注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

浪迹天涯-----------奥迪经典RS车系  

2012-02-03 17:58:16|  分类: 经典名车 |  标签: |举报 |字号 订阅

  下载LOFTER 我的照片书  |

浪迹天涯-----------奥迪经典RS车系 - Ryan  - Ryans 粤语车评博客
新年好,祝大家身体健康,新年进步。大家有无出去游山玩水呢?不过过年呢段时间天气唔好,去到边都人逼人,买野又贵,呵呵。不过系呢个密不透风既城市里面屈得耐,唔多唔少都会幻想下自己突然间发达唔使做,开住部车周围去。而讲到车,就唔可以忽略旅行车,而讲到旅行车,就唔可以唔提下奥迪。讲到奥迪,就唔可以唔讲距噶外形,事关同德国同级对手相比,距噶外形最低调。奥迪自从1988年开始就已经系国内生产薯头薯脑既奥迪100,比好多80后都要后生,当时系唯一国产豪华车牌子,大细官员帮自己配置公务车噶时候,想豪华但系唔可以太招摇,再加上国家对距地D车排量、价钱都有要求,而后来既奥迪100/200或者再后来既A4/A6都好岩条件,所以80年代尾到90年代中期,好多官员基本都系用奥迪,所以就有左一个“官车”噶朵。不过近年奥迪噶发展神速,新车用晒奥迪所有新技术,波箱,四驱,直喷涡轮增压引擎等等,出D车又型又快,虽然外表差别唔大,但系好噶设计通过车身尺码变大变细一样可以红!依家奥迪既用家已经唔止以前既官富(二代),连潮人都开始转买奥迪代步,不过今次为大家介绍既,唔系四门房车,都唔系跑车,而系有四门房车低矮造型又有顶级跑车性能既奥迪旅行车,仲要系RS版既。
 
浪迹天涯-----------奥迪经典RS车系 - Ryan  - Ryans 粤语车评博客
介绍RS系列,就要先讲讲距噶灵魂之一--------QUATTRO四驱系统。QUATTRO Gmbh之前系奥迪车厂里面一个赛车部门,主要负责研究开发奥迪、大众车型既四驱系统,QUATTRO系拉丁文字里面系“四”既意思,用系汽车上面就系四驱车甘解。奥迪一直都有参加赛车,80年代,奥迪用一部QUATTRO SPORT战车征战WRC,成绩有目共睹,QUATTRO都因为呢个原因出晒名,QUATTRO已经成为高性能奥迪既武器之一,好多人都啉唔明点解一部又重又大部既车点解会可以舞到好似小型跑车甘灵活,QUATTRO四驱系统功不可没。
浪迹天涯-----------奥迪经典RS车系 - Ryan  - Ryans 粤语车评博客
无论乜嘢车都好,无好既抓地力系无可能开得快既。作为世界上最难跑既赛事之一,WRC成日都拣埋晒D泥地雪地来比赛,呢个时候四驱系统可以话系拉力赛车既标准配置。但系四驱车点样可以做到身手敏捷,就唔系间间车厂都得,事关四个车辘都可以出力,前后扭力点样分配,左右扭力点样根据部车既动作调整,就已经系一个问题。QUATTRO既优点就在于首先保证部车过弯既稳定性,部车就算行紧,都可以做到扭力根据状态自由分配,所以四个辘都可以有最好既扭力输出。奥运有吉祥物,奥迪四驱都有,就系一条盐蛇,盐蛇又叫做壁虎,四只脚都可以痴到墙,用来表达奥迪四驱既抓地力就最岩喇。
浪迹天涯-----------奥迪经典RS车系 - Ryan  - Ryans 粤语车评博客
大约系1995年,宝马利用3系先天赛车基因出左一部E36 M3,用左一副叫做S50B32噶超级自然吸气引擎,最大马力去到321匹,面对呢部顶级街车周围稳食帮宝马稳银,奥迪梗系唔会就甘坐系度睇住人地数钱,无几耐就联合QUATTRO 公司推出一部可以同E36 M3链过既快车-----RS2,距亦都系后来所有奥迪RS车型既祖先。
浪迹天涯-----------奥迪经典RS车系 - Ryan  - Ryans 粤语车评博客
其实讲到欧洲车内笼,沉实同用料靓系一个优势,只不过会比同时期日本车无甘多人性化设备。RS2同好多奥迪一样,内笼唔系一见钟情既类型,不过作为高性能车,距用左小小碳纤维装饰,太盘虽然有D大,但系手感都OK,6速波棍头好就手,唯独三个踏板位置有D深,对于我呢D一般身材既广东人,要调前D张凳。前面一对桶型座椅好包身,白底红字仪表板有D似90年代三菱EVO表板设计,空调出风口唔可以话距复古,而且系同时期欧洲车里面,距算冻噶喇。
浪迹天涯-----------奥迪经典RS车系 - Ryan  - Ryans 粤语车评博客

