注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

维他命C------奔驰W203系列  

2012-04-05 21:21:20|  分类: 经典名车 |  标签: |举报 |字号 订阅

  下载LOFTER 我的照片书  |
维他命C------奔驰W203系列 - Ryan  - Ryans粤语车评部落
城市人压力越来越大,日做夜做有时连饭都无得准时食,尤其系上有老板下有下属嘅经理级人马,要抽时间出来做运动好似唔系好实际,就算有都好难坚持。虽然系甘,但系身体健康往往比你捱更抵夜稳果一千几百重要千百倍,所以运动应该系我地生活嘅习惯。开车可以话系运动嘅一种,尤其系开一D车身比较重、太感比较实净嘅车,系市区走几转如果撞岩冷气唔够冻包你觉得即时瘦左。头先讲到嘅经理级人马好中意开一款车,呢款车有好稳阵嘅四只门,又有一个好响嘅牌子,讲紧嘅就系奔驰嘅C级,对于呢D经理黎讲,开呢D车一来唔会超过老细嘅S级,二来可以同下属拉开小小距离,虽然甘讲好似有小小侮辱左C级本身嘅意义,但系系中国嘅国情就系甘,就算系人人平等嘅社会,系职场都依然有一种好阶级嘅感觉。 
维他命C------奔驰W203系列 - Ryan  - Ryans粤语车评部落
千禧年之后,代号W203嘅C级开始系街上面出现,四门房车版嘅设计方向同上一代一样,外形似足迷你版嘅S级。成部车无论侧面,车尾,尾灯款式甚至比例,都同W220系列S级差唔多,车厂甘做其实好醒目,一部本来定位系家庭车嘅C级,可以有骨致嘅车身尺码,又可以有同厂一哥嘅贵气,无论追名牌定系追外形都可以通杀,所以呢一代C级出货量好大,超过同时期嘅宝马3系。但系呢一代C级实在太似S级,甚至连S级嘅某D问题都似埋,比如冷气有时会失灵,距都跟到足。
维他命C------奔驰W203系列 - Ryan  - Ryans粤语车评部落
叫W203嘅C级除左四门房车版本,仲有双门斜尾揭背版同旅行版。欧洲人买车好多都系操控行先,你睇距就算买到好似宝马7系甘嘅大车都仲要订手波版本就知,除左将四门房车当跑车甘开之外,见到有轻巧灵活嘅小跑车或者代表距地自由自在玩车精神嘅旅行车,都会忍唔住买,所以系德国,有时会见到一家人里面有一部四门C级之外仲有一部跑车或者旅行车,有好明确嘅用车分工,唔止系用家,更加系玩家。
维他命C------奔驰W203系列 - Ryan  - Ryans粤语车评部落
作为打头阵嘅四门版,距嘅责任好简单,就系销量。呢一代C级用左好可爱嘅花生型头灯设计,同E级又差唔多,分别就在于E级系两个圆形分开,而C级就痴埋。C级嘅身形其实唔大,一眼望落去同一部卡罗拉差唔多大,只不过用左奔驰房车特有嘅比例,长车头,短车尾而且后辘比较靠前,呢D马车时代嘅设计令到C级比较修长,车尾更加沉稳。再加上部车用左低风阻设计,车头好低,跟住车尾拉高,所以部车就算停系度,都好似行紧甘。
维他命C------奔驰W203系列 - Ryan  - Ryans粤语车评部落
四门版卖左一年之后,双门版就出黎喇。大家都知道,宝马3系早就有双门跑车版,奔驰更系唔会眼白白睇住宝马数钱而自己唔做翻D野,C级嘅双门版叫做sport coupe,同3系跑车唔同,距车尾用左揭背设计,所以后挡风玻璃会更加倾斜,风阻系数更加低。呢部车比四门版短18公分,但系用左比较短嘅弹簧,车身比四门版矮两公分,所以无论弯道性能定系平时系市区开,距都会比四门版灵活。如果你生活系一个会落雪嘅地方,距仲有四驱版。
维他命C------奔驰W203系列 - Ryan  - Ryans粤语车评部落
