注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

稳打稳扎------EVO 123456789  

2012-03-12 16:18:54|  分类: 经典名车 |  标签: |举报 |字号 订阅

  下载LOFTER 我的照片书  |
江湖味------4G63时代嘅EVO - Ryan  - Ryans 粤语车评博客
物价上涨、公司地震、有老有嫩、荷包干硬化呢D相信系好多朋友都会遇到嘅问题,正因为有呢D问题,人都会比较燥底,但系成功又点会话黎就黎呢,我地一定要稳打稳扎,一步一步来。今次为大家介绍嘅,同样系稳打稳扎嘅车---EVO。EVO虽然简简单单三个字,但系系车迷眼里面就有无限嘅意思。系EVO诞生之前有段古,系度简单提下。三菱之所以俾人一种好跑得嘅印象,系由1987年开始。当时三菱阵营里面有部已经出到第六代嘅戈蓝,出左部顶级版 VR-4,有齐四驱同大马力引擎。大名鼎鼎嘅4G63涡轮增压引擎就系呢个时候出现,三菱就系用距系WRC响朵。但系到左80年代尾,日本四驱房跑车越来越多,为左继续赢,三菱决定整一部专门斗WRC嘅四驱房跑车。虽然戈蓝系快,但系太巨型。为左要有好成绩,就一定要更加轻同更细粒。系三菱当时嘅小型车里面,除左Lancer之外仲有一个叫Mirage,当然啦,最后都系拣左Lancer,因为距车身刚性更加强,跑拉力比赛会比较有优势。另外,由于当时WRC A组的赛车规定用量产车来改,量产车要卖出5000台先够资格,Lancer当时都几好卖,好自然就俾三菱拣中。决定用Lancer底盘之后,三菱将4G63引擎同四驱摆落去呢部轻型四门房车身上,然后经过一步一步细心调教同试验,变成左Lancer Evolution,Evolution系进化甘解。
江湖味------4G63时代嘅EVO - Ryan  - Ryans 粤语车评博客
1992年,第一代EVO上市,车身代号系CD9A,但系得日本有得卖。为左话俾人知距大马力,头泵中间几乎见到成个中冷,头冚都有开窿,仲有16寸合金铃。引擎用左代号4G63嘅涡轮增压引擎,2.0升排量最大马力去到247匹,扭力有31.5公斤米,极速228KM/H,车型有GSR同RS两个版本。GSR其实就系豪华版,有好多舒适性装备,街车一般都买呢个。而RS版就注重驾驶感,无电动窗、ABS都无,座椅都偷轻左,所以无论加速定过弯距都会俾GSR版快。
江湖味------4G63时代嘅EVO - Ryan  - Ryans 粤语车评博客
一年之后,EVO出第二代,车身代号变成CE9A。今次转款外形同上一代差唔多,不过最大马力去到256匹,扭力依然系31.5公斤米,有1250公斤重,前后轴距同左右轮距都加长左小小,用来提高部车嘅高速稳定性。而且今次换左新嘅大尾翼,车底仲有加大嘅防倾杆。第二代嘅EVO改善左第一代唔够定嘅缺点,而且一档同二档嘅齿轮比第一代紧密D,呢一代EVO一直卖到1995年。
江湖味------4G63时代嘅EVO - Ryan  - Ryans 粤语车评博客
1995年第三代EVO上市,车身尺寸同第二代一样,但系头泵把开窿加大左,仲有全新设计嘅侧裙,尾翼越来越大,车尾稳定性又好左。因为入门面积大左同埋用左导风装置,水箱、中冷同刹车嘅散热好左好多,零件故障都少左。今次4G63引擎做左一次升级,涡轮机嘅扇叶大左,甘搞一搞就会多D生风助长燃烧,而最大马力都去到270匹,而且三千转就有齐31.5公斤米扭力,有1260公斤重,同埋换左一个5.358嘅尾牙。头文字D里面须藤京一嘅战车就系EVO 3。
江湖味------4G63时代嘅EVO - Ryan  - Ryans 粤语车评博客
