注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

穿梭时空------三菱GTO  

2012-02-26 13:44:37|  分类: 经典名车 |  标签: |举报 |字号 订阅

  下载LOFTER 我的照片书  |
穿梭时空------三菱GTO - Ryan  - Ryans 粤语车评博客
自从有左穿越剧,一出电视剧或者电影已经可以有齐古装时装、浪漫浮夸同埋广告穿插等等表现形式,通过剪接、电脑特效等等方法令到视觉更加震撼。系车嘅世界里面,都有穿梭时空嘅情况发生,可能当时系一个实验,可能系一个灵感或者可能系发下怄逗引发嘅思考,出现左一D今日可能都觉得新奇嘅科技。今次为大家介绍嘅车系一个90后,同好多90后一样,生活系电脑年代,但系依家嘅90后未必会接受到同距地同一年出世嘅车,觉得距地外形老土科技落后,或者有D90后汽车系甘,但系今次呢部唔系。
穿梭时空------三菱GTO - Ryan  - Ryans 粤语车评博客
90年代嘅日本车系点嘅呢?经过之前几十年平面方角嘅运用,90年代嘅日本车开始关注流线型同风阻嘅关系。基本上呢个时期嘅车都系扁、圆、阔、长、矮就可以概括。比较典型就有1992年嘅凌志LS400、丰田佳美,1994年嘅日产蓝鸟同埋霹雳马,都系好典型嘅日本式设计。目的都系为左悭油同襟睇。而且因为部车比较圆滑,光线射落去就有扭曲变化,感觉部车会更加大。
穿梭时空------三菱GTO - Ryan  - Ryans 粤语车评博客
同样系90年代初期嘅产物,三菱嘅galant就显得比较另类,车头反而比较倾向同时期嘅宝马5系车头,呢个掘头造型其实都好常见,比如福特野马同埋新款三菱EVO都系掘头,风阻大但系视觉效果就比较凶猛,同laughing SIR一样,属于眼神比较愤怒嘅类型。galant国内叫做戈蓝,表面上系一款四门轿车,但系就用呢个底盘蜕变出另外一个跑车,就系今次嘅主角-----GTO。
穿梭时空------三菱GTO - Ryan  - Ryans 粤语车评博客
GTO正式同大家见面系系1990年嘅10月份,之所以叫做GTO,其实系向1970年嘅经典名车galant GTO致敬,系车厂嘅字典里面,凡系车名同以前嘅名车有关,都会对距好大期望。系日本距叫GTO,而系北美上市就叫3000GT,意思就系一部用3000CC引擎嘅GT跑车。GTO同一般日本跑车唔同,美国feel好浓,尤其系高空望落去,前辘沙板向外,车门就收窄,跟住车尾沙板又继续向外,线条基本同一个可口可乐胶樽差唔多。事关当年三菱已经由美国车厂克莱斯勒话事、距同埋道奇、普利茅斯都属于克莱斯勒噶重要成员,为左对抗美国市场越来越凶猛嘅日本跑车,而且美国同时期跑车大部分都唔得就系人都知,所以就叫三菱研制呢部GTO出来,底盘就用前面介绍过嘅旧款戈蓝,不过因为机械同调教唔同,所以系两种唔同嘅操控感受。(我早两日整亲手,为左打字方便,下面统称呢部车做GTO,请见谅)
穿梭时空------三菱GTO - Ryan  - Ryans 粤语车评博客
早期嘅GTO用左当时好hit嘅挑灯设计,,平时日光日白就好似未训醒甘,好难联想到距系一部大马力跑车。GTO大概长4米6,阔一米8,高就得一米2,车重一吨七几,双门跑车里面距系一个大肥仔。内饰方面采用2+2设计,中控台偏向司机位,除左四辐式太环比较薯之外,其他都好有跑车味。早期嘅GTO用左一副代号6G72嘅V6引擎,而且有225匹自然吸气同280匹涡轮增压两个版本,NA版用四前速自动波,TURBO版就用五前速手波,NA版仲有前驱可以拣,TURBO版就统一四驱。为左砌低对手,距装左好多新奇玩意,首先系开到80公里/小时会系头泵把自动弹出来嘅风翼,跟住系电动尾翼而且可以自己调教,然之后系四驱跑车常见嘅4WS四轮转向系统,LSD限滑差速器,ABS刹车防抱死装置(90年代唔系部部车有),ECS电子避震,两个SRS气囊,之后出嘅版本仲有排气声浪可变系统,90年代呢D装备如果要齐料,就得GTO先有, 