虽然呢边唔系好兴,但系旅行车周不时都会系身边出现。旅行版嘅W203系同双门版一齐上市嘅,不过车尾造型就真系无乜惊喜,有留意德国旅行车嘅朋友应该都好清楚,德国旅行车车尾基本上就系甘嘅格局,尤其系尾灯,可能同斯柯达或者大众果D同期旅行车互换都得。旅行车版本虽然外形无乜突破,但系根据非正式统计呢,原来距占左成三分之一嘅销量,即系话,世界上每3部W203,就有一部系旅行版,甘又系嘅,欧洲人买房车好多都系实用为先,唔理你奔驰宝马定奥迪,有旅行车版本就一定要及及先。
维他命C------奔驰W203系列 - Ryan  - Ryans粤语车评部落
虽然系一部家庭车,但系“baby benz”嘅称号绝对唔系浪得虚名,虽然外表系S级嘅缩水版,但系内在质素一D都唔求其。内笼方面真系几豪,入门欧洲车有甘嘅水准唔系部部有,不过呢一代嘅空间唔大,甚至有D窄,不过如果坐四个人,系绝对无问题。其实呢代C级嘅卖点应该系系睇唔到果度,比如前排头枕嘅颈部保护系统,如果后面有车撞上来,头枕会向前压,等你条颈唔会因为惯性向后CHOK伤,而且距有一个好细心嘅设计,就系后排两个坐垫可以升起,细路仔绑安全带嘅时候就可以更加fit位,再加埋后排座椅如果装左儿童座椅距会自动识别,非常之人性化。
维他命C------奔驰W203系列 - Ryan  - Ryans粤语车评部落
作为一部奔驰车,引擎嘅选择可以话系花多眼乱。汽油引擎有C200 Kompressor、C240、C320同C55 AMG四款,柴油引擎就有C200 CDI、C220 CDI、 C270 CDI三款,无论系要经济定系要马力,距都可以满足你,再加上无论边一款都可以拣6前速手波,但系如果系上落班,我就好推荐距本身个五前速自动波,自带学习功能,开得一段时间距就会根据你开车习惯调整换挡实际,换挡好顺滑,而且比无级变速箱好力,同部车嘅性格又夹。
维他命C------奔驰W203系列 - Ryan  - Ryans粤语车评部落
主动安全方面,呢一代有ESP同BA刹车辅助,安全带预紧装置,侧气帘侧气囊再加埋前面两个巨型气囊,分级电子限速同埋有自动大灯。系车身结构方面,其实吸能区都有设置,只不过依然用左最实净嘅钢材,所以无论点撞点反车,都保证四只车门可以开到。代号W203嘅C级一直都只有进口,而且价钱唔低,但系好多车主都有个讲法,就系直到撞车之后平安翻到屋企果一刻,先明白点解C级要卖到甘贵。 
维他命C------奔驰W203系列 - Ryan  - Ryans粤语车评部落
讲到操控性能,一讲到呢样宝马3系嘅粉丝就会企出来讲野,无错,呢一代嘅C级的确唔够E46时代嘅3系劲,但系唔好忘记一样野,就系质量。E46时期嘅3系比较中意引擎同波箱漏油,但系C级就无呢个问题,方便保养同维修先可以保证到有驾驶乐趣。2001年AMG出左一部3.2升V6配机械增压嘅版本,用来挑战E46 M3,不过可惜底盘偏向舒适性设计,再加上太感比较轻,部车去到弯道始终有D脚软,就算2005年再出一部5.5升V8引擎嘅C55 AMG都系甘,同纯种跑车底盘设计嘅3系始终有段距离,虽然马力大,就算直路追到,去到弯道又被距放甩。街车虽然比宝马骑住,但系系DTM德国房车大师赛就唔同甘讲法,因为2004年赛例改左规定要用四门车,于是奔驰就用W203四门版做蓝本去开发赛车,无几耐就罗左第二同第三。C级嘅操控性有一样好,就系定,玩开3系嘅人都知道,车尾始终会跳,虽然对过弯有帮助,但系如果D路唔靓,车尾弹起左始终唔够稳定,呢D小动作会加快车胎嘅消耗。但系C级就比距贴地,虽然转向唔够3系快,但系系弯里面C级比人信心更加高,属于好淡定嘅开法,如果系都要分个高低,只能够话3系嘅车手比较热血而且精神比较紧张,中意嘭嘭声嘅速度感,而C级嘅车手就比较淡定,中意果份稳定感,就好似D人想要身体更加健康,有D人会去健身,但系有D人用食疗,有D中意身水身汗,有D中意轻轻松松。
  评论这张
 
阅读(1007)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017