注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

人细鬼大----------奥迪TT(8N)  

2012-05-08 09:22:53|  分类: 经典名车 |  标签: |举报 |字号 订阅

  下载LOFTER 我的照片书  |
他来自未来----------奥迪TT(8N) - Ryan  - Ryans粤语车评部落
天气成日变来变去,一时落雨一时好猛太阳,呢边热到抽筋但系无几远嘅地方居然整个水浸,再加埋“日日新鲜日日甘”嘅新闻报道,世界末日似乎越来越坚。车迷最担心嘅莫过于睇唔到以后D车会出到咩样,真系就算死都唔眼闭!不过唔使怕,其实好耐之前已经有一部未来战车出现左,无论外形同设计都系非一般前卫。无错喇,讲紧嘅就系第一代奥迪TT小型跑车,呢部车绝对系汽车发展历史里面嘅一个经典。事关呢部车实在科幻,就算依家出嘅所谓新款都无距初初出道甘震撼,到底TT有D乜嘢鲜为人知嘅秘密?点解距个样甘怪鸡都依然甘多人中意?依家即刻话你知。
他来自未来----------奥迪TT(8N) - Ryan  - Ryans粤语车评部落
唔好觉得我老点你,上面呢两部就系第一代TT嘅概念车版,你一定会觉得我发错相,事关概念时期嘅TT同正式贩售嘅版本真系差唔多。硬顶版概念车系1994年设计完之后就系1995年噶德国法兰克福车展发布,因为概念车可以设计得好概念,所以并无引起好夸张嘅反应,但系奥迪车迷就好关注,事关奥迪D新车不嬲都系圆碌碌,呢部野可能投产都唔定。而系1996年,奥迪再发布一个开篷概念版TTS,果两支好似游泳池上落扶手嘅防滚架简直系经典!无论硬顶定开篷,TT概念车比人嘅印象就系圆同埋对称,就好似大众甲虫一样,车头同车尾差唔多长而且头尾灯都系一样设计。TT概念车用嘅系PQ34平台,即系话同同年代嘅高尔夫、捷达底盘上差唔多,因为车身细同埋外形出众,而且底盘唔差,所以只要保证有副醒神嘅引擎就可以帮助TT变成又睇得又玩得嘅玩具车。奥迪好识得吊车迷瘾,发表左概念车之后成日稳D广告比你睇下TT依家去到边个阶段,而且无论大型车厂活动定系一D展览,奥迪都会将TT摆系一个醒目位,虽然距话就话TT仲系度修改,但其实系想聚人气。为左令车迷唔好太留意距底盘同高尔夫一样,奥迪将TT重新定位,变成奥迪嘅入门跑车系列,主要用来打击奔驰SLK同宝马Z4嘅销量,但系由于TT嘅本质都系“潮”字行先,同另外两个对手风格唔同,所以其实都无乜正面冲突。
他来自未来----------奥迪TT(8N) - Ryan  - Ryans粤语车评部落
1998年TT正式上市,因为传媒已经大力催谷,TT嘅新闻已经传到街知巷闻。尤其系奥迪迷,望著TT概念车嘅海报,渣住日捱夜捱得翻来嘅积蓄,终于得偿所愿。第一眼见到硬顶版TT嘅时候, 主要觉得车顶好似比概念车嘅时候细左D,变得更加圆,其他都同概念车差唔多。引擎方面,初期嘅TT都系用一款大众嘅1.8T引擎,每个汽缸有五个气门,属于反应好灵敏嘅引擎,最大马力180匹,前驱版标配五前速手波,不过都可以拣Tiptronic手自一体,而且悬挂系统就用前麦佛逊后扭杆设计。除左前驱版本之外,仲有四驱版,用左大名鼎鼎嘅QUATTRO四驱,而且引擎系180匹基础上调大左输出,有225匹。由于呢个时候DSG仲未有,所以一部甘细嘅车,有手波同四驱,上手之后就会好好玩。
他来自未来----------奥迪TT(8N) - Ryan  - Ryans粤语车评部落
头先提到嘅TT概念车都有开篷版,投产之后基本上照搬。TT开篷车系1999年出现,小型欧洲车应该有嘅车身刚性距都有,虽然系用高尔夫底盘,但系因为车身细用料够,成部车整体感好强,同硬顶版唔会差太远,而且开篷之后部车比例更加易接受,但系关左个蓬之后软顶会有D核突,同埋呢一代TT依然有大部分软顶开篷车嘅通病----漏水。

  他来自未来----------奥迪TT(8N) - Ryan  - Ryans粤语车评部落

同BOXSTER一样,软顶开篷嘅TT可以买一个可以拆嘅硬顶,一来保护个软篷,二来装左硬顶之后部车就同概念车差唔多,更加符合距嘅未来性格。2000年嘅时候TT出左一个S-line版本,主要换下胎铃同包围,内饰用左双色设计,令呢部本来好后生嘅车更加后生,另外开篷TT有一个配件,就系副驾驶位嘅软篷,装左之后就变成单座位跑车,而且呢个软篷可以减少车笼里面嘅乱流,再配合TT头枕后面嘅回风板设计,开快D都唔怕比风吹乱头发。 

