注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

有为青年-------AE86  

2012-02-29 16:06:39|  分类: 经典名车 |  标签: |举报 |字号 订阅

  下载LOFTER 我的照片书  |
 
 有为青年-------AE86 - Ryan  - Ryans 粤语车评博客
古时候嘅车大部分都系后驱设计,引擎摆系前面,前辘负责转弯,后辘负责出力,各就各位,分工各作,最大问题系结构复杂而且传动轴会占用内笼空间,所以同一尺码嘅车,后驱往往会比前驱局促。依家我地见到嘅车大部分都系前驱设计,之所以大行其道系因为成本无后驱车甘高,空间大而且维修比较方便,同埋比较适合一般人开。同好多朋友一样,提到后驱车,都会倾下漂移运动,跟住就自自然然会倾到AE86,MR2,S13,S14,A31,R33 GT-T呢D经典平价漂移车,尤其系AE86,系车迷圈子呢部车系一个迷。呢部车有翻甘上下历史,虽然技术上比较落后,但系都有距自己嘅亮点,今日同大家一齐研究呢部80年代出品嘅经典后驱车---AE86。
有为青年-------AE86 - Ryan  - Ryans 粤语车评博客
《头文字D》系列作品包括漫画、动画同电影,主要围绕漂移题材讲述一个少年车神嘅故事。一讲漂移个个都讲86,大家知道86应该都系因为《头文字D》。AE86作为主角藤原拓海嘅战车,经过重新包装之后又再出现。其实唔单只系86,就连日产飞鸡系列S13,S14,PS13,战神系列GTR R32等等呢D车都比以前更加出名,呢D90后系电影或者动画里面往往都唔够呢部80后快,主要系因为故事情节需要,如果车手实力差唔多,现实里面嘅AE86要砌低呢班对手,绝对唔系甘容易。
有为青年-------AE86 - Ryan  - Ryans 粤语车评博客
AE86身世有D离奇,AE86其实唔系车名,而系一个车架号码。车系会改款嘅,点先知道距系新款唔系睇距系几几几几年款,而系睇车架号。由内到外从头到脚全新推出嘅车都有新嘅车架,所以都会有新嘅车架号码。系讲AE86之前要提一提corolla,即系我地平时讲嘅花冠,1966年第一代花冠上市,两年之后再推出揭背版Sprinter。直到1970年改款之前,Sprinter系Corolla一个分支,连车名都系叫Corolla Sprinter。不过同Corolla一齐出第二代之后,Sprinter系1971年出左自己嘅四门版,跟住就独立发展。.虽然唔再属于corolla系列,不过比人感觉始终都系兄弟车,而且后来转款一齐出轿跑版本。Corolla轿跑车版叫Levin,“闪电”甘解。而Sprinter轿跑车版就叫Trueno,“行雷”甘解。由于Levin同Trueno只不过系大家车系里面嘅一个型号,所以正式叫法应该系Corolla Levin同埋Sprinter Trueno。 到左1983年第五代改款之后,四门款同五门款嘅花冠兄弟姐妹一齐改成前驱,但系Levin同Trueno就继续用翻第四代嘅后驱设计,除左有双门三厢版同明灯双门揭背版之外,仲有藤原拓海老豆果部跳灯掀背版。有为青年-------AE86 - Ryan  - Ryans 粤语车评博客
虽然距离依家差唔多30年,其实AE86上市嘅时候,市面上已经有好多前驱车可以买,但系中意轻型后驱车嘅人就唯有拣距。呢部跳灯斜尾嘅86大概4米2长, 高大概1米3,阔大概1米6,睇数字就同依家嘅小型车差唔多,而且黑白相间熊猫色系当年都唔系甘少见。如果唔系因为有电影同漫画包装过,就甘行出街可能都唔显眼,最多系因为部车两只门而且收埋左头灯,同周街都系嘅四只门有D分别甘解姐。头先讲到呢一代花冠除左Levin同Trueno之外,其他都用前驱,听讲系因为当时嘅丰田佬仲未研究到先进嘅前驱技术,前辘出力大但系兼顾唔到转弯。不过经历二十几年之后,依家前驱车进步好快,超过300匹嘅前驱车都有。
有为青年-------AE86 - Ryan  - Ryans 粤语车评博客
80年代嘅日本车设计外形都比较中意方正,直角嘅线条好多,内笼都一样,方形仪表板,方形空调口,方形车门拉手,方形波棍座套,方形录音带播放器,方形手刹柄,连太盘中间都系方形。太盘造型依家都好少见,两幅式设计一D都唔跑车化,而且波棍座同平时见到嘅五十铃农民车设计差唔多。三个踏板距离都比较远,再加上机械太无助力当年要加钱先有得装,如果现实里面真系有人日日开住部原装AE86代步仲要练习跟趾动作都几辛苦。
有为青年-------AE86 - Ryan  - Ryans 粤语车评博客