就甘睇上去RS2引擎舱唔觉得有乜特别,里面系一副打竖放既2226CC直列五缸涡轮增压引擎,DOHC双顶置凸轮轴每缸四气门设计,最大马力居然有315匹!,而且波箱用到6前速手波,配合鼎鼎大名QUATTRO四驱,零到一百4.8秒搞掂,极速263公里!虽然系一部老土薯仔旅行车,但系无论加速力道同极速都同中游位置既跑车斗到难分难解,再加上旅行车先天高刚性车身同埋有大空间,所以RS2一直都被誉为“全球最快量产旅行车”,直到1999年同门师弟RS4噶出现。

浪迹天涯-----------奥迪经典RS车系 - Ryan  - Ryans 粤语车评博客

大约从1999年开始,奥迪所有车名都变晒,用数字区分车既尺码,比如A2、A3、A4、A6、A8。其中A4(代号B5)用来代替以前既奥迪80,成为奥迪家族既中流砥柱,而且仲出埋旅行版本AVANT,新车梗系都要有新既高性能型号,所以RS4就继续同QUATTRO公司合作,系AVANT既基础上进化,继续捍卫住“全球最快量产旅行车”呢个金漆招牌。 

浪迹天涯-----------奥迪经典RS车系 - Ryan  - Ryans 粤语车评博客

入到内笼,副驾驶位无左上一代果快大大既碳纤装饰板,改为传统家庭车设计。而作为一部快车,两张桶椅唔少得,今次呢对比RS2上面果对更加包身,尤其系两边腰部更加系夹到实!RS4今次将副6速波箱改良左,换挡行程比上一代短,入档快,而且好易入,唔会好似上一代甘有时二档上三档会卡一下,同步器都有细致改善,系一副手感好好既波箱设定,不过波棍位置就比上一代低,手臂长噶人开会比较有着数。总体来讲,呢一代RS4内笼感觉无上一代甘跑车化,但系胜在所有按键都好易稳到,而且功能齐全,唯一唔好就系冷气反而无上一代甘冻,而且玻璃比较易起雾。

浪迹天涯-----------奥迪经典RS车系 - Ryan  - Ryans 粤语车评博客

RS4要成功接棒,引擎改进系第一步,前辈RS2用5缸引擎,我就用6缸。呢一代RS4用一副2.7 升V6 双涡轮增压引擎,呢副引擎系奥迪里面用得好广泛,比如第一代的S4(A4既三厢高性能版)。连后来国产A6同进口的ALL-ROAD QUATTRO都系用呢副引擎,只不过为左保证油耗同易控制,将马力定系250匹左右。呢副引擎装系RS4上面就将马力调到380匹,不过RS4比RS2重500公斤有多,所以零到一百要4.9秒,而极速就比电脑限制系250公里。加速虽然慢左小小,但系车架同悬挂系统都系新设计,呢部车虽然大但系操控一D都唔差,有四驱系统同380匹马力,系D多弯既山路好好开,比同时期好多后驱跑车都容易控制,全世界车迷都觉得好出奇,呢D除左系大马力引擎既功劳,悬挂设计同调教都好紧要,再加上四驱车天生就高极限,RS4快绝对唔系撞彩。正因为甘,RS4带起抢购热潮,不过呢个抢购唔系面向所有车迷,事关当年110万有多既价钱唔系个个都负担得起,1999年揸住百几万买部中型旅行车,唔系一般人可以接受,最起码思想上会有一番挣扎。

