注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

粤车无数

国内首个粤语车评博客,部分图片来源网络。

 
 
 

日志

 
 

美国欧洲车------福克斯2.0双离合  

2012-11-11 00:06:50|  分类: 试车日记 |  标签: |举报 |字号 订阅

  下载LOFTER 我的照片书  |
美国欧洲车------福克斯2.0双离合 - Ryan  - Ryan粤语车评
大食细系一个社会现实,就算车厂都走唔甩,想受欢迎卖得多,车厂就要学识擦消费者鞋,所以车厂系开发新车嘅时候往往会系目的地整一个专门嘅公司去收集意见翻来慢慢研究,尤其系一D食左其他车厂嘅大厂,所以宜家牌子已经唔能够百分百代表一部车嘅性格,我地判断一部车系乜车,要睇下距嘅原型车,原型车一般分两种,一种系借壳,比如11年前嘅三厢别克赛欧,虽然系挂住美国别克标志,但系原型车系一部德国欧宝嘅corsa。另外一种系全新设计,比如福特嘅福克斯。福特系美国车厂大家都知,但系传统美国车唔系人人都中意,如果美国车要杀入欧洲市场,就要整D岩欧洲人口味嘅车。于是福特整左一个欧洲分部,专门整D欧洲化嘅车,虽然仲系挂住福特徽章,但系由于部车从头到尾都系欧洲搞掂,严格来讲会有欧洲车嘅性格,所以有好多人会直接话距系一部欧洲车。
美国欧洲车------福克斯2.0双离合 - Ryan  - Ryan粤语车评
新款福克斯嘅外型同上一代好大分别,虽然仲系两厢揭背车,但系有好多细眉细眼位都好唔同,以前你望住旧款福克斯,会觉得几型仔,但系车身有D高,而且车头有D厚。今代福克斯好明显将车头拍扁左小小,会觉得部车重心低左,而且车头灯由之前嘅回力标变成一把刀仔,里面有个好细嘅鱼眼,上高有条日间行车灯,中网收细左,但系头泵把入风口就加大,离远望你会觉得距车头好似搭住一条底裤。
美国欧洲车------福克斯2.0双离合 - Ryan  - Ryan粤语车评
上一代福克斯尾灯系沿住D柱一条过拉落来成部SUV咁,而今代就整到不规则跟住装落D,令到车尾睇上去重心无咁高,不过奇就奇在尾灯有一只角特登拉长左,就来去到C柱咁滞。呢部车系2.0顶级版,所以尾玻璃上面有条好夸张嘅尾翼,仲系双层设计,尾泵把收窄左车尾,用左一条黑色网格连两边红色反光片,单出尾喉。因为系顶级版,所以有17寸铃 ,车胎系215/50 R17,唔算好阔。
美国欧洲车------福克斯2.0双离合 - Ryan  - Ryan粤语车评
开过上一代福克斯嘅朋友应该会记得,旧款福克斯一开始除左宣传欧洲化底盘之外,仲有就系安全,旧款福克斯开起身会觉得比较重,而今代福克斯用左电子助力,开起身轻松左好多。新款福克斯除左底盘扎实之外,造工都有翻咁上下,尤其系隔音,已经追上同级进口车仔,车架好紧,应该用左好多特殊钢材去整,有好嘅车架先可以发挥到部车嘅操控性,呢一样野无论系原装界定系改装界应该都无乜人反对。
美国欧洲车------福克斯2.0双离合 - Ryan  - Ryan粤语车评
虽然话就话系欧洲车,不过挂住福特蓝底徽章,少不免会留翻小小D美国味,首先系呢个四辐式多功能太盘,喇叭系徽章两边,三点同九点位都系控制仪表板里面嘅屏幕显示,四点位系打电话同音响控制,仲有一个语音快捷键,可以用语音指令打电话,而且支持中文,而八点位就系巡航定速,另外仲有一个限速功能,比如设定左80公里时速,之后无论你点踩油,都只系会行80公里时速,包保唔会超速。不过好可惜,就算呢部车系用双离合器波箱,都无系太盘后面整拨片。仪表板用左新设计,同蒙迪欧类似,都系两个大表中间有个行车电脑显示屏,显示屏下面有两个表显示油表同水温,但系呢个显示屏好细,而且都系显示D瞬间油耗同埋行驶里程,玩车嘅人中意关ESP,都要系呢度设定。