藤原拓海未改装之前嘅AE86用左一副叫做4A-GE直列四缸引擎,除左双顶置凸轮轴、单缸四气门之外,仲有T-VIS可变进气技术,EFI-D电子汽油喷射系统。系1983年用1.6升排气量就可以系6600转爆发最大马力130匹,最大扭力有15.2kgm,而且部车重极都得九百几公斤,一吨都唔够。所以呢个甘轻嘅车身搭配一副甘嘅引擎,而且后驱,部车行起身好轻快,虽然无乜强烈推背感但系就好爽,因为4A-GE都系因为反应快所以先甘出名。以前要用到呢副引擎先可以叫LevinTrueno,后来唔使喇,事关连单凸轮轴嘅AE85也可以甘叫,《头文字D》动画里面啊树之所以会比人厄买左AE85就系距以为呢部同拓海果部一样引擎。AE86系1987年停产,之后由前驱嘅AE92接棒,后尾仲有AE101同埋AE111,都系前驱车。

有为青年-------AE86 - Ryan  - Ryans 粤语车评博客

AE86虽然系80年代出现,但系由于用翻前一代底盘,所以严格来讲距依然系70年代嘅车。原装AE86用左前麦佛逊后硬轴避震设计,距个车架其实来自一款叫做pick up truck嘅小型皮卡,呢款皮卡系北美先有得卖。至于4A-GE引擎,都系丰田叫YAMAHA公司帮手整嘅,后尾丰田研究新款高性能引擎都会拉埋YAMAHA,比如被誉为AE86传人嘅丰田altezza上面嘅3S-GE引擎等等。不过AE86调教都几有心机,車辘既角度、避震嘅硬度都好岩距本身嘅性格,唔算易上手不过好岩用黎锻炼驾驶技术,而且呢部车沟通感几好,无电子系统干预,连ABS都无,呢D甘斋嘅车,对有心提高驾驶技术嘅人来讲岩晒,比如ABS,其实好多赛车都会废左距,用来换翻最真实嘅脚感几时刹车,用几多力,刹几耐,全部都要靠经验去估计。如果一个驾驶者唔知道无辅助刹车系几甘困难嘅话,甘就发挥唔到ABS嘅真正威力。

有为青年-------AE86 - Ryan  - Ryans 粤语车评博客

作为一部标准后驱车,AE86嘅绝技就系漂移。漂移我地一般叫距做甩尾,过弯嘅时候,后辘因为牵引力大过同地面嘅摩擦力,所以会打滑,跟住用太盘同油门去控制角度同速度,好型仔甘掟完一个弯。AE86有好多作为漂移车应该有嘅先天因素,轻身、平衡嘅前后配重、后驱、岩岩好嘅马力等等,如果落场比赛,86拆晒D野偷轻之后甚至可以去到800公斤嘅境界,对于赛车来讲系一个好大嘅优势。除左漂移之外,改装之后嘅AE86都可以参加计时赛或者场地赛,比如著名嘅日本车手土屋圭市,都系用改装AE86参加新人赛出名,依家距主要担任D1GP漂移比赛评委同主持电视节目,但系就对AE86有好深情结。

有为青年-------AE86 - Ryan  - Ryans 粤语车评博客

系赛车嘅世界里面,快就系快,劲就系劲,同款式年份无关。AE86虽然马力唔大,原装嘅时候唔可以参加一D计时比赛,但系都可以参加漂移比赛。轻度改装之后嘅AE86都可以咬住依家嘅新款跑车,有时仲可以爬距头添。所以话,读书唔好未必就无前途,出来比心机做野都可以创一番事业。

 

 

 
 
 
  评论这张
 
阅读(728)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017