他来自未来----------奥迪TT(8N) - Ryan  - Ryans粤语车评部落
TT中期改款嘅时候多左一个型号,就系3.2 VR6引擎版本,而且呢个时候部车外形有小小变化,主要系头泵把侧面多左出风口,可以带走前泵把里面嘅气流,高速就可以更加定。今次改款TT上面嘅3.2升引擎,一样系大众嘅出品。虽然属于V6引擎,但系汽缸之间嘅夹角得15度,就甘睇落去反而会觉得系一个迷你版直六引擎,虽然成副引擎无一般直六甘长,又无一般V6甘肥,可以装系好似TT甘嘅细车引擎舱里面,但系因为样样野都摆到尽,散热就变成呢副引擎最大嘅问题。呢副引擎最早系用系甲虫RSi版上面,有221匹,后来用系第四代高尔夫R32上面,有241匹,然后先到TT ,但系就上到250匹,而且TT用嘅系QUATTRO,大众甲虫同高尔夫顶级版就系用4MOTION,所以四驱系统都有分别。另外,今次TT  3.2上面仲有一样革命性科技,就系第一代嘅DSG双离合波箱。
他来自未来----------奥迪TT(8N) - Ryan  - Ryans粤语车评部落
虽然小改款之后TT S-Line版依然有,但系始终都系唔够辣,于是系第一代TT临停产嘅时候出左一部QUATTRO SPORT,呢部车系限量版,得1800部而且静系供应欧洲,但系就用翻之前嘅1.8T四缸涡轮增压引擎,马力就调到240匹,另外再偷轻部车,一吨四都唔够嘅重量绝对衬得起“跑车”两个字。QUATTRO SPORT版本嘅TT有自己专用嘅胎铃同碳纤尾翼,车顶系黑色嘅,后泵把就变到好似甲虫RSi版一样,再加上用埋3.2版本嘅刹车,部车又快又好收。
他来自未来----------奥迪TT(8N) - Ryan  - Ryans粤语车评部落
讲到TT嘅改装,可以话百花齐放,事关TT都代表过奥迪参加德国房车赛,要买一套夸张嘅赛车大包围应该唔系问题,连山寨厂都有出某D部位嘅零件,令到本来好kawayi嘅TT外形变得恶辣。如果唔想甘有赛车味,可以好似一般欧洲车甘样刷下ECU罐头程式,换下入风同排气零件,令到部车马力扭力都大D,然之后落套短弹簧,改下胎铃,装条小包围扮下优皮一族有得。如果系国外,车迷本身已经好大胆,再加埋TT个外形甘出位,完全可以根据TT嘅线条设计科幻外形,比如一套前后左右封到密密实实嘅大包围,衬翻依家奥迪未来感好强嘅大口仔中网,座低部车之后再连四只辘都封埋,绝对可以比人一种RSQ嘅感觉。 他来自未来----------奥迪TT(8N) - Ryan  - Ryans粤语车评部落 
最后讲下买二手TT,尤其系第一代TT要注意嘅问题。TT呢D车呢,本身都系属于公子车,好少会用来跑长途,如果用距行D崎岖路面甘就只能够怪个车主唔识野。第一代TT无论引擎同波箱都好成熟,尤其系手波版本,反而要担心嘅系第一代DSG双离合波箱,事关系岩岩出难免会有小问题,比如低速行嘅时候部车会有D CHOK,但系当时来讲可以极速换挡已经系新鲜发明。硬顶版要留意车笼里面有无杂音,因为轴距短,部车行驶受力会好容易传入车笼里面,再加上如果避震硬,呢个问题会更加严重。开篷版就留意下软篷D胶边有无老化,软篷开同关顺唔顺,如果有条件可以将部车开去洗车,睇下会唔会入水,如果唔得,就稳几桶水兜头淋落去。1.8T引擎都系比较成熟,但系涡轮增压车常见嘅TURBO漏油都一样唔可以忽视,而且睇下引擎有无拆过有无烧机油,玩开欧洲车嘅人应该好清楚,引擎同电路如果搞过,就会一路坏落去。第一代TT因为外形经典,所以就算依家买或者过多十年八年再买,其实比人感觉都系一样甘前卫,距无一般高龄二手车嘅老饼问题,再加上依家价钱比较低,佛山呢边有高质素放盘都系十几万有交易,车龄介乎02年到05年之间。跑车系车迷心目中地位往往会高过一般房车,而且“奥迪双门跑车”六个字往往已经值回票价。
 
 
  评论这张
 
阅读(1352)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017