注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

冠军人马----AMG  

2012-04-27 16:29:19|  分类: 经典名车 |  标签: |举报 |字号 订阅

  下载LOFTER 我的照片书  |
呼吸游戏----AMG - Ryan  - Ryans粤语车评部落
从上一辈开始,BENZ已经成为左好多人嘅人生目标,尤其系男人,直头好似有部BENZ就等于乜都有甘,所以以前开部BENZ出街系一件好威嘅事。依家街上面多左,虽然觉得无以前甘罕有,但系都知道开BENZ系唔同D。我发觉周围嘅人真系越来越有钱,而且好中意买野,哪怕距地唔识。比如改装,只要系车,就有野可以改,BENZ都唔例外,行出街见到好多改装车,车系最好嘅,件系最靓嘅,连个车牌都系拍翻来嘅,但系开著呢D车嘅人有D乱贴徽章,有D变线唔打灯,有D连倒车都唔识,有D就甘眼白白睇住距炒埋花基,本来好好嘅一件事,就变成左一个笑话。唔好再做盲流喇,买野一定要知道自己想要乜,唔好人改你又改!比如BENZ,大家有无留意好多BENZ车尾都有一个细细嘅AMG徽章?到底呢个AMG系乜来头?点解甘多BENZ车主会甘中意距?等我话你知!
呼吸游戏----AMG - Ryan  - Ryans粤语车评部落
先翻翻去1965年,当时奔驰车厂派一部直六引擎嘅300 SE出去比赛,专门负责呢副引擎开发嘅工程师有两个,一个叫Hans Werner Aufrecht,而另一个叫Eberhard Melcher。距地经手嘅呢副直六引擎有238匹马力,而当时呢部300SE参加紧德国房车赛,而且仲罗埋冠军添。因为成绩好,而且街外人知道左奔驰有两个甘劲抽嘅工程师,其他车队都稳距地帮手,睇下可唔可以用呢款引擎,但系奔驰车厂为左保证自己有赢面,就规定赛车技术部门唔可以话比其他车队知呢款直六引擎嘅技术,正因为呢件事,Aufrecht同Melcher系1967年辞职。无左奔驰车厂呢份工,呢两个出晒名嘅工程师梗系唔会饿死啦,距地翻左去Aufrecht嘅乡下Grossaspach,开左一个工作室专门帮人测试赛车引擎同埋设计新型嘅引擎,而AMG三个字母就系甘黎噶喇。
呼吸游戏----AMG - Ryan  - Ryans粤语车评部落
因为呢两个工程师对奔驰嘅引擎实在太熟悉,所以后来整AMG自己嘅赛车都系用奔驰车做蓝本,系1969年嘅时候整左一部奔驰280 E,原装呢部车得185匹,改装之后有230匹,而且极速可以去到230公里/小时,另外呢部车仲换左当时好少有嘅5前速手波波箱,后辘LSD,同埋一样甘罕有嘅碟式刹车,成部车同原装相比简直系两回事。好快,spa 24小时耐力赛开始报名,AMG觉得公司依家有D名气,应该可以试下参加比赛,于是系1971年用一部300E做基础,塞左一副6.8升V8引擎落去,最大马力由原先300匹提高到420匹,甘大部赛车系当时系好少见嘅,而且距D对手部部都系短小精悍嘅欧洲跑车,但系到左呢部车冲线罗左第二名嘅时候,个个都写个服字。1972年,因为呢部车做左赛车界嘅风头趸,于是AMG就将距嘅改装套件公开,比如引擎,底盘同刹车,另外AMG开始稳其他厂代工自己嘅合金铃。呢个时候,AMG已经相当出名,甚至有客要求定制一部独一无二嘅AMG,距都可以胜任。最重要嘅系距令车迷明白到,改装应该有针对性,稳岩改装公司已经等于成功左一大半。
呼吸游戏----AMG - Ryan  - Ryans粤语车评部落