穿梭时空------三菱GTO - Ryan  - Ryans 粤语车评博客
头先讲过三菱同道奇同一个公司控股,因为GTO外形设计杀食,所以道奇就改头换尾出左一部Stealth出黎,距系GTO嘅姐妹车,不过价钱俾GTO更加平,因为减左好多电子装备,Stealth有好多道奇跑车嘅特征,比如“田字格”头泵把,加左眼影嘅头灯同尾灯等等,岩晒一D中意GTO外形但系D钱只能够买EVO 嘅后生仔。
穿梭时空------三菱GTO - Ryan  - Ryans 粤语车评博客
其实虽然GTO有好好嘅引擎同高科技帮手,但系系比赛里面成绩并无对手甘抢眼,甚至有时只系一个邓场。当时GTO已经系日本出战JGTC(依家叫SUPER GT)比赛,睇住日产skyline GT-R同丰田SUPRA成日坐住头三甲,心都淡埋。但系心淡还心淡,GTO依然系好好卖,赛道唔得姐,跑街系啦。1993年8月份,GTO改款喇,今次将跳灯改成明灯,减低风阻,而且TURBO版换左大厂Getrag出嘅6速手波,最大扭力顺便升到435公斤米,1994年仲出埋MR版,偷轻30公斤。GTO系呢一代出货量比较大,但系都系集中系北美。
穿梭时空------三菱GTO - Ryan  - Ryans 粤语车评博客
1995年GTO就整左部硬顶开篷车,呢部车系最早出现嘅两件式折顶硬顶跑车,罗左好多奖,最令人佩服嘅系关蓬时候嘅车顶线条唔会同硬顶版造型差太远,所以好考设计师同组装水平。呢款跑车一直到2000年都仲有得卖。
穿梭时空------三菱GTO - Ryan  - Ryans 粤语车评博客
时间过得好快,无几耐就到左1998年,泡沫经济令到好多车迷变得好现实,甚至由跑车转玩高头大马嘅SUV,三菱汽车可能好多朋友唔系好理解,其实你可以认为距地系一班人,成日都哩系个实验室度造距地认为好嘅车,有小小闭门造车嘅感觉,就算俾人控股,距嘅技术核心都系好着重自己研究,好唔好用一回事,最紧要原创,呢点好重要。三菱D车不嬲都唔够本田丰田日产呢D车厂高销量,所以其实距都系无乜钱,无几耐就放消息,系关于GTO要停产。既然都啉住停产喇,不如转多次款啦,留下美好回忆。1998年,GTO最后一次转款,今次转款都系系外面执头执尾,但系就系最醒神嘅GTO。好多朋友话GTO系一部比较悲情嘅跑车,甚至会好歧视,我唔否认距有缺点,但系绝对唔系D人口中嘅“垃圾”。三菱投入左好多人力物力去开发GTO,主要问题系距比较重,唔够灵活,而且V6引擎比起同时期嘅日产RB26DETT或者丰田2JZ-GTE直六比较无甘容易改装,其他都可以话系好高分,尤其外形设计,高速同加速表现。所以我觉得距好代表三菱,做唔到全世界最卖得嘅车厂,就做最有开发能力嘅车厂,GTO做唔到弯道机器,就做直线机器。就好似洗头水甘,三合一叫抵,静系得去屑就叫做专业。
穿梭时空------三菱GTO - Ryan  - Ryans 粤语车评博客
前几日睇到条新闻,系关于香港用一部宝马5系旅行版隐形警车截停两部街飞。日本由于改装文化好浓,所以飞车嘅人好多。对著呢班开住改装跑车唔顾路人安危嘅人,唯一办法就系用俾距地更快嘅车去截停距。90年代,三菱GTO、日产skyline GT-R、本田NSX同万事得RX7都系当时大名鼎鼎嘅跑车,依家全部都停产,但系依然有用得着距地嘅地方。系国内好少见到警用跑车,尤其系人口密集嘅城市,度度都塞车,开快车最怕嘅唔系警车,系塞车。 
 
 
 
 
 
 
 
 
  
  评论这张
 
阅读(1522)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017