注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

E然优秀------2006年E280 (W211)  

2012-06-18 15:41:34|  分类: 试车日记 |  标签: |举报 |字号 订阅

  下载LOFTER 我的照片书  |
E然优秀------2006年E280 (W211) - Ryan  - Ryans粤语车评部落
系行政房车嘅世界里面,不嬲都系口碑排第一,无论你款式几潮科技几高,无翻甘上下人面就唔使旨意上大台。一部标准嘅行政级房车一般要有几样杀手锏,牌子要够响,外形要大方得体,空间要够大,坐落要够舒服,开起身够稳阵,唔可以有异味,最重要嘅一点就系绝对唔可以系关键时刻扭计!要符合晒甘多要求,就唔可以唔讲下今次呢部E280。虽然距唔系最新款,但系呢一代E仔系最多人中意嘅一代,无论外形空间配置甚至机械水准都系一流,难怪好多前辈都话,买E-CLASS绝对无错。今次呢部系2006年年尾车,属于中期改款型号,装备都有升级,所以对于想买E仔代步嘅人来讲,买呢个年份嘅就岩晒喇。
E然优秀------2006年E280 (W211) - Ryan  - Ryans粤语车评部落
系80年代,代号W124嘅E-CLASS已经系行政房车一哥,到左1995年嘅W210时代,车头居然用左四眼圆灯设计,对于着重历史嘅欧洲车来讲绝对系大逆不道!但系人嘅审美观系会跟住时间变嘅,W210时期嘅四圆灯唔单只无行错路,反而因为呢个甘有新意嘅设计,变成左老翻嘅对象。可能因为四圆灯比较斯文,所以系W211时期嘅E仔继续用呢个设计,但系就将距整斜D,车头成个潜落去,减低风阻,然之后再慢慢将车身拉翻高,去到车尾再收窄 ,再加上尾灯用左同时期CLK嘅设计,所以睇上去W211似跑车,而且见距行起身好轻巧,完全唔觉得系一部一吨七嘅车。方便司机嘅设备仲有自动感应头灯同雨刮,令到呢部车更加易上手。
E然优秀------2006年E280 (W211) - Ryan  - Ryans粤语车评部落
好多公司或者酒店都用E仔接送VIP,除左牌子够杀食之外,主要系因为部车够气势。行政房车唔同跑车,唔需要用一个好后生嘅外形同埋好贴地嘅底盘去话比人知自己有几型,相反,行政房车应该稳重D,要识照顾人。所以要有一个岩岩好嘅高度方便乘客出入,坐落之后又唔需要宽松到晕嘅空间,因为要方便倾计同保证舒适性,座椅要够包身,再加埋好温馨嘅橙黄色灯光,几厌尖嘅乘客都无投诉啦。 
E然优秀------2006年E280 (W211) - Ryan  - Ryans粤语车评部落
对于中意自己开车嘅车主,E仔都有杀手锏,就系将气氛搞到好柔和。前座嘅空间满足到大部分亚洲人,中控台嘅按键虽然多,但系因为有背光所以都会好易稳,一般用太盘上面几粒制就可以控制到你要嘅功能,比如行车电脑菜单,电话拨打同CUT线,音响大细声,冷气系前面双区设计,好就手。副驾驶位下面系一个急救包,一般突发情况都唔使怕。呢度要讲讲坐姿嘅问题,我试过同时期嘅CLK,发觉坐姿同E仔差唔多,好多时候,系向下望嘅,甘样可能同安全有关,因为呢D视觉好容易睇路。如果用来跑长途,E仔都有好多野玩,DVD支持MP3同WMA,有电视功能,有人机交互系统,音响有AUX接口,但系导航就要加钱先有。
E然优秀------2006年E280 (W211) - Ryan  - Ryans粤语车评部落
