注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

美式哲学--------NASCAR  

2012-03-23 15:42:05|  分类: 基本理论 |  标签: |举报 |字号 订阅

  下载LOFTER 我的照片书  |
美式定义----NASCAR - Ryan  - Ryans粤语车评部落
车船税升左,油价又升埋,虽然未至于节衣缩食,但系慢慢都觉得车已经无以前甘抵玩。宜家打开汽车杂志,基本上都系围绕小排量车,或者超级跑车,一系话小排量车几悭油,一系话D超级跑车一样可以无以前甘大食,可以有甘嘅成绩,全赖有高科技帮手。缸内直喷、分层燃烧、低压涡轮机、可变气门正时同电子升程、进气可变、电脑程序优化等等,新车越来越易开,越来越悭油,但系电子系统嘅进步往往折射出手脚嘅退步。点样用脚踩油门做到悭油同好开,根本就系我地都要学好嘅基本功。赛车都系一样,虽然高科技,但系关键时刻,斗车其实即系斗人,越斋嘅车,感觉越纯种。今次为大家介绍一种又暴力又唔环保又嘈又老土嘅比赛------NASCAR拿斯卡。
美式定义----NASCAR - Ryan  - Ryans粤语车评部落
时光倒流翻翻20世纪30年代,当时美国私自酿酒好泛滥,为左唔比联邦调查员捉到,卖私酒嘅人经常系D乡下路开快车。因为要快,所以D车都会经过改装,比如加大马力,同操控性能嘅升级,以前嘅美国车其实都比较难开,唔好话飞车,就算平时开快D都有危险,属于好论尽嘅车型,改装可以令到部车更加好控制,只要部车够快,警察就未必追到你,得闲D私酒佬仲会约埋一齐斗快,属于非正式嘅地下比赛。到左1946年,一个叫佛朗斯嘅人用自己嘅加油站做抵押,成立左全国赛车冠军联盟(简称NCSCC),作用系管理呢班亡命之徒同距地D战车,而且用赛车积分制决定胜负,呢个都系全美第一个赛车积分制度,最后赢左嘅车手会有好多钱,而呢个NCSCC就系NASCAR嘅前身,无几耐,NASCAR就正式系1948年2月15日正式成立,NASCAR全称系National Association for Stock Car Auto Racing,即系全国运动汽车竞赛,为左打字方便,下面统称拿斯卡。
美式定义----NASCAR - Ryan  - Ryans粤语车评部落
拿斯卡经过几十年发展,宜家已经成为世界上最出名嘅比赛之一,尤其系美国,拿斯卡嘅收视率系第二,第一系美式足球。全世界有超过150个国家转播NASCAR赛事。拿斯卡车迷被誉为最有品牌忠诚度,所以世界500强嘅公司都好中意赞助拿斯卡。为左保证比赛尽量公平同埋控制比赛成本,拿斯卡对赛车要求好严格,比如车手体重唔够90公斤,部车就要额外运4到6公斤重物,一场比赛可以有超过40部车参加,所以每部车都可能赢。而且比赛规定赛车要基于量产车开发,所以跑拿斯卡嘅原型车往往可以系美国买到,车迷睇完比赛觉得岩心水,就可以去买差唔多样嘅车,所以拿斯卡某程度帮美国车做左宣传。拿斯卡每年会系美国超过100个赛车场进行超过2000场比赛,每年有超过1.5亿个观众会去现场睇,包括宜家最真实赛车游戏GT赛车嘅总监山内一典,所以宜家GT5上面都可以玩到拿斯卡嘅比赛。宜家为止,拿斯卡嘅工作人员已经超过50000人。拿斯卡第一场比赛都会系一条叫做“DAYTONA”嘅赛道开始,美国人叫第一场比赛做“伟大的美国赛车”。点解会甘?跟住话你知。
美式定义----NASCAR - Ryan  - Ryans粤语车评部落
呢条就系DAYTONA赛道,直译就叫“地通拿”。地通拿赛道分两部分,一部分系外围呢个椭圆形跑道,一部分系右下角嘅短途跑道,外围会用来举办第一场嘅拿斯卡,短途部分会用来举行摩托车比赛。因为以前纯种嘅美国车一般都系操控性差嘅典型,如果用来跑弯多路窄嘅赛道可以话一D优势都无,但系美国车有样好,就系扭力大,用来跑直线或者应付少少弯角绝无问题,所以拿斯卡就会用呢条椭圆跑道来跑。椭圆跑道嘅优点在于全程高速,而且几十部车经常可以超车,如果系一般弯弯曲曲嘅赛道,遇到减速就会拖慢成场比赛嘅节奏。欧洲人觉得多弯嘅赛道睇起上来会好有技术性,属于偏向中低速行车路线嘅较量,但系美国人话事嘅拿斯卡就唔同,属于系超高速前提嘅极端操控性。
美式定义----NASCAR - Ryan  - Ryans粤语车评部落