1996年第四代EVO大改款,车身代号系CN9A。外形方面,头泵把有一对巨型雾灯,头灯削到好尖,尾灯用左三角形设计,再加埋大尾翼,部车更加恶辣。机械方面仲犀利,4G63引擎唔同左,大家可以留意翻上面嘅相,前三代EVO引擎皮带辘挨住左前辘,今次就走去挨住右前辘。之所以要甘整系要平衡车头嘅左右配重,减轻大马力四驱车嘅扭力转向问题。车身方面再次强化化,底盘前后都有补强,部车碰撞安全性大左,行D崎岖路面都无以前甘松散。第四代EVO一样有GSR同RS版,两部车一样系280匹,扭力去到36公斤米,有1350公斤重。GSR版有样好高科技嘅配置,就系三菱嘅AYC系统,AYC全称系Active Yaw Control,即系主动舵角控制系统,纯电脑控制,电脑会收集节气门、加速减速同左右摆嘅车身G值,可以控制两个后辘单独出力,D弯更加靓。而RS版就完全唔同睇法,距前后都有LSD限滑差速器,好处系反应快同埋司机可以控制范围更大大,再加上RS版套包围比GSR版更加轻巧,简单D来讲,第四代EVO如果系GSR版就系电脑车,如果系RS版就系人脑车。《极速传说》郑伊健同埋《头文字D》岩城清次战车都系EVO 4。 
江湖味------4G63时代嘅EVO - Ryan  - Ryans 粤语车评博客
第五代EVO车身代号改成CP9A,呢一代开始用巨型抛沙版,属于最肌肉型嘅一代EVO,好处系可以换ET值更加大嘅胎铃。尾翼重新设计,加入角度调整功能,下压力可以根据喜好自己调教。另外,刹车用左BREMBO 四遮鲍鱼,刹车性能有保证,所以到依家为止就算最新款EVO都重用紧。引擎方面今次都有大搞作,活塞重新设计比以前轻左。新嘅高角度凸轮轴可以令气门打开时间耐D,可以有多D生风同汽油捞埋一齐烧。电脑方面,可以调高涡轮机BAR数。另外,为左配合多左嘅空气,喷油嘴都加大左。虽然最大马力依然系280匹,但系最大扭力已经去到38公斤米,好使好用。 
江湖味------4G63时代嘅EVO - Ryan  - Ryans 粤语车评博客
1999年,第六代EVO上市,外形方面,之前嘅大雾灯改细左,但系就系头泵把两边突左出来,好似生炸腮甘。虽然好似样衰左,不过就令到车头撞风面积加大,散热更加好,另外,尾翼用左双层设计。今次车型更加多,有GSR、RS、RS2同RS Sprint四个版本。RS2其实就系可以系RS版再选装GSR版嘅零件,买家可以拣嘅零件更加多。而RS Sprint就系限量版。今次4G63引擎主要做强化,目的系为左更加襟用。例如新嘅活塞,无论受力同做功都比以前好。引擎散热方面就换左更加大嘅中冷、机油冷却器。另外,RS版涡轮机用左钛铝合金扇叶,主要系轻,可以令引擎反应快D,而且前后鸡俾都系铝合金制造。第六代EVO之后其实未到第七代出现,因为中间出现左一部“六代半”,其实呢部系一部限量版,得2000部。为左纪念三菱车手Tommi M?kinen连续四次得到WRC冠军,所以部车里外都有Tommi M?kinen标志。外形方面呢部车同一般嘅六代唔同,头泵把有几个特制小型入风口,车身有专用拉花。内饰方面,红黑双色Recaro桶椅有Tommi M?kinen Edition标志,仪表板都系专用。另外,仲有专用白色Enkei合金铃。而机械方面,涡轮机用左钛合金扇叶,反应更加快,而且可以将最大扭力提前出现,令部车加速更加好。因为系要来纪念 Tommi M?kinen先生,所以呢部六代半都会叫做“TME”版。
江湖味------4G63时代嘅EVO - Ryan  - Ryans 粤语车评博客
