注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

事业线-------标致RCZ 1.6T  

2012-02-19 14:39:52|  分类: 试车日记 |  标签: |举报 |字号 订阅

  下载LOFTER 我的照片书  |
事业线-------标致RCZ 1.6T - Ryan  - Ryans 粤语车评博客
斋睇“事业线”三个字,可能你已经系个脑度想象紧边个边个“o靓模”,甚至已经搜索紧距地D相,不过唔该停停先,我讲车唔讲女嘅,今次为大家介绍嘅系一部跑车,虽然距条事业线未必够“o靓模”果条深,但系比人嘅印象一样无扣分。RCZ系标致第一部唔系用“乜零乜”或者“乜零零乜”起名嘅车,目的系话比大家听标致开始有车行另类路线,而且要比人觉得距独一无二有性格。RCZ其实系2007年德国法兰克福车展已经出现,当时距仲系一部概念车,2008年3月份就正式投产,然之后2010年初系欧洲上市,上年就已经见有人系附近开紧,当时离远望左一眼,已经觉得距唔简单。 
事业线-------标致RCZ 1.6T - Ryan  - Ryans 粤语车评博客
睇车头同依家嘅308CC差唔多,都系用一个标致家族式大口仔头泵把连标致徽章,铝合金头冚连住一部分叶子板,两边雾灯用嵌入式斜角设计型造跑车味。其实RCZ好矮,就甘睇大概就系一米三出头,但系部车超过一米八阔,再加埋唔三唔四嘅四米三车长,扁挞挞好易认。RCZ车头车尾其实差唔多长,甘嘅比例好容易啉起奥迪TT,不过RCZ三围数字都大过TT,车顶两边有条拉丝铝合金,呢度同奥迪A1又系好似。进口到国内嘅RCZ拉丝门眉就得银色,其实系欧洲距仲有黑色同深啡色两种可以拣。
事业线-------标致RCZ 1.6T - Ryan  - Ryans 粤语车评博客
其实行街版RCZ保留左99%概念车时期嘅外观设计,想当年第一代奥迪TT出世,一样系保留翻概念车圆碌碌造型。90年代好多车都仲系方形大头造型,突然间有部圆碌碌车仔出现梗系非一般震撼!但系到左21世纪,圆形线条已经一街都系,要突围就要搞搞新意思。RCZ嘅事业线同“o靓模”唔同,人地系生系心口,而距就生系头壳顶,车厂叫呢个做double-bubble双圆车顶设计。RCZ侧面其实好有肌肉感,除左有涨爆抛沙板之外仲用左好多弧线,感觉似动物多过似车。
事业线-------标致RCZ 1.6T - Ryan  - Ryans 粤语车评博客
RCZ仲有一个同TT好似嘅地方,就系有只可以升降嘅尾翼。呢只尾翼可以分两级打开,电动调教可以设定系85KM/H升第一级,然后系155KM/H再升第二级,或者手动长时间打开距又得。高速有距帮手,再加埋阔车身,RCZ系一部好飞得嘅玩具。
事业线-------标致RCZ 1.6T - Ryan  - Ryans 粤语车评博客
型仔跑车梗系要用无框车门啦,车门上面仲写明用JBL喇叭,RCZ套音箱感觉上低音唔系特别重,高音好清,依家好多人都听MP3,但系如果用呢类型音响最好都系听翻CD。RCZ虽然矮,但系坐姿仲矮!所以头部空间唔系大问题,车头挡风玻璃视野系跑车里面算中上,波棍位唔系几就手,不过呢部系自动波就算了,如果系手波,波棍位整后D可能会好D。中控台无论车线同装嵌都好好,以前标致D车就算进口都好难有甘嘅水准,桶型座椅又厚又包身,头枕位置仲印左标致徽章,如果依家用紧标致嘅玩家想改装桶椅,应该第一时间考虑呢张。坐落去之后头顶岩岩系双圆拱车顶一边,感觉好搞笑。
事业线-------标致RCZ 1.6T - Ryan  - Ryans 粤语车评博客
内笼包装系几好嘅,同德国车嘅硬化感觉好唔同,呢部车比人感觉好温柔,圆形出风口同呢部车好衬,而且有银色镀铬。太盘用左依家跑车常见嘅平底设计,方便司机出入。中控台上面有个好古典嘅时钟,手刹设计有D似本田思域FA。冷气有双区域设置同恒温功能,倒后镜有防闪功能,手枕有得调高低,呢D人性化装备可以令人一定程度唔记得左距有个缺点-----就系隔音。RCZ隔音只系中等水平,因为车身有D地方都几大条隙,如果为左听排气声而设计我无野好讲,但系如果系装配水平问题车厂就应该检讨下。
事业线-------标致RCZ 1.6T - Ryan  - Ryans 粤语车评博客
前座就好高分喇,后排又点呢?拉下前排后面嘅扣,就可以推前张凳入后排,后排勉强可以坐成年人,因为座垫同椅背薄到无人有,而且椅背好直。椅背头枕无几高就系后玻璃,超过一米六就唔好啉喇,坐车姐,何必要卑躬屈膝?后排都系唔好坐人喇,放D零食米算咯,或者带D猫猫狗狗。
事业线-------标致RCZ 1.6T - Ryan  - Ryans 粤语车评博客
既然唔系开篷车,尾箱就唔可以特别细喇。距个尾箱好平,阔度够,唯独高度差小小,后排椅背拍低之后,尾箱就可以装D长型物件。不过系度要留意一样野,尾箱右手边有个圆型,其实系油箱盖,呢个油箱盖系电动嘅,如果系装货嘅时候整烂左个盖,距就合唔翻。所以关尾箱嘅时候要注意下唔好有野系果边卡住,呢个油箱盖好薄,一拍即烂。
事业线-------标致RCZ 1.6T - Ryan  - Ryans 粤语车评博客
依家系国内4S店买到嘅现货RCZ就得1.6T自动波,最大马力156匹,距另外有个200匹6速手波版本,依家未有得卖,不过你可以啉办法订。呢部车嘅1.6升引擎用左标致最新THP高压涡轮增压技术,而且有直喷技术帮手,红线6000转,240牛米扭力系1400转就开始有,我觉得呢部车好好渣,好容易渣,如果系市区开,速度唔算太高,真系唔会差过距嘅对手,加速噶时候部车都有D力,而且D力集中系中断爆发,加速唔可以话劲,不过都算快,副引擎设定应该都系要来超车。车架算系好稳阵,如果出弯大脚油,距个ESP就出来唔比你踩油,跟住车尾就肯跟上黎,唯独系车胎唔系几咬地,就算未响你都已经知道距系想跣胎,总体来讲都系车尾太稳定,ESP又好早做野,可能要刹车刹到车尾升起而且升到好高,车尾先会容易跟,但系如果刹到架车咁死,头胎又无乜抓地力,自动波有6档,呢副波箱来自大名鼎鼎嘅日本爱信公司,2010年之后换左新设计嘅扭力转换器,经过电脑优化之后换挡快左,而且无林峰甘chok。事业线-------标致RCZ 1.6T - Ryan  - Ryans 粤语车评博客 
带距翻屋企要比三十几万,所以睇完车壳就睇埋车底。悬挂系统系一部车嘅手手脚脚,D弯靓唔靓高速定唔定靠晒距,所以多连杆嘅后悬挂依家好兴,平到10万贵到过千万都有车用多连杆设计,而呢部RCZ仲用紧扭力梁后悬挂,而且前悬挂仲用紧麦佛逊添。悬挂设计虽然系天生,决定左車辘嘅角度,但系后天调教都好紧要。RCZ有一副好扎实嘅车架,行下D凹凸路面就知,距整体感其实好好,唔松散,车内笼都无乜杂音,经过标致特别调教,RCZ避震属于好贴地果种。有甘嘅成绩一D都唔意外,以前标致弯王206都系用前麦佛逊后扭力梁悬挂,一样叫好叫座,以前D人将206当跑车甘开,依家轮到RCZ,一样无问题。