虽然用左小小车顶嘅空间,但系双天窗嘅豪华感好够,坐房车最怕就系局促同压抑,虽然对头顶空间无乜实质性帮助,但系因为有天窗,感觉会比较开扬。E仔隔音唔错,就算有两个天窗,外面入来嘅声唔会好大,最大都系车胎声,听得耐会想训教。系度我想讲讲E仔嘅空气质素,唔系用PM2.5来计,而系单凭感觉。E仔有防紫外线同隔热玻璃,空调有空气调节同花粉过滤功能,长时间用呢部车对人嘅健康唔会有咩影响,不过开左一日,好似心跳都慢左。
E然优秀------2006年E280 (W211) - Ryan  - Ryans粤语车评部落
后排嘅乘客系E仔重点照顾嘅对象,所以系配置方面一D都唔马虎。距有B柱位嘅冷气出风口,双区设计嘅后排出风口,12V车载电源,椅背可以反出来嘅手枕,里面有储物格同杯架,有独立嘅遮光帘。总体来讲行政房车要有嘅都有齐。除左接送贵宾,行政房车都有兼顾家庭房车嘅时候,所以安全装备唔可以少。呢部车有前排气囊、侧气囊、前后都有侧气帘,胎压监测装置,安全带提示功能,儿童座椅接口同埋引擎电子防盗,中意高科技嘅车主仲可以另外加钱装keyless go功能,着车唔使拧锁匙。
E然优秀------2006年E280 (W211) - Ryan  - Ryans粤语车评部落
电尾帘系好多老一辈车迷对BENZ嘅印象,一般系D好豪华嘅车先会有呢个电动尾玻璃遮阳帘,宜家唔使买到S级喇,E级上面都有。另外,后排三个头枕可以放低,不过系一次过放低三个,倒车嘅时候就唔会阻住视线,系一个好人性化嘅设计。
E然优秀------2006年E280 (W211) - Ryan  - Ryans粤语车评部落
E280用嘅唔系2.8引擎,系一副代号M272嘅3.0升V6引擎,最大马力231匹,最大扭力300牛米,波箱用左史上最顺滑嘅七前速加减波箱。要注意嘅系呢副新嘅引擎波箱组合系2005年打后嘅E仔现有,之前系无嘅,所以呢个都系我推荐2006年车款嘅原因之一。虽然用左3.0升引擎,但系由于车重去到一吨七,所以无论起步定加速都唔会有D乜嘢刺激,反而系波箱好积极,换挡一D都唔CHOK,令到引擎出力好连贯,绝对唔拖泥带水,当然喇,如果系E500就更加理想。总体来讲呢部E280绝对唔系D乜嘢“驾驶者之车”,突然抽太或者大力踩刹车,BENZ之前嘅“坐船feel”又翻来了,掟弯都一样,避震会有多余嘅动作,所以如果动作太大,反而会令部车尴尬。不过如果系慢慢游车河,E280又好舒服,完全无压力,所有野都好自然。开快小小又有D好BENZ嘅感觉,底盘好硬净,转弯都好听话,只要速度唔好太快,动作唔好太大,E仔绝对听话。
E然优秀------2006年E280 (W211) - Ryan  - Ryans粤语车评部落
E仔系一部好高质素嘅行政房车,无论乘坐感同驾驶感都好有水准,系近十年里面好难得嘅一款车。最后我讲讲买呢款车要注意嘅问题,E仔同好多正宗欧洲车一样,都系电子系统出问题。比如氙气头灯时着时唔着,一般系线路搭铁唔好,只要重新引条线出来搭铁就得。又比如仪表板警告灯无啦啦着左,呢样就翻去厂消左故障码就得。市场上E仔二手车好多,尤其系广州,基本上去到二手车场都会有几部看门口。一般有2005之前嘅E240,同埋E320,新小小嘅E350甚至E500都会见到,而E280就少D。买呢款车要注意,就系上一手嘅保养程度,可以试下稳D坚持翻4S店保养嘅E仔,保养记录系4S店可以查,因为如果唔知头唔知路,就可能会买部垃圾翻来,尤其系呢D有翻甘上下价钱嘅车,更加要小心。
 
 
 
 
 
 
 
 
 
 
 
 
 
 
 
 
  评论这张
 
阅读(1150)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017