作为新一代EVO,第七代EVO车身代号变成CT9A,今次外形同以往完全唔同,用左大大盏醒目头灯,车身线条更加偏向低风阻,尾灯重新设计,尾翼变翻单层,车身因为用左好多高科技装备比以前重左好多。机械方面又有新野,就系ACD系统,ACD全称active center differential,即系主动中央差速器,主要系用来分配前后辘扭力,无论行车安全同过弯性能都更加好。另外仲有LSD限滑差速器,从呢一代开始,前辘改用螺旋式LSD,反应更加快。为左抵消翻多出来嘅车身重量,三菱修改左悬挂系统,令到部车唔好因为车重变到好钝,呢部车依然系280匹,但系扭力就上到39公斤米,有1400公斤重。另外一个大变化系呢一代EVO出现左自动波,车名后面写住GT-A。呢部车用左一个有学习功能嘅五前速自动波,识得根据司机开车风格自己判断换挡时机。因为系自动波,考虑到唔可以承受太大马力,所以呢部车最大马力得264匹。但系EVO有自动波其实一D都唔吸引,好多买EVO嘅人都系贪距有手波,一个真正热爱驾驶嘅人系唔会觉得手波麻烦嘅,所以自动波EVO就的呢一代,之后嘅第八代出翻纯手波。最新嘅CZ4A用左双离合波箱,呢个同一般自动波唔同,属于半自动波箱。
江湖味------4G63时代嘅EVO - Ryan  - Ryans 粤语车评博客
 2003年EVO已经去到第八代,车身代号依然系CT9A,三菱系2003年先正式系美国卖EVO,而且严格来讲美版EVO系日版嘅阉割版。因为美版第八代EVO全部都无AYC系统,2003、2004款GSR都无前辘螺旋式LSD,RS版先有,六前速手波都无,呢一批车全部用日版嘅旧款五前速手波。唔系话距差,话距唔够新姐。不过都有一部车例外,就系2005年嘅EVO MR,呢部系唯一嘅六前速手波美版,又有ACD,仲有一个铝合金车顶,车顶后面系一排鲨鱼鳍扰流器,用来梳理经过车顶嘅气流,悬挂方面就用左Bilstein避震,合金铃就用BBS嘅。2005年之后,美版EVO先有前辘螺旋式LSD,而且GSR版,RS版都有ACD系统。最神奇嘅系,美国嘅RS版居然可以装D舒适性装备。其实讲左甘多我系话三菱唔系好识得卖车,起码唔够扫把佬,事关富士好早已经系美国设点卖STI,三菱反应系迟钝D。再讲讲英国。英版EVO全部经过Ralliart UK重新调整,而且将马力数字贴系车尾,比如FQ300、FQ320、FQ340、FQ400。 
江湖味------4G63时代嘅EVO - Ryan  - Ryans 粤语车评博客
第九代EVO相信好多朋友都好熟悉喇,事关呢一代EVO可以系国内4S店买到。呢一代车身代号仲系CT9A,外形方面,头泵把个三菱标志无左个三角形“靠山”,而且入风口变大左,车尾都系小小修改。引擎仲系4G63,不过今次就加入左MIVEC系统,MIVEC系三菱嘅可变气门正时系统,主要用来改善引擎排放,令到低转速部车醒D,同埋令部车出力比较顺,都几多好处架,而且换左新嘅涡轮机之后,E9最大马力有小小提升。除左四门版,系日本仲有一个旅行车版,唔好睇少距啊,限量版黎嘅,得2500部,叫做Evolution IX station wagon,有两个车型,一个系六速手波嘅GT,同埋五速自动波嘅GT-A。第九代系英国照旧改名上市,即系FQ300、FQ320、FQ340,系米唔见左之前有嘅FQ400呢?因为多左一部马力低D,但系扭力反而大D嘅FQ360,另外仲有一款限量200部嘅 FQ-360,争崩头。EVO依家出到第十代,点解我唔一齐写呢?因为我觉得距已经系全新设计,唔系之前一点一滴进化而成,而系突然之间空降,所以就等有机会再介绍,EVO前九代都系一步一步进化而成,我觉得做人做事要有呢个精神,唔好霖住一步登天一朝发达,要学识稳定中求发展,慢系慢D,不过胜在够稳阵。 
  评论这张
 
阅读(765)| 评论(6)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017