 拿斯卡嘅赛车虽然外形同一般街车无乜唔同,但系呢个只系表面。我简单介绍下一部拿斯卡赛车系点黎嘅。首先系车架,右下角灰色呢个纯人手烧焊嘅钢管车架就系拿斯卡赛车嘅基础,底盘已经连埋防滚架一齐焊死,驾驶室最足料,用晒最厚嘅管材来搞,而引擎舱用料会比较单薄,撞车嘅时候引擎可以推到落去驾驶室下面,车手嘅安全就靠晒呢个白鸽笼,由于系重新造嘅车架,所以受力同重量可以重新设计。车架整好之后就轮到外壳,因为要高速,所以车头设计都系低风阻为主,车门系开唔到嘅,车手要系车窗跳入去,车尾翘起可以有更好嘅压风表现。外壳喷漆之后会贴好多赞助商嘅贴纸,系度讲讲距嘅“头灯”,其实距系无头灯嘅,只系两张“头灯型”贴纸。引擎方面,作为美国嘅赛车,大排量系点都走唔甩,比如右上角呢副道奇出嘅V8引擎,5.6升排量,呢个只系一个基础,事关赛车发动机要特别定制,但系会由普通发动机修改而成,但系就尽量唔用增压器。呢副引擎可以扩缸到7升或者8升排量,甚至9升都得,但系就无甘耐用喇,一场拿斯卡要跑几十圈甚至几百圈,所以要保证唔好冧偈。跟住讲讲车胎,车胎方面首先要充氮气,因为氮气比较稳定,唔会甘易爆胎,而且四条胎会根据唔同赛道用唔同物料,所以拿斯卡赛车虽然睇上去好傻,但其实全部都系高科技。
美式定义----NASCAR - Ryan  - Ryans粤语车评部落
虽然系高科技结晶,但系拿斯卡赛车因为已经上到900匹马力嘅层级,所以依然系一种好难开嘅赛车。因为系跑椭圆赛道,部车只要走直线同转左弯,听起身好似好易,但系因为马力大,而且系后驱,乜野防滑系统都无,后辘好易跣胎,走直线如果要加速,就要用好多扭太动作来修正车身嘅动态,如果唔系,车尾摆开少少,可能就会打白鸽转。直路尾入弯,因为椭圆跑道其实就好似一只获,过弯为左保持高速,弯位设计会好斜,最斜可以去到90度都得,即系话最高速果个弯,你只耳仔同个地下差唔多平衡甘滞。全速通过呢个弯之后,继续大直路,过弯都已经甘高速,大直路就更加颠。因为马力大,扭力又勁,所以拿斯卡赛车唔需要好多档位,一般得四个档,每一档之间齿比间隔大左就可以唔使因为扭力太大而打滑得太耐,系超高速嘅状态,控制部车唔好失控先系主要。
美式定义----NASCAR - Ryan  - Ryans粤语车评部落
因为参加比赛嘅车实在太多,而且系椭圆跑道,所以好多时候都会见到D车一部跟住一部。因为只要前面有车,后面嘅车就可以减少风阻,所以就更加容易跟住上。拿斯卡赛车一开始已经注定实力差唔多,所以要突围就要好好利用气流。唔可以心急,因为本身已经好易失控,扭太动作唔可以太大,同前面部车又唔可以太贴,太贴噶话如果前面部车打转,你就走唔甩,但系又唔可以离得太远,太远又唔可以食气流,甘就超唔到车,车手要有好高度嘅集中力,要听指挥,要睇旗号,又要抵受车里面高频嘅噪音同埋引擎嘅高温,真系唔简单。美式定义----NASCAR - Ryan  - Ryans粤语车评部落
除左识得食气流,仲要小心乱流。如果前面得一部车,你可以好放心甘跟上去,但系如果前面有两部车接近并排,甘就要小心,因为左右两部车产生嘅气流唔同,重叠之后可能会变成向左或者向右嘅侧风,有时会有D小漩涡。呢D风撞去你个车头嘅时候由于受力唔同,你部车就会左西右西,再加埋如果你甘岩好踩紧油,部车就好容易跣胎,再如果你后面有几部车同你做紧同一样野,就会变成甘。
美式定义----NASCAR - Ryan  - Ryans粤语车评部落
系拿斯卡比赛里面,除左好似倒水一样嘅汽油消耗之外,车胎消耗都系好快嘅。因为扭力大,所以起步,掟急弯,变线,刹车,都会消耗呢D比较咬地嘅车胎。去到维修站就会见到好多唔要嘅车胎同准备换嘅新胎,呢D车胎来来去去都系几个牌子,但系车胎系特制嘅,有D有内胎,有D无内胎。有内胎果D会特别设计,比如独立供气,外胎爆左都仲可以开去D安全嘅地方停车。另外要提一提,睇拿斯卡比赛系可以离赛道好近嘅,车迷可以近距离感受汽油味同车胎味,仲有当你见到车队成员走来走去无时停,就会深深感受到浪费时间系几甘无耻。
美式定义----NASCAR - Ryan  - Ryans粤语车评部落  
大家仲记唔记得《汽车总动员》里面果句对白?“Speed,I‘m speed”。美国系一个汽车感觉好浓烈嘅国家,而且美国车比人感觉好纯粹,大扭力就大扭力。大排量车果种随心所欲嘅感觉真系好好开,尤其系城市,城市小车好多人会觉得应该小排量,环保吖嘛,但系讲到好开,始终都系大排量比较就手,起码超车爬头比较易,车几个人唔会哮喘,开冷气唔会无力,上斜坡唔会脚软,而且汽车本身嘅性格就系高速行走、载人载货、攀山涉水,小排量感觉始终有D夹硬黎,虽然有低压涡轮机帮手,而且好多1.6T已经有2.5嘅扭力,但系就算扭力一样,输出嘅特性系唔系都可以做到一样甘顺滑呢?似乎又未得。拿斯卡代表左一种冒险精神,一种上阵杀敌嘅精神,因为拿斯卡系一定会炒车,同埋一定会大炒!所以我都希望我地会有呢种勇气,PM2.5超标唔洗怕,车船税升唔洗怕,油价升唔洗怕,赛车同做人一样,最紧要努力,要有希望。 
 
 
 
 
  评论这张
 
阅读(674)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017