ryan  - Ryans粤语车评部落
尚酷系宜家大众阵营里面少有唔用家族设计嘅车之一,长4米2,阔1米8,高1米4,可能因为车头比较扁,如果继续用大嘴中网成个车头感觉就会向下坠,细车设计最骤忌就系头重脚轻,一行出来唔够气势。其实如果系第一眼望尚酷,会有小小雪佛兰爱唯欧嘅错觉,区别就在于尚酷比较扁,爱唯欧比较高而且车灯系无灯罩嘅。尚酷车头灯同高尔夫6代头灯总体上差唔多,但系里面灯泡嘅编排唔同,而且作为入门级小跑车,无乜高科技头灯设计,连电动折镜都无,更加唔使讲全景天窗喇,所以如果系一个对配置好执着嘅准买家,就可能会扣小小印象分。
细龟时代--------尚酷1.4T单增压 - Ryan  - Ryans粤语车评部落
话尚酷车尾靓过车头嘅人好多,其中绝大部分系因为新鲜感。坦白讲,如果你系街道正面望尚酷个pat pat,你会觉得距似一笃排泄物。上窄下阔嘅设计显得部车好沉稳,但系坏处就系进一步压缩尚酷本来已经唔多嘅空间。呢部入门版都有车尾泊车感应,而且同好多大众1.4T车型一样,都用左单边双出排气设计,我个人比较中意单边双出多过双边双出,因为单边双出设计比较斯文,而双边双出要阔车身先可以衬得起,所以如果细车搞四出排气,就会好浮夸。细龟时代--------尚酷1.4T单增压 - Ryan  - Ryans粤语车评部落
尚酷开门嘅角度好大,如果系一般家庭车甘系好嘅,但系对于车门比较长嘅单门跑车,出入就唔系甘方便喇,尤其系停车停得比较埋嘅时候。坐落尚酷司机位,会觉得视野有D似奥迪TT,除左矮之外坐垫位置好凹,呢张凳应该有做过D人体工程学设计,唔用真皮放跣更加好。另外,司机位前后高低都好易调,最麻烦系椅背角度,拧到手软,要求跑车一定要够豪嘅买家又有野讲喇!
细龟时代--------尚酷1.4T单增压 - Ryan  - Ryans粤语车评部落
尚酷除左系外形尽量唔似同门兄弟之外,连内笼都要搞搞新意思,虽然睇上去依然好“大众”,但系我知道尚酷已经尽晒力。新世代嘅大众车内笼已经好接近奥迪,无论PVC材料嘅运用,甚至车线水准都追上奥迪,所以话大众车系精品小车唔系无道理,因为装配水准对舒适性有好大影响,而且如果一部车零件之间够紧密,整体感就会好强,驾驶感都会更加直接,唔使受杂音影响。系度我简单讲讲1.4单增压嘅尚酷有D乜嘢装备,距有真皮太盘,有大灯高度调整功能,有前排双气袋同侧气帘,行车电脑有胎压监测装置、安全带提示,有ISO FIX儿童座椅安装位,引擎电子防盗。而音响方面,呢部车用左支持MP3/WMA嘅单碟CD机头,而且有AUX接口,听歌就可以多D选择,再加埋8个喇叭,虽然唔系专业级音响,但系因为空间细,听起身反而更加有feel。
细龟时代--------尚酷1.4T单增压 - Ryan  - Ryans粤语车评部落
好多高性能跑车其实空间都系好细,目的应该系为左容易控制车里面嘅设备同埋专心享受部车嘅速度感。尚酷嘅前排空间基本上同家庭车一样,虽然得2米5轴距,但其实前座一D问题都无,反而头顶空间有D局促,身高超过1米8就唔好啉呢部车喇,因为真系好矮,前座椅背上面有个拉扣,一拉椅背就会向前倾,方面乘客入后座。
细龟时代--------尚酷1.4T单增压 - Ryan  - Ryans粤语车评部落
如果话尚酷嘅后座阔落,甘系呃你嘅,因为无论头顶空间定系腿部空间,都可以话接近零,除非系细路,如果唔系都唔好试。后排就得两张桶形座椅,座椅经过偷薄处理,而且可以独立拍低增加尾厢空间。后排头枕系连住张凳嘅,唔可以拆走。系度我想问大众车厂一个问题,你地知唔知呢部车嘅后方视线好差啊?后视镜细都算喇,后排头枕严重影响司机睇车后面嘅情况,一切都系断估!
细龟时代--------尚酷1.4T单增压 - Ryan  - Ryans粤语车评部落
虽然尚酷车身细,但系尾厢空间有惊喜,因为好少4米长嘅两厢车仔有甘深嘅尾箱,牺牲尾厢空间迁就后排乘客就见得多,牺牲后排空间去迁就尾箱就真系少见!如果呢部系双座位跑车,我啉拍低埋后座之后搬细件家私电器应该搞得掂。尚酷如果第时再出新款可以啉啉双座位设计,因为宜家甘,坐大人唔得,坐细路又浪费,尾箱甘大,一系将后座摆后D比翻多D空间乘客,一系就纯粹双座位,变成大空间小型跑车,两头唔到岸真系邓距心up。
细龟时代--------尚酷1.4T单增压 - Ryan  - Ryans粤语车评部落
对于1.4涡轮增压引擎,我地要留意嘅并唔系有限嘅马力,反而要关注距嘅扭力输出,小排量加个低压TURBO无非都系想尽早输出最大扭力。呢副引擎大概120匹,但系最大扭力200牛米系1500转就爆,一路冲到上4500转都仲有,基本上一踩油就系最大扭力,拍得住好多2.0自然吸气引擎。不过唔好以为系1.4就加93汽油喔,因为用左直喷系统,97号汽油系走唔甩噶喇。呢副引擎有好多特别设计,比如机油格摆系上面方便更换,入风嘅管路比较长,低转扭力有保证,最后就系用左铝质材料,散热更加好而且引擎比较轻身,配合7前速双离合波箱,令到呢部车仔更加适合城市使用,环保又好开。
细龟时代--------尚酷1.4T单增压 - Ryan  - Ryans粤语车评部落
好多人会将尚酷同高尔夫比较,其实尚酷同高尔夫都系用前麦佛逊后多连杆设计,但系尚酷车身更加短,而且比高尔夫阔,尚酷过弯会比高尔夫醒神好多, 入弯嘅时候都无明显嘅推头或者甩尾,一大堆电子辅助系统应该有做野。尚酷嘅车架够晒硬净而且底盘有做适当嘅补强,有时仲会听到TURBO发力嘅“嘘嘘”声,跑车味几浓,好岩D第一次买跑车嘅人开。尚酷跑高速唔错,短车身导致嘅不安定感觉都好轻微,前面225后面235嘅18寸阔胎好大功劳,我啉要挑战说明书写嘅218公里极速应该无问题,但系都唔好立乱试。尚酷嘅避震应该为中国市场刻意调软左,长时间行街应该唔会好难顶,总体来讲呢部1.4单增压嘅尚酷基本满足左大部分外观派嘅买家,外型靓仔悭油易上手,当然如果部车可以再平D就更加好喇。

  评论这张
 
阅读(1156)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017