美国欧洲车------福克斯2.0双离合 - Ryan  - Ryan粤语车评
中控台靓左好多,不过我接受唔到内笼太多红色,我中意全黑多D。中控台上面系一个屏幕仔,好细,主要都系显示音响同一般功能,唔可以接倒车镜头,连导航都无。呢部车嘅CD机由索尼代工,支持外接音源,不过无论中控台定系太盘,上面D制都系整到密密麻麻,要时间慢慢摸索,跟车仲有8个喇叭,CD机下面就系控制双区自动冷气,基本满足到一般用家。
美国欧洲车------福克斯2.0双离合 - Ryan  - Ryan粤语车评
新款福克斯嘅手刹设计同第八代本田思域嘅差唔多,手刹隔离系双离合器波箱嘅波棍头,呢副波箱虽然换挡快,但系电脑保护都好严重,如果你中意开快车,会觉得距系唔适当嘅时候换挡,当你要迁就距嘅时候会觉得无晒心情,然之后又死死地慢慢开,即时无瘾。双离合器波箱由电脑控制,所以电脑程式设定决定左波箱襟唔襟玩,福特应该系有心咁做,因为双离合器波箱由大众车厂发起,一路以来返厂换波箱嘅车都唔少,稳阵嘅电脑程式虽然某程度扼杀左部车应有嘅实力,但系就可以令到日常用车唔使咁担心。另外,你见到波棍头左边有两个好细粒嘅加减制,呢个就系用来手动控制升降挡,并唔系好似DSG咁拍前拍后,呢种设计系最新嘅福特野马上面都可以见到,都系一D美国车先有嘅奇怪设计。
美国欧洲车------福克斯2.0双离合 - Ryan  - Ryan粤语车评
 其实对于一部咁有科技感嘅车,无电动座椅系好怪嘅,不过呢两张凳用左半真皮半不织布嘅设计,放跣做得几好,又够包身。不过呢个颜色我唔系几中意,好似好山寨咁。两张前座之间有两个杯架,后面系储物盒。全车四个气囊外加侧面气帘,配合高刚性车身可以好好保护司机乘客。
美国欧洲车------福克斯2.0双离合 - Ryan  - Ryan粤语车评
空间方面,今代福克斯嘅后排其实唔算阔落,头顶几多位,不过椅背好企,再加上椅垫唔够长,大比位支撑唔够,膝头哥离前面椅背好近,就算今代用左加厚发泡棉,都会坐得几辛苦。后尾箱空间同上一代差唔多,后排可以四六分开拍低,搬D大件物最使得。
美国欧洲车------福克斯2.0双离合 - Ryan  - Ryan粤语车评
引擎方面,呢部车用左一副全铝缸内直喷2.0升直四自然吸气汽油引擎,最大马力170匹,最大扭力202牛米,压缩比去到12:1,所以要食97号汽油。不过如果慢慢开,你唔觉得部车有170匹,低转速嘅时候距好斯文,但系踩深油,就觉得越转越有力,事关呢部车最大扭力要过4500转先有,马力更加要拉到上6000转。如果你开过上一代呢,会觉得部车好利,太感重车架硬,应付路面凹凸不平唔够细致,属于好欧洲化嘅设定。但系今次新款好明显系福特车厂里面嘅一部全球战略车,唔单只想继续征服欧洲人,直头想征服全世界揭背车迷,将之前嘅极端驾驶感削弱左,仲有引擎同波箱,唔可以话距地唔夹,距地之所以古怪,全因为厂家嘅电脑调校,而且呢部车避震唔够硬,过快弯会有D脚软,上代福克斯无论外形定性格都好特别,但系宜家嘅福克斯就变到好驯,外形确实够花巧,男仔女仔开都岩,不过就系无左果份纯真。
 
  评论这张
 
阅读(837)| 评论(0)
推荐 转载

历史上的今天

在LOFTER的更多文章

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017