事业线-------标致RCZ 1.6T - Ryan  - Ryans 粤语车评博客

RCZ唔系一部大马力跑车,比我感觉距都系偏舒服,尤其系掟弯,够实净但系感觉到有电脑帮手调整刹车同油门。虽然系一部前驱车,但系极限唔算低,四条胎好帮得手。RCZ用左235/45R18嘅CSC3大陆胎,1.6T引擎用甘大条胎,油耗唔会有惊喜,不过就保证到操控性。依家D车,甚至跑车都好高身,视乎越来越重视内笼空间,但系改装界有一句至理名言,就系“车高命短”,意思即系话部车高一寸,危险就会多一份,因为部车开紧就会有离心力等等因素影响,所以今次呢部RCZ一出,就令人觉得矮车其实仲有市场,D路铺好D迷得咯。讲完RCZ嘅事业线,可能你仲系会睇翻“o靓模”果D,不过“o靓模”都会变老模,但系经典嘅跑车设计唔会老。呢拍电视卖紧新款雪佛兰迈锐宝嘅广告,你睇下肌肉车车身设计,一九六几年兴到依家,拍住梁朝伟甘型。所以呢,唔好成日对住电脑睇甘多“事业线”喇,出去运动下啦。

 

 
 
 
 
 
  评论这张
 
阅读(569)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017