因为订单太多,原先嘅细厂已经应付唔到越来越嘅改装需求,于是系1976年AMG就搬左去Affalterbach,但系赛车引擎部门就依然留系旧厂。正所谓一山不能藏二虎,创立AMG嘅两个工程师最后都系拆伙,卖左股份嘅Melcher仲留系旧厂做工程师,而Aufrecht就做左AMG唯一大股东,不过呢D改变一D都唔影响AMG,反而越来越劲。1978年,当时嘅奔驰公司有一部当家跑车SL,代号R107,比AMG睇中用来开发下一代嘅德国房车赛战车,呢部经过改装之后嘅车叫做450 SLC,罗左总排名嘅第三,虽然AMG未罗过冠军,但系见到距次次都稳奔驰D车来搞,车迷对距印象都几好,留意AMG嘅除左系热血赛车迷之外,仲有BENZ车厂。
呼吸游戏----AMG - Ryan  - Ryans粤语车评部落
到左80年代,AMG依然系赛车场度称霸,比如1980年嘅纽堡林欧洲巡回赛,450 SLC罗左第一。AMG好沉迷一样野,就系将一副巨肺引擎装系街车身上,比如上面呢幅图左下角呢部1983年280CE AMG,用左一副276匹5.0升V8引擎,一年之后AMG就开发出340匹嘅V8引擎,呢副引擎嘅特点在于每缸都有四个气门,当时来讲欧洲车里面算几先进。另外,AMG开始对外形有要求,开发出AMG特有嘅大包围同埋头先讲到嘅专用合金铃,有左呢D野,街上面嘅人就可以分得出边部BENZ系原装,边部系经过AMG改装。1986年AMG整左一部190E 2.3 16V出来参加DTM,罗左两个分站冠军,而呢一年AMG嘅四气门V8已经去到360匹,呢个时候出现左一部300E 5.6,极速超过300公里/小时。1988年嘅时候AMG再重新设计呢部车,改用6.0升V8引擎,最大马力365匹,最大扭力566牛米,车名都顺便改成300E 6.0。1988年对AMG来讲系一个比较特别嘅年份,因为呢一年开始AMG正式同奔驰车厂合作出赛,头先讲过嘅190E赛车系1989年里面一个赛季罗左7场冠军。1990年,新厂再开多间,呢个时候AMG员工已经超过400人,AMG同奔驰车厂签约,除左一齐合作搞赛车之外,仲同意帮手开发高性能嘅奔驰车,而且可以系奔驰嘅店里面卖,从呢个时候开始,AMG同奔驰标志就正式出现系同一部量产车身上。
呼吸游戏----AMG - Ryan  - Ryans粤语车评部落
90年代初期,AMG曾经帮三菱整过一部GALANT VR-4,当时呢款车帮三菱赢左两次WRC总冠军同好多分站冠军。AMG除左系1992年、1994年、1995年罗左德国房车赛年度总冠军之外,1995年与1996年都罗左两年ITC世界房车锦标赛年度冠军,从1986年到1993年,190E赛车总共赢得德国房车锦标赛分站冠军50次,可以话系史无前例,如果话GT-R系东瀛战神,甘190E就系德国战神。而系1994年到1996年,奔驰C级罗左32次单站冠军。最瞩目嘅莫过于AMG居然用左短短128日就研制左一部CLK-GTR出来,罗左FIA-GT锦标赛总冠军,一年里面10场比赛全部赢晒。于是系1999年,奔驰车厂全资收购AMG,AMG成为奔驰旗下嘅高性能品牌。AMG嘅改装精神就系唔换引擎,系量产车原有引擎上面扩缸同周边强化,用尽呢副原装引擎嘅潜力,而且内饰都会经过更加豪华嘅处理。经过AMG改装嘅奔驰车会有唔同嘅性格,比如转弯,慢速会比较轻,但系高速就会比较重手,成部车唔同一般改装车甘硬邦邦,因为引擎够力,快系一定嘅,但系就无牺牲太多舒适性,开AMG嘅街车好少会手忙脚乱,而且好多都系自动波,冷气又够冻,坐系里面无论飞得几快,都好似坐系戏院里面甘定,有一种打机嘅错觉。
呼吸游戏----AMG - Ryan  - Ryans粤语车评部落
90年代嘅AMG有几部经典嘅代表作,比如C36 AMG,用左一副3.6升引擎,有280匹马力,系1996年嘅时候C36 AMG做左一级方程式嘅官方安全车。而中型行政房车方面,AMG就有一部E50睇门口,无几耐再出埋C43 AMG,4.3升V8引擎有306匹,不过虽然马力数字唔系好夸,但系既然用得巨肺引擎,扭力同反应先系距地最想要嘅。
呼吸游戏----AMG - Ryan  - Ryans粤语车评部落