浪迹天涯-----------奥迪经典RS车系 - Ryan  - Ryans 粤语车评博客
1999年买RS4贵,就算有能力买都觉得牙痛甘声,觉得肉赤,跟住无几耐更贵既RS6就出现左。系2002年,作为当时奥迪最强既RS6正式卖街,高性能车噶粉丝梗系就算唔买都会留意啦,第一代RS6依然好似RS4甘,用同级别房车开发。RS4源自A4,甘RS6自然就来自A6。A6噶大名应该好多中国人都知,事关好多人认识奥迪,就系由呢一代A6开始,价钱贵,唔紧要,个样怪,唔紧要,油耗高,唔紧要,最紧要噶系,距依然系国内“官车”既代表,虽然甘样形容奥迪有D肤浅,但系要改变一般奥迪粉丝既睇法,就要由最根本入手。系国内,奥迪好多时都系比人包装为一部好豪华而且好似几抵买既形象,而事实上距都系几豪,但系系欧洲,尤其系德国,距可以话系系运动性能方面追住宝马来打,系欧洲大陆,追系M3后面既往往系S4或者RS4,我觉得到目前为止,宣传奥迪应该好好由运动基因入手咯,静系宣传高科技系唔够既,仲要讲明呢个高科技系样令到部车更快更加顺手,而唔系讲一大秋英文,你个客都未知ESP系乜野黎既。
浪迹天涯-----------奥迪经典RS车系 - Ryan  - Ryans 粤语车评博客
作为比RS4高一级既高性能跑车、房车、旅行车三合一产品,价钱当然要再贵D,160万起价系2002年来讲依然系一个豪宅数字。RS6内笼同RS4有好明显区分,如果话RS4噶系一个二十几岁着住西装噶飞仔,甘RS6噶就应该系呢个飞仔噶十年后。RS4用10年唔会无端端变成RS6,只不过距噶用家心态已经发生变化,距想部车依然系够快,不过系呢个基础上面要求更加多。RS6有更加高质感既内饰,桶椅依然可以好包身,只不过因为有电动控制,距都可以好舒服变成沙发,尤其系大髀位置有脚托。6速波棍唔见左,因为距已经变左用自动波,今次空调够晒冻喇,而且系自动噶添。所有所有呢D变化,都令到人觉得,RS6唔系一部静系识得攻弯既机器,而系一部可以舒舒服服高速巡航既私人座驾。
浪迹天涯-----------奥迪经典RS车系 - Ryan  - Ryans 粤语车评博客
2002年款式既RS6用左一副大牛龟4.2升V8 引擎,再加两个TURBO。呢副引擎都有自然吸气版本用系奥迪A8身上,RS6工程师对引擎做左全面强化,压缩比9.8比1,再加上两个低增压KKK K04 TURBO,最大马力450匹,停产之前仲出多一个后期版RS6 II去到500匹。虽然今次车身已经去到两吨有多噶水平,但系由于马力大,零到一百4.7秒搞点,电脑限速极速250公里(经过电脑破解可以上到285公里)。睇住奥迪出完一部由一部叫好叫座既高性能车,仲要唔系跑车,奔驰宝马都即刻跟进,奔驰就出V8机械增压既E55 AMG,宝马就出一部用F1技术既V10自然吸气M5,呢两部车都比RS6快,但系由于当时得RS6系旅行车,所以当年既“全球最快旅行车”宝座依然仲系RS6坐住。
浪迹天涯-----------奥迪经典RS车系 - Ryan  - Ryans 粤语车评博客
2011年我去左几个地方玩,有珠海,有厦门,有四川,有湖南等等,我以前好少去旅游,系呢一两年密D,我觉得去旅游的确可以令人放松D,起码唔使一起身就啉今日做D乜,早上要见D乜人,中午食乜送,或者晚上去边度hea之类噶问题。有留意电视广告噶朋友应该知道,最近有好多SUV,RV出现,距地噶广告语大致内容都系话叫你放低手头噶工作,踩油离开呢个令人烦躁既城市,但系要行开下,工作要安排好,屋企人要交待好,自己准备要做好,钱要够,静系啉已经减弱左想去旅行既冲动。但系奥迪旅行车有一个好好既概念,就系将旅行变成一种心情,哪怕只系你出去买送煮饭十几分钟车程。睇报纸话今年经济情形同上年差唔多,买六合彩既朋友可以继续买,买个希望氹下自己,我地要享受每一次系路上既旅程,无论远定近,翻风定落雨,就好似享受我地既生命甘,必要时以德报怨,必要时苦中作乐,新一年我祝大家笑口常开,万事胜意。



 

 
  评论这张
 
阅读(537)| 评论(2)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017