其实从1997年开始,AMG已经研发出一副经典嘅5.5升V8引擎,呢副引擎每个汽缸用左3气门设计,最大马力系367匹,最大扭力510牛米,开发完之后好快就装系奔驰嘅“55”车型上面,比如SL 55 AMG、CLK 55 AMG、E 55 AMG、S 55 AMG、CL 55 AMG等等。2000年之后,AMG又再发表左C 32 AMG、SL 55 AMG、CLK 55 AMG、E 55 AMG、C 30 CDI AMG、S 55 AMG、CL 55 AMG、S 65 AMG、CL 65 AMG,甘都唔止,仲承诺以后无论奔驰出乜车,距都会有AMG版本。
呼吸游戏----AMG - Ryan  - Ryans粤语车评部落
2002年,AMG嘅新工厂落成,新工厂包含引擎组装、车型展览、技术展览同两座新嘅技术研发中心。引擎组装只要一条线,就系AMG一直好标榜嘅“一人一机”,一个工程师会有一个工作台,而一个工作台上面会有一台引擎系度组装,从头到尾就得呢条友系度好似砌模型甘组装引擎,最后仲会将一块刻住自己个名嘅铭牌贴上去引擎度,甘先为之搞掂。2003年,AMG开发左一部蝴蝶门嘅SLR  Mclaren跑车,用一副5.5升V8机械增压引擎,最大马力626匹,最大扭力780牛米。2004年,AMG再研制出一副6.0升V12双涡轮增压引擎,最大马力612匹,最大扭力就去到1200牛米,不过为左耐用性同输出更加顺,讲扭力降到1000牛米,呢副引擎无几耐就装系S 65 AMG同SL 65 AMG上面。2005年,AMG再多一个“63”系列,新系列有一副6.3升V8自然吸气引擎,最大马力510匹,最大扭力643牛米,R 63 AMG、CLK 63 AMG、CL 63 AMG、E 63 AMG,而2007年发布嘅C 63 AMG就做左DTM嘅安全车。2006年,AMG面对越来越厌尖嘅客人,再加多一个性能工作室,目的为左已经好劲嘅AMG更加癫!而且呢D车会系限量版,分签名系列、黑色系列同特别版三种。 其中“签名系列”最高端,调教偏向于赛道,产量都系最少嘅,特别版等级最低,岩系街开,产量都会多D,黑色系列就属于两个系列之间,所有车型都用AMG车型做基础,然后对内笼同外形做适当修饰,再同客户度身定做其他个性化要求。AMG引擎除左自己用,都会卖比其他车厂用,比如帕加尼车厂嘅幽灵之子系列,从5.5升到7.3升引擎都系出自AMG。2007年,AMG成立左自己嘅驾驶学院。根据驾驶学员唔同嘅水平,AMG提供EMOTION、BASIC、ADVANCED、PRO和MASTERS五个唔同等级培训项目,学员会系纽堡林北圈等知名赛道同埋瑞典冰雪世界试AMG嘅车,享受驾驶乐趣之余提升驾驶技术同安全意识。呼吸游戏----AMG - Ryan  - Ryans粤语车评部落
我地正式可以系国内买AMG嘅车,应该系从2007年开始。奔驰引入AMG系列,打头阵嘅系S65 AMG,E63 AMG,ML63 AMG,同埋G 55 AMG,而且都可以系卖奔驰嘅店里面买到。之后再引入SLK 55 AMG,同埋63系列,特别一提嘅系AMG最新鸥翼跑车SLS AMG。呢部车系2010年正式上市,系经典跑车300SL鸥翼嘅投胎之作,部车用左6.2升V8自然吸气引擎,最大马力571匹,全铝金车身,2010年用距左基础开发出Safty Car版,做左F1嘅安全车。AMG嘅吸引力其实好大程度来自奔驰车本身,但系最岩奔驰车嘅改装偏偏又系非AMG莫属,依家世界上有好几间改装奔驰比较出名嘅公司,比如劳伦斯,卡尔臣同巴博斯,但系真真正正知道奔驰想要乜嘢嘅,就只有AMG一个。 
 
 
  评论这张
 
阅读(568)| 